جیهانیكوردستانینووچه‌

هوورکاریێن لهەڤهاتنا د ناڤبەرا هەسەدێ و حکومەتا سوریا دا

لگور دەقا نڤیسارەکا لهەڤهاتنا د ناڤبەرا حکومەتا سوریا و هێزێن سوریا دیموکرات کو ل ١٣ێ ئۆکتۆبەرا ٢٠١٩ێ هاتیە ئیمزا کرن هەردوو ئالى لسەر چەند خالان لهەڤهاتنە بۆ ڤەگەریانا هێزێن حکومەتا سوریا بۆ رۆژئاڤایێ کوردستانێ.

لگۆر نڤیسارا لهەڤهاتنێ کو مەزڵوم عەبدی فەرماندێ گشتى یێ هێزێن سوریا دیموکرات و سیپان حەموو نوونەرێ حکومەتا سوریا ئیمزا لسەر کریە و تێدا هاتیە، هێزێن سوریا دیموکرات رازیبوون ب بەلاڤکرنا هێزێن حکومەتا سوریا ل عەین دیوار ل رۆژهەلاتا جەرابلس ل رۆژئاڤایێ سوریا ل سێ چەپەران.

١ـ چەپەرێ تەبەقە ل باکور ب ئاراستەیا عەین عیسا و دەڤەرێن دەردوورێ و ل باکور هەیا سنورێن تورکیا ل گرێ سپى و بەرەڤ رۆژئاڤا.

٢ـ چەپەرێ منبج ب ئاراستەیا سەرێ کانی هەیا سەر سنورێ سوریا و تورکیا هەیا کو دگەهیتە خالا گرێ سپى و ب ئاراستەیا رۆژئاڤا.

٣ـ چەپەرێ حەسەکە ـ تەل تەمور هەیا سەرێ کانى ب ئاراستەیا رۆژهەلات هەیا قامشلۆ و مالکییە ب ئاراستەیا باشور.

٤ـ هێزێن حکمەتا سوریا ل منبج دێ هێنە بەلاڤکرن کو ل عەریمە دێ دەست پێکەت ب درێژاهیا روبارێ ساجور لگور لهەڤهاتنا بەریا نها بۆ دەڤەرێ.

د نڤیسارێ دا هاتیە ، ” هێزێن حکومەتا سوریا ل تەڤاهیا دەڤەرا باکور و رۆژهەلاتا فوراتێ دێ هێنە بەلاڤکرن ب هەماهەنگیا جڤاتا لەشکەرى یا دەڤەرێ دگەل وێ یەکێ دا دێ دەڤەرەکا ناڤبەرا سەرێ کانى و گرێ سپى مینیت کو دەڤەرەکە شەر تێدایە هەیا کۆنترۆلکرنا ب وى ئاوایى بیت.

هەڤدەم هێزێن سوریایا دیموکرات تەکەز کریە کو دێ سەروەرى و یەک پارچەیا ئاخا سوریا پارێزیت دبن ئالایێ کۆمارا سوریا عەرەبى و مل ب ملێ هێزێن حکومەتا سوریا دێ ل دژى حکومەتا تورکیا راوەستن ب سەوکاتیا بەشار ئەسەد.

بابه‌تێن په‌یوه‌ندی دار

زر الذهاب إلى الأعلى
إغلاق