گشتی

هه‌تا كه‌نگي قه‌يران!

مه‌ناف نێروه‌ی
ئه‌و وه‌لاتێن كو دڤي سه‌ر ده‌ميدا د ناڤدار وو هه‌رده‌م دپێژڤه‌چونێدانه‌ و هه‌مي وه‌لاتێن دي يێن جيهانێ چاڤێ وان لێ ئه‌ووه‌لاتن كو ب سامانێ خو يێ سروشتي د ده‌وله‌مه‌ندن يان ساده‌تر بێژين ب په‌ترولا خو ده‌وله‌مه‌ند و ژ هه‌ر چار قورنه‌تێن دونيايێ به‌رێ خو دده‌نێ ب مه‌ره‌ما بده‌ست ڤه‌ ئينانا كاري ل ڤان وه‌لاتان داكو ژيارا خو خوش بكه‌ن بو ميناك وه‌لاتێن كه‌نداڤي و بتايبه‌ت ئيماره‌تا دوبه‌ي كو ب هزاران خه‌لكێ بياني بمه‌ره‌ما كاري قه‌ست كريه‌ ڤي جهي و دهێته‌ نياسين ب خوشترين و پێشكه‌فتي ترين وه‌لات ل جيهانێ هه‌روه‌سا ژيارا خه‌لكێ ڤي وه‌لاتي د ئاسته‌ك ئێكجار بلند دايه‌ هه‌روه‌سا خه‌لكي بياني كو لێ كار دكه‌ن ژياره‌ك باش بخو په‌يدا كريه‌ ئه‌و پروسێسا لوي وه‌لاتي دروست بوي نه‌ گه‌له‌گ زێده‌تره‌ ژ ئه‌ڤا چێبوي ل هه‌رێما كوردستانێ ئانكو هه‌ر ژ 1992 و پشتي حكومه‌ت و په‌رله‌مان هاتيه‌ پێكئينان كارێ حكومه‌تێ ده‌ست پێ كريه‌ و هه‌رێما كوردستانێ نوكه‌ دهێته‌ نياسين ب وه‌لاته‌ك په‌ترولي و ده‌وله‌مه‌ند كو بسه‌دان كومپانيێن جيهاني يێن مه‌زن نها ل ده‌رفه‌تا كار كرنێ دگه‌رن ل هه‌رێما كوردستانێ و زۆر كومپانيا نها كار ژي لێ دكه‌ن و بسه‌دان بيرێن په‌ترولێ ده‌رئيناينه‌ و بهزاران ژي هاتينه‌ ده‌ست نيشان كرن كو په‌ترول تێدا هه‌يه‌ هه‌روه‌سا رۆژانه‌ بسه‌دان هزار به‌رميلێن وێ په‌ترولي رۆژانه‌ دهێنه‌ ده‌ر ئينان و فروتن و هنارتن بو وه‌لاتێن ده‌وروبه‌رو جيهانێ و ئه‌ڤان كومپانيا ژياره‌ك باش بخو ئه‌ڤوه‌لاتێن خو په‌يدا كريه‌ ل هه‌رێمێ ,,لێ تا نها وه‌لاته‌ك په‌ترولي و ده‌وله‌مه‌ند بسامانێ خو يێ سرۆشتي كو ( هه‌رێما كوردستانێ ) ب سێ پارێزگه‌هێن بچوك به‌رامبه‌ر پارێزگه‌هێن دي لێ هێشتا هه‌ڤوه‌لاتێن وێ ب دلێ خو ترومبێلێن خو پرنه‌كرينه‌ ژ په‌نزيني سه‌خمه‌رات گرانيا وێ يان نه‌بوونا وێ !!! و ژ ڤێ سه‌يرتر ئه‌وه‌ كو ب پلێتا به‌نزينێ ددن خه‌لكێ خو و هه‌رچه‌ند رۆژه‌كان دێ خو گرين داكو پلێته‌كا په‌نزينا سيهـ لێتري بده‌نه‌ مه‌ ببهايه‌كێ ديار كري ڤه‌ ژلايێ حكومه‌تێ سه‌رڤێ چه‌ندێرا 6 هه‌تا 7 رۆژان بپلێته‌كێ كارپێدكه‌ن ئه‌ڤه‌ ژلايه‌كي ژلايه‌كێ ديڤه‌ كو ديارده‌يا ئاڤاكرنا په‌نزينخانا ژلايێ بازرگان و ده‌وله‌مه‌ندێن مه‌ڤه‌ بويه‌ مودێل هه‌رچه‌نده‌ باشه‌ لێ مه‌ره‌م بازرگاني كرن و قازانجكرنا تاكه‌كه‌سيه‌ ونه‌زێده‌ترل هه‌ر وه‌لاته‌كي راسته‌ بازرگان كاردكه‌ت بخو لێ خزمه‌تكرنا وه‌لاتي هه‌ڤوه‌لاتيان ژي ل پێشچاڤ دبينيت , باژێرێن مه‌ پر بوينه‌ ژ په‌نزينخانا و 24 ده‌مژمێرا دخزمه‌تا خه‌لكي دانه‌ لێ بدلێ خو دفروشن بهه‌ر نرخه‌كێ كو وان بڤێت , پرسيار لڤێرێ ئه‌ڤه‌ ئه‌رێ بو چي بو بازرگانا په‌نزين هه‌يه‌ و يا مشه‌يه‌ لێ بو حكومه‌تێ بويه‌ خوينا سه‌را ؟؟!! ئه‌رێ بوچي ل باژارێن دي يێن وه‌لاتێ ئيراقێ به‌نزين بنرخه‌كێ كێم و گونجا دهێته‌ فروتن و بێ پلێت و سرا و ده‌رده‌سه‌ري سه‌ره‌راي وێ گه‌نده‌لي و ئالوزيا كو دداموده‌زگه‌هێن واندا هه‌ي ول كوردستانێ به‌روڤاژي مانه‌ سه‌يره‌ ؟! ئه‌رێ ما لايه‌نێن په‌يوه‌نديدار بڤێ چه‌ندێ ڤه‌ نه‌شێن پرسيار ژ بازرگانان بكه‌ن كا ب چو ئاوا په‌نزينا خو په‌يدا دكه‌ن؟ و ئه‌و ژي وه‌ك وان په‌يداكه‌ن و ئه‌ز باوه‌رم دێ هاريكاريا وان كه‌ن و دێ بارێ حكومه‌تێ ژي سڤككه‌ن .ئه‌رێ هه‌تا كه‌نگي دێ دڤان ده‌رداندا نالين و حه‌سره‌تاا بوه‌لاتێن ده‌وروبه‌ر به‌ين سه‌ره‌رايێ كو ئه‌م په‌ترولێ ژي دده‌ينه‌ وان .مانه‌ سه‌يره‌ بڤي داهاتێ هنده‌ زۆر و ئه‌ڤ بودجه‌يا هنده‌مه‌زن بو وه‌زاره‌تێن په‌يوه‌ندي دار كو ئه‌ڤه‌ زێده‌تر ژ 20 سالانه‌ نه‌شياينه‌ هنده‌ك په‌نزينا بسه‌روبه‌ر بو ڤي خه‌لكي په‌يداكه‌ن ؟!ئه‌رێ ئه‌گه‌ر چييه‌ و چاره‌سه‌ري چييه‌ ؟؟

بابه‌تێن په‌یوه‌ندی دار

زر الذهاب إلى الأعلى
إغلاق