جیهانیكوردستانینووچه‌

پاسدارێن ئیرانێ: دێ ب هێزێ بەرسڤا هەموو کارەکێ تێکدەرانە دەین

ئارتێشا پاسدارێن ئیرانێ دەربارەی خۆنیشاندانێن وی ولاتی ڕاگەهاند، ئەو دێ ب هێزێ بەرسڤا “هەر جۆرە ئالۆزی و تێکدانەکا ئەولەهیا خەلکی” دەن.

د بەیاننامەکێ دا ئارتێشا پاسداران ئاشکراکر، “گرۆپەکا شەیتانی، دووڕووی کو ئەمریکا سەرکردایەتیێ لێ دکەت، دگەل بەرمایکێت دەولەتا پەهلەوی و میدیایێن زایۆنیزم ل پشت نەڕازیووبنێن خەلکێ باش و تێگەهشتیێ ئیرانێ نە”.

غولامڕەزا سولەیمانی، بەرپرسێ ئارتێشا بەسیج کو بەشەکە ژ ئارتێشا پاسداران ئەڤرۆ ڕاگەهاندیە، هەر دەما هێزێن ئەولەهیێ یێن ناڤ باژاڕان پێدڤی ب وان بیت، وی دەمی بێ یەک و دوو دێ بۆ هەڤکاریا وان چن.

دەما چەند ڕۆژانە خۆنیشاندانان ل بەشەک ژ باژاڕێن ئیرانێ دەستپێکریە و لگۆری گرتە ڤیدیویێن دهێنە بەلاڤکرن، هێزێن ئەولەهیێ یێن وی ولاتی ب بکارئینانا توندوتیژیێ و دەستڕێژیا گولەیان بەلاڤەیێ ب خۆنیشاندەران دکەن، هەر ب وێ سەدەمێ ژی هەیا نها ب سەدان خۆنیشاندەر هاتنە کوشتن و بریندارکرن.

بابه‌تێن په‌یوه‌ندی دار

زر الذهاب إلى الأعلى
إغلاق