جیهانیكوردستانینووچه‌

هێزێن ئەمریکا یێن ل هەرێمێ ب دەهان تڕۆمبێلێن لەشکەری بۆ ڕۆژئاڤا ڤەگەڕیانەڤە

ئەو هێزێن ئەمریکا یێن پێشتر هاتبوونە هەرێمێ، ئەڤرۆ ب سێ کاروانێن تڕۆمبێلێن لەشکەری و زریپۆشان ب ڕێیا دەرازینکا دەڤەرا سحێلا یا هەرێما کوردستانێ جارەکا دی دەربازیی ڕۆژئاڤایێ کوردستانێ بوون.

ئەو سێ کاروانە ل سەرێ سپێدێ و پشتی نیڤرۆ، ئێڤاریا ئەڤرۆ کو هەر یەک ژ وان ژ دەهان تڕۆمبێلێن لەشکەری و تانک و زریپۆشان پێکدهاتن ب ڕێیا دەرازینکا دەڤەرا سحێلا دەربازبووی ڕۆژئاڤایێ کوردستانێ بوون.

ئەو هێزە هەمان هێزبوون کو ڕۆژا ٢٥ێ ڤێ مەهێ ل باکور و ڕۆژهەلاتا سوریا ڤەکشیابوون و هاتبوونە هەرێمێ و ئەڤرۆ جارەکادی ب کەلوپەلێن زێدەترڤە ڤەگەڕیانە ڕۆژئاڤا.

بڕیارا ڤەگەڕاندنا هێزێن ئەمریکا بۆ ڕۆژئاڤایێ کوردستانێ دەمەکێ دایە، کو سەرۆکێ ئەمریکا ڕاگەهاندبوو ئەرکێ وان ل سوریا بداویهاتە و ئێدی ل وی ولاتی ڤەدکشن، پشتی چەند قوناغێن ڤەکشیانێ ژی ل چەندین دەڤەران، د نها دا جارەکادی بەرپرێن واشنتۆنێ بەحسا ڤەگەریانا ڕۆژئاڤایێ کوردستانێ دکەن و دبێژن، ئەو دێ هێزێن خۆ بۆ پاراستنا نەفتێ دەربازی باکور و ڕۆژهەلاتا سوریا کەن.

بابه‌تێن په‌یوه‌ندی دار

زر الذهاب إلى الأعلى
إغلاق