ئالا و مثنی ئه‌مین، ده‌ست ژ كارڤه‌دانا به‌رده‌ن و كار بكه‌ن

د. شه‌عبان مزوری
دیسان خه‌لكێ مه‌ بكار ڤه‌دان هاته‌ ده‌نگ لسه‌ر زابتێ عیراقیێ داخواز ژ كورده‌ك باشور كری ئالا هه‌رێما كوردستانا عیراقێ بینته‌ خوار لسه‌ر مله‌ خوه‌ ئانكو بكورتی لبه‌رچاڤ نه‌هێلیت. بێگومان ئهڤ‌ كاره‌ك نه‌ ته‌ندوروسته‌ ژ ئالیێ ئه‌فسه‌ره‌ك عیراقی ڤه‌. یه‌كه‌مین نه‌ ئه‌ركێ له‌شكه‌ریه‌ ئه‌ڤ جوره‌ پرسه‌، دویه‌مین بجلێن فه‌رمی ئه‌ز نوزانم كارێ ڤی ئه‌فسه‌ری لجهێ بویه‌رێ چبویه‌. دیاره‌ وه‌ك هه‌می كه‌سه‌كی و پیشه‌كێ ل سه‌رتاسه‌ری عیراقێ ب هه‌رێما كوردستانا عیراقێ ڤه‌ژی هیچ كه‌س باش پیشه‌، ئه‌ركێن خوه‌‌ و سنورێ كارێ وی لكور بدیماهی تێن نوزانه‌‌، ئه‌ڤ ئه‌فسه‌رژی یه‌ك ژڤان نمونایه‌.
ئه‌س دبینم خه‌لكه‌ك پر زۆر دنڤیسه‌ ئه‌ڤه‌ نیشانا وێ چه‌ندێ‌ یه‌ كو له‌شكه‌رێ عیراقێ له‌شكه‌ره‌ك شوفینی یه‌ و دوژمنداریا گه‌لێ كورد دكه‌ت، گه‌لو هه‌لگرێن ڤان بوچونا دوزانن كو بهزارا له‌شكه‌رێ عیراقێ یێ ئه‌ڤروژی كوردن، ئه‌فسه‌رێن پایه‌بلند كوردن، سوپاسالارێ عیراقێ بو پتر ژ ١٠ سالا كورد بو‌، سه‌روكێ فرقا زێرینا هێرش كریه‌ سه‌ر كه‌ركوكێ ١٦ ئوكتوبه‌رێ فازل به‌رواری كورد بو. هه‌لبه‌ت هه‌می ئه‌ڤ پوست و پلێن له‌شكه‌ری دناڤا له‌شكه‌رێ عیراقێ دا بپه‌شته‌ڤانیا په‌ده‌كێ و یه‌نه‌كێ تێن پركرن. مه‌به‌ستا من گه‌لو وه‌ جاره‌ك ژڤان كوردێن ناڤ له‌شكه‌رێ عیراقێ پرسیه‌ كو هون شاندینه‌ دناڤا له‌شكه‌رێ عیراقێ ده‌ ژبو شه‌رێ شوفینیزمێ بكه‌ن و له‌شكه‌ره‌ك نیشتیمانی دوروستكه‌ن كو هه‌می عیراق بو وان وه‌ك هه‌ڤ بیت و پارێزه‌رێن ده‌ستوری بن، لێ ئه‌م هه‌می دوزانین ژبلی كومكرنا پاره‌ی بپوست و پلێن خوه‌ ڤان جامێرێن په‌ده‌كێ و یه‌نه‌كێ لناڤا له‌شكه‌رێ عیراقێ كاره‌ك دن نه‌كریه‌.
لڤێره‌ تشته‌ك پر بالكێش هه‌یه‌ بیربخم بو ڤی خه‌لكێ ساویلكه‌. چما هه‌لگرێن سه‌رخوه‌بونێ نه‌هاتن ده‌نگ لسه‌ر ڤێ بویه‌رێ، چما فراكسیونێن په‌ده‌كێ و یه‌نه‌كێ ژ په‌رله‌مانی نه‌ده‌ركه‌فتن، چما وه‌زیرێن په‌ده‌كێ و یه‌نه‌كێ گه‌فا ده‌ستژبه‌ردانا كاری نه‌كرن، یانژی وه‌ك جامێران پشتی ١٦ ئوكتوبه‌رێ گوتین جیاوازیا حله‌ و هه‌ولێر نینه‌ ئانكو ئه‌و كه‌سێن پاسپورت و ناسنامێن خوه‌ دراندین شه‌رمزار بون، چونكه‌ رێفێرێندوم نه‌ ژبو سه‌رخوه‌بونێ، نه‌ ژبو دیاكرنا سنورا بو، ته‌نها ژبو خه‌لكه‌ك وه‌ك مه‌یمینكا ل مه‌یدانا بره‌قسیت. من پۆسته‌ك دیت لژێر ناڤێ پێشمه‌رگێن پارێزه‌رێن ئالایێ كوردستانێ كو رێبوار تاله‌بانی، مثنی ئه‌مین و نه‌جمه‌ددین كه‌ریم، خوه‌زی ئه‌ڤ براده‌ره‌ ڤه‌گه‌را با میدیا پارتا خوه‌ كانێ چه‌ند كرێتی بڤان كه‌س هاتینه‌ كرن لژێر ناڤ و بوهانێن جودا؟
بو وان كه‌سێن مثنی ئه‌مین بقه‌هره‌مان ناسدكه‌ن چونكه‌ لپه‌رله‌مانی رابویه‌ گوتیه‌ ئه‌ڤ كریارا ڤی ئه‌فسه‌ری كاره‌ك شوفینی بویه‌، سه‌روكێ‌ په‌رله‌مانی گوتێ‌ بنڤیسه‌ و دێ داخوازا ته‌ ئاراسته‌ی جهێن په‌یوه‌ندیدار كه‌ین. باشه‌ گه‌لو ئه‌گه‌ر مثنی ئه‌مین ئالا هه‌رێما كوردستانێ راكربا لناڤا په‌رله‌مانێ عیراقێ ئه‌ڤ خه‌لكه‌ دا چكه‌ت؟ هنده‌ك دبێژن دڤێت بو مثنی ئه‌مین په‌یكه‌ره‌كی دوروستكه‌ن. پرانیا وانژی ئه‌ون یێن روژانه‌ گازندا ژ ره‌وشا خوه‌یا ئابوری دكه‌ن. باشه‌ ڤان كه‌سان ژ خوه‌ پرسیه‌ ئه‌ڤه‌ سه‌رێ هنده‌ ساله‌ مثنی ئه‌مین چه‌ند پاره‌ وه‌رگرتینه‌ وه‌ك په‌رله‌مه‌نتار لعیراقێ، باشه‌ روژه‌كێ مثنی ئه‌مین گوتیه‌ من موچه‌ خوه‌ نه‌ڤێت چونكه‌ خه‌لكێ كوردستانێ بێ موچه‌یه‌. ته‌ماشه‌ی ّه‌نه‌ی بكه‌ن كانێ ئه‌و چ ئالایه‌ لپشت سه‌رێ مثنی ئه‌مین ده‌ما چاڤپێكه‌فتنێ لگه‌ل كه‌نالێ كوردستان ٢٤؟. وه‌ پیرۆزبیت هه‌ژارین وێنێ لبه‌ر پاته‌كا، په‌رله‌مه‌نتار، سه‌ه‌روك و به‌رپسێن وه‌ژی پیرۆز بیت ژیانه‌كا شاد، به‌خته‌وه‌ر و پر پاره‌.
ئه‌گه‌ر مه‌ بڤێت دناڤا چارچێوێ عیراقێ بژین و وه‌لاته‌ك ئارام هه‌بیت كو خه‌لك بكاره‌ ئازادانه‌ سه‌رتاسه‌ری وه‌لاتی بگه‌ریت دڤێت ئه‌م بڤی ره‌نگی سه‌ره‌ده‌ریێ لگه‌ل ڤان جوره‌ رودانێن بڤی ره‌نگی نه‌كه‌ین. ئه‌ڤه‌ دڤێت وه‌ك كاره‌ك تاكه‌ كه‌سانه‌ بێت بناڤ كرن و دچوارچێوێ یاساییدا سه‌ره‌ده‌ری لگه‌ل بێته‌كرن، چونكه‌ مه‌زن كرنا ڤان جوره‌ رویدانا ته‌نها لاوازكرن و كرێتكرنا كوردا سه‌رئه‌نجامه‌ بدیتنا من، چونكه‌ ئه‌ڤرو وه‌ك ئه‌م هه‌می دبینین له‌شكه‌رێ تورك و ئیرانێ هه‌ما بێژه‌ پرانیا ئه‌وا ئه‌م ژێرا دبێژین هه‌رێما كوردستاناعیراقێ یا كونترولكری له‌وما په‌یوه‌ندیه‌ك ئاسایی لگه‌ل به‌غداد به‌لكی مه‌ به‌ری هه‌می كه‌سه‌كی ژ هوڤێن تورانی بپارێزیت.

‎لدور Malame

Check Also

ئاشتیا جڤاكی بو كێ تێگه‌هه‌ك كه‌ڤن و بو كێ داخوازا روژه‌ڤێ

د. شه‌عبان مزوری دوهی هه‌ڤال كرمانج هاریكی بابه‌تێ ئاشتیا جڤاكی بچه‌ند پرسان ل مالپه‌رێ خوه‌یێ …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.