جیهانیكوردستانینووچه‌

پارێزگارێ دهۆکێ: ١٢ هزار پەنابەرێن ڕۆژئاڤا گەشتنە دهۆکێ

پارێزگارێ دهۆکێ ڕاگەهاند، ژ دەستپێکا هێرشا تورکیا بۆ سەر ڕۆژئاڤایێ کوردستانێ هەیا نها ١٢ هزار پەنابەر گەهشتنە پارێزگەها دهۆکێ، پێشبینی دکەن ئەو هەژمارە زێدەتر لێ بهێت.

فەرهاد ئەترۆشی پارێزگارێ دهۆکێ د کۆنفرانسەکا ڕۆژنامەڤانی دا دیارکر، تەڤاهیا وان پەنابەرێن کو هاتینە دهۆکێ بسەر هەرسێ کەمپێن دۆمیز، بەردەڕەش و گەویلان دا هاتنە پارڤەکرن.

بەحسا وێ یەکێ ژی کر، ئەو پێشبینی دکەن هەژمارەکا زێدەتر یا پەنابەران بهێنە دهۆکێ، ژبەر ڤێ یەکێ ژی وان کەمپا زیلکان ژی بەرهەڤکریە، ژ ئەگەرا هاتنا پەنابەران دێ لێ بنەجی کەن.

دازانین ژی، د نها دا ل سنورێ پارێزگەها دهۆکێ ٢٢ کەمپێن ئاوارە و پەنابەران هەنە، ڤێ یەکێ ژی بارگرانی ئیخستیە سەر ملێن پارێزگەهێ، ژبەر ڤێ یەکێ داخوازێ ژ حکومەتا هەرێمێ، عێراقێ و سازیێن ناڤدەولەتی دکەن هەڤکاریا وان بکەن.

بابه‌تێن په‌یوه‌ندی دار

زر الذهاب إلى الأعلى
إغلاق