گشتی

كوردستان ونه‌دادپه‌روه‌رياجڤاكي

مه‌ناف نێروه‌ی
دهه‌ر سه‌رده‌مانه‌كێدا ديموكراسيه‌ت خواستا هه‌ر گه‌له‌كێ ل ژێر ده‌سته‌ ژبه‌ركو تێگه‌هێ ێ ديموكراسيه‌ت ئانكو هه‌ر كه‌س دڤێت بگه‌هيت مافێن خو يێن ره‌وا و بێ جوداهيا هزر بوچون و ئايدولژيايێ هه‌روه‌سا ديموكراسيه‌تێ هنده‌ك بنه‌ما هه‌نه‌ ژوان بنه‌مايان (( دادپه‌روه‌ريا جڤاكي )) بديتنا من به‌رێ بناغه‌يه‌ ژبو ئاڤا كرنا ده‌وله‌ته‌ك ديموكراس ته‌ندروست ژلايێ پێكاهتێن جڤاكێ هه‌روه‌لاته‌كێ, و دادپه‌روه‌ري وديموكراسيه‌ت ب هيچ ره‌نگه‌كي ژێك جودا نابن و ب هه‌بوونا ڤي بنه‌ماي ئانكو دادپه‌روه‌ري هه‌ر كه‌س دێ بمافێن خوگه‌هيت بيێ جياوازي وهه‌ر كه‌س ل گور ره‌نج و شيانێن خو , و ديموكراسيه‌ت بێ دادپه‌روه‌ري ئانكوته‌نێ په‌يڤه‌كه‌ وه‌ك هه‌موو په‌ڤێن دي كو دهينه‌ نڤيساندن بێ كو مانايه‌ك وه‌هاهه‌بيت ,بدرێژاهيا ديروكامرۆڤايه‌تيێ ب سه‌دان شوره‌ش و سه‌رهلدان هاتينه‌ ئه‌نجامدان پێخه‌مه‌ت بده‌ستڤه‌ ئينان دادپه‌روه‌ريا جڤاكي و نه‌هێلانا وي جوداهيا كو ناڤبه‌را ته‌خ و چين و تاكێن جڤاكيداهه‌ي بو ميناك شوره‌شا فه‌ره‌نسا 1889 و شوره‌شا بلشيڤي وگه‌له‌ك شوره‌شێن دن ئه‌نجامێ ڤان شوره‌شان ئه‌وبوكو پارڤه‌كرنا سمانێ وه‌لات ل سه‌رتاكين وه‌لات بشێوه‌يه‌كێ هه‌ر كه‌س ل گور ره‌نج و كارێ خوو باوه‌رناكه‌مه‌و ئاستێ خواندنا خو ..ئه‌رێ دادپه‌روه‌ريا جڤاكي ل كوردستانێ هه‌يه‌ ؟؟ ده‌ما هه‌ڤوه‌لاتي هه‌ست بنه‌دادپه‌روه‌ريێ بكه‌ن دناڤا جڤاكێدا خودا دێ چ پاشه‌رۆژ ژوي تاكي هێته‌ چاڤه‌رێكرن ؟؟ ئه‌ري بوچي نها لكوردستانێ كه‌سه‌ك دێ پيتر ژ 20 سالان خوينيت ب ده‌رده‌ سه‌ري ونه‌خوشي ول داويێ دێ داهاتێ وي بيته‌ نيڤا داهاتێ كه‌سه‌كي كو ب پشته‌ڤانيا فلانه‌ كه‌سي يان لايه‌ني بويه‌ خودان پله‌ و پوست و كه‌سه‌ك نه‌ كارايه‌ دكارێ خودا و پشتي بده‌ستڤه‌ئينان وي پله‌ي يان پوستي ده‌ست بخواندنێ كري ؟؟ ئه‌رێ ب چوئاوا كه‌سێ هه‌ست ب نه‌دادپه‌روه‌ريێ دكه‌ت دێ (ئينتماء) هه‌بيت بو ڤي وه‌لاتي و هه‌ست ب هه‌ڤوه‌لاتي بوونا خوكه‌ت دناڤا جڤاكه‌كيدا كو جوداهيه‌ك زۆر مه‌زن هه‌يه‌ دناڤبه‌را كه‌س وچينێن جودادا وب چو ئاوا هه‌ست ب ديموكراسيه‌تێ كه‌ت ؟؟ يان دێ كارين بێژين ديموكراسيه‌ت هه‌يه‌ دبنه‌ره‌ت دا ؟؟ ئه‌رێ ده‌ستهه‌لاتا مه‌ بوچو ئاوا دتيگه‌هێ (دادپه‌روه‌ري )ێ دگه‌هن و شرۆڤه‌ دكه‌ن ؟؟ ژبوچي دهه‌رده‌ڤه‌ره‌كێدا دێ بتبلێن ده‌ستان هه‌ژمێرين كو كه‌سانهه‌نه بشێوه‌كێ دروست كار ژبو وه‌لات و هه‌ڤوه‌لاتێن خو دكه‌ت و يێن دن ژبو گيرفان كه‌سانێن ده‌وروبه‌ر هه‌موو شيانێن خو دئێخيته‌كاري ؟؟
.. دوه‌لاته‌كێ وه‌كي كوردستانێ ده‌وله‌مه‌ند دهه‌مي بواره‌كيدا بئاڤا خو سرۆشتێ خو و سامانێ خو ب په‌ترولا خو و ژهه‌ميێ گرنگتر و به‌رچاڤ تر بهه‌مي پێكهاتێن خو يێن ئولي ونه‌ته‌وه‌ي كوئه‌م دزانين كوردستان پێكهاتيه‌ ژ كورد تركومان ئاشوري كلداني ووو هتد . هه‌روه‌سا يا پێكهاتيه‌ ژ چه‌ندين لايه‌ن و ئايدولوژياێن جودا و ملله‌تێ كورد بدرێژاهيا ديروكا خو ئه‌و ديروكا پري شوره‌ش و سه‌رهلدان و قوربانيدان و ده‌ربه‌ده‌ري پێخه‌مه‌ت په‌يدا كرنا دادپه‌روه‌ريا جڤاكي , دڤێت نها وه‌ك ميناكه‌كێ بيت ژبو وه‌لاتێن ده‌وروبه‌ر ب سيسته‌مێ خو يێ ديموكراسي و دادپه‌روه‌رياخوياجڤاكي
پێنه‌ڤێت بهه‌بوونا سيسته‌مه‌ك ته‌ندروست و دورير ژ جڤاكه‌ك نه‌ته‌ندروست كو پێكهاتي ژ ده‌وله‌ندێن ده‌وله‌ند و هه‌ژارێن هه‌ژار دێ تاكه‌كێ ته‌ندروست خودان حه‌زا وه‌لات و نه‌ته‌وه‌ هه‌بيت له‌ورا دخوازين چاڤ لێخشاندنه‌ك هه‌بيت ژبو ڤي سيسته‌مي و مافێن مرۆڤان و دادپه‌روه‌ريه‌ك هه‌بيت د پارڤه‌كرنا داهاتێ وه‌لاتي بشێوه‌يه‌كێ يه‌كسان دوير ژ ئايدولوژيايێن وان و په‌يداكرنا ژياره‌ك سه‌رده‌مانه‌ ژبو هه‌مي تاكێن ڤي وه‌لاتي ل هه‌ر جهه‌ك لێ بژين نه‌ لده‌ڤه‌ره‌كێ بِيوه‌يكێ بيت و هه‌ر كه‌س لگور شيان وباوه‌رنامه‌يا خو كاربكه‌ت نه‌ وه‌ك نها ئه‌م دبينين , به‌لێ ژبو دادپه‌روه‌رياجڤاكي وپاشه‌رۆژه‌ك گه‌ش ژبو ڤي وه‌لاتي .

بابه‌تێن په‌یوه‌ندی دار

زر الذهاب إلى الأعلى
إغلاق