گشتی

——–دهوک ئەو باژێرێ بویە پرتەکا چیمەنتوى؟!!!

 

سه‌لام باله‌یی

خوزیکێن بایەکێ هین لبن داروبارێن تاخێ رەزا و بنتیکا، خوزیکێن روینشتن و خواندنا بن چەمێن مالتایێ،لێ ئەڤرو ئەو خوزى بونە پارچەکا چیمەنتوى و ب دەهان دەفتەرێن دولارى دهێنە فروتن،چەند خوشە دەمێ تو ل هەر جهى داروباران دبینى لێ چەند نەخوشە دەما تنێ چاڤێن تە ب خانیێن رەپەرویت دکەڤیت و ئەزما داروباران و شینکاتیێبیت ل باژێرێ من دهوکێ، مە دڤێت تە ب کەسکاتیێ بخەملینین ، مە دڤێت تە ب تەناهى و جوانیێ بدەین ناسکرن بەلێ ئەزێ دترسم ئەو ژى بو تە نەمینیت تو ببیە باژێرەکێ کرێت تنێ ئەم جادەیێن پرى قەرەبالغ و ترافێکەکا بێسەروبەرو و پرتێن چیمەنتوى ببینین ، ئەرێ ما ئاڤاهى نەبەسن!! دێ بلا دوو میترێن شوستەى بو مە بمینن دا ترمبێل مە نە هنگێڤن ، ئەو جادەیا (kro) هەتا زرکا دا چەندا جوان و ژێهاتى بیت ئەگەر دوو تا سێ میترێن رەسیفى وە هێلابان و داروبار لێ چاندبان ، باوەربکەن دا ئێڤاریان ب سەدان خەلکێ ڤى باژێرى پەیاسا لێکەن ژن دا زاروکێن خو د ئەرەبانادا هاژون و باشترین وەرزشى ژى بو، بەلێ کەسێ هاى ژخزمەتا گشتى نینە تنێ کانێ هەر ئێکى دێ چەند گەهیتێ و ئەم هەمى مێهڤانین ل سەر ڤێ ئاخێ، هەڤالنو ئەڤە ولاتێ مەیە ،وەرن دا پێکڤە ئاڤا بکەین، بەرپرسنو ئەڤە باژێرێ مەیە، وەرن دا جوان بکەین و خزمەتێ ژ خەلکیرا بکەین ،ما هون هزر دسەنتەرێ باژێریدا ناکەن چەندێ کرێت و تەنگو بێ هەبونا جهەک رونشتنێیە، ئەڤە ل سالا 1998 وەرە دبێژن دێ ئەو ئاڤاهیێن ل سەنتەرێ باژێرى رابن و دێ بنە پارک و نافورە و جهێ روینشتن و خوشیا خەلکى بەلێ تاکو ئیرو هەر وەک خو مایە ، ما بێلا و گرو ترمبیلێن دوماهى مودێل نەبەسن!!! ما ئاورەکێ ل ئاڤا کانیا و بیرهاتنێن کەڤن نەدەین!! ما تو ب کێ دخورى و ئەز بو چ ڤێ دبیژم!! ما چارەنڤیسێ مە هەمیان ب هەڤرا نە گرێدایە!!
من مرادە ئەز وێنەکى بگرم و ئەز تێلان تێدا نەبینم ،من مرادە ئەز جادەکا بێ تەسە نەبینم، من مرادە جارەکێ فلکا نیڤا سیکێ بەرامبەر رێڤەبەریا پولیسان یا ڤەکرى بیت، من مرادە ئەز ترمبێلا خو ل جهەکى راوەستینم و تشتێن من ژ سیکێ کرین بکەم تێدا بێى مرور من جزا نەکەت، ما تا کەنگى دێ هەر خوزیا راهێلین و مرادا خوازین ، وەرن هارى من ئەز چ ناسنامە بدەم باژێرێ خو، هەولێرا پایتەخت ، کەرکوکا دلێ کوردستانێ، سلێمانى پایتەختێ روشنبیرى ،دهوکا ………………..!!!چچچچچچچچچچ ئەز ژى نزانم ..لێ دهوکا بویە پرتەک چیمەنتوى؟

بابه‌تێن په‌یوه‌ندی دار

زر الذهاب إلى الأعلى
إغلاق