گوتار

رەخنە هونەرە و یادی دکتاتوریەت و چڤێلیە

File0175

د. شه‌عبان مزوری
ل وەلاتێن تۆتەلیتار و دکتاتور گەلەک باسا رەخنا ئاڤاکەر و وێرانکەر تێ کرن لێ بەرەڤاژی هندێ برەنگەکێ گشتی ل وەلاتێن دیموکراتی رەخنێ چپێناسێن بڤی رەنگی نینن، بباوەریا من دابەشکرنا رەخنێ بو ئاڤاکەر و وێرانکەر ڤەدگەریت بو سەردەما خوەرتبونا پارتێن کومونیست ل جیهانێ لدەستپێکا سەدا بیستا. لەوما زانایە بومە کو وەلاتێن کومونیست و ئەوێن لفەلەکا وان دا دگەریێن لبن دروشمێ رەخنا ئاڤاکەر و وێرانکەر بملیۆنا کەس بێ زمان یانژی بێ تبل کرن
من گەلەک جارا پرس ژخوە کریە باشە گەلو چەوا کەسەک یان گروپەک هندی مەزن بیت ماف هەیە گوتنێن من یان ژی کەسەک دن ب رەخنەک ئاڤاکەر یان وێرانکەر بناڤکەت. بباوەریا من رەخنە بەشەکێ هەرێ مەزنە ژ مافێ ئازادیا رادەربرینێ و ژ بەر ڤێ چەندێ نابیت کەسەک یان گروپەک لگور مەرەمێن خوە ناڤبکەت
رەخنە ئانکو کریتیک ژ پەیڤه‌ك یونانی یه‌ کو رامانا وێ دبیتە هونەرا هەلسەنگاندن و ڤەوژارتنێ. رەخنە هونەرا پێداچونا بەرهەمەکیە، نرخاندن و ئاشکرا کرنا خالێن بهێز و لاوازێن بابەتی. رەخنە وەک لسەردا من ئاماژە پێکری هونەرە و وەک هەر هونەرەکی دبیت گەلەک کەسا خواستا وان هەبیت کار پێ بکەت لێ نەکارێ هەرکسی یە. رەخنەگرا جهەکێ گەلەکێ بەرزێ هەی دجڤاکێن دیموکراتیک دا دوارێن جودایێن هونەریدا هەروەسا پرسێن جڤاکی دا. لێ دەما ئەم تێین سەر سیستەمێن دکتاتور هەر پەیڤەکا ژ دەست خوەشی، هەربژی، پەسن ب شان و بالێ بنەمال یان گروپێ دەستهەلاتێ دەرکەڤیت رەخنەک وێرانکەرە
رەخنە وەک هەر هونەرەک دن بەرفرە بویە لێ برەنگەک گشتی چوار رەنگێن رەخنێ-کریتیکێ هەنە
١-رەخنا کونستروکتیڤ، دەما مروڤ تشتەکی یان هەلویستەکی رەخنە دکیت لێ دهەمان دەمێدا چارێ ژێرا دادنیت. بو نمونە ئەگەر مروڤ بێژتە کەسەکی ( تێکەلیێن تە ل گەل هەڤالێن تە جهێ دلخوەشی و شانازیێ نە، دەیبابێن تە دا گەلەک کەیف خوەش بن ئەگەر تێکەلیێن تە دگەل خویشک و برایێن تە وەسابان)
٢-هیپو رەخنە،ئەگەر مروڤ کەسەکی ل سەر کارەکی یان هەلویستەکی رەخنە کەت و مروڤی بخوە هەمان کار ئەنجامدابیت یانژی هەمان هەلویست هەبیت
٣-هیپر رەخنە، دەما کەسەک گەلەک کویر ب رەخنە لسەر تشتەک نەبەرکەفتی راوەستێت
٤-رەخنا خوەیاتی، دەما مروڤ بخوە رەخنێ لکارەکی یان هەلویستەکێ خوە دکەت

هەر رەخنەکا مروڤ بکەت پێویستە هندەک تشتا لبەرچاڤ وەرگریت ژڤان تشتان

١-رەخنا خوە گیرونەکە، گەلەک گرنگە د گەرمیا رویدانێ دا هەلویستێ خوە ئاشکرا کەی، هەکەر تو سەر بابەتەکێ دەمەک سەردەرباس بوی باخڤی یان بنڤیسی خەلک دێ پرسێ کەن بوچی نوکە؟؟؟؟
٢-هەستێن خوە کۆنترۆل بکە.هەولنەدە کەسەکێ بخوە دزانیت شکەستیە، سەرکەفتی نیشان بدەی
٣-هەولبدە رەخنا خوە وەک پرس نیشان بدەی: بو نمونە شوینا بێژیە کەسەکی چجارا تو نەشێی کارێ خوە بدوماهویک بینی، بێژێ کەنگی بباوەری تە دێ کارێ خوە بدوماهی ئینی
٤-هەر جارێ یەک پرس یان گرفتاری باس کە. ئەگەر مروڤ چەند پرسا بهەڤرا بخیتە رۆژەڤێ، وێ دەمێ مرۆڤ نکاریت چپرسەکێ مافێ وێ بدەتێ
٥-چ کەسەکی رەخنە نەکە دەما هندەک کەسێن دی لوێرێ هەبن. چونکی هندی رەخنە دجهێ خوەدا بیت ئەو کەس پاشکەشیێ ژ هەلویستا خوە ناکەت
٦-گەلەک جارا دەلیڤە ناخوازیت مروڤ هەمی گۆتنەکێ بێژیت یان بنڤێسیت، ژبەر ڤێ چەندێ گرەنگە مروڤ بزانیت کانێ ئەڤە دەلیڤا هندێ یە یان نە؟ ترسا هندێ هەیە کو رولێ مروڤی ببیتە وەک کەسەکێ شوینا ئاڤێ پانزینی بئاگریدا بکەت

بابه‌تێن په‌یوه‌ندی دار

زر الذهاب إلى الأعلى
إغلاق