رێکخستنا ژنێ لنگێ بنگەھینێ برێکخستنا جڤاکی یە

هێلان چیا

ژنێ چاوا جڤاکبوین ب پێش ڤە خستبە، ئیرۆ ژی دکارە ل دژی لێنەرینا سەردەستییا مێر رابە و جڤاکێ ژ نوو ڤە ببە ناڤا فەلسەفەیا ژیانەکە دیموکراتیک. د ڤێ قۆناغا ئەم تێ دانە ژن مەجبوورە ل دژی کەڤنەپەرەستێن ھەزارسالانێن ل سەر خوە و جڤاکێ رابە و خوە برێبخە و راستیا ئازادبوونێ ئاڤابکە. ژنا کو خوە برێنەخە و نەبە خوەدی ڤیان، وێ تەڤایی ژ زیھنیەتا چاندا خوەداوەندی دوور بکەڤە و ئەڤ تێ واتەیا پاشڤەکەتنا ژ نرخێن ھاتیە ئاڤاکرن ڤە. مینا کو ئیرو ئەم پڕ دبهیسن چ قاسی ژن و کەچکێن مە تێن کوشتن هەم ب ساخی دناڤا ماڵباتێ دە ژیانەک مری و بێ واتە دا هەیە، هەم ژی لسەر یەک نامەیا حەزکرنێ تێ کوشتن..

د ڤێ خالێ دە، مرۆڤێ ئازاد وسا دبێژە “ئازادبوونا جڤاکان، ب تەڤلێبوونا ژیانێ د ئاستا ھەڤ-ژیانا ئازادا ھەردوو ڕەگەزان دا مومکون دبیت. برێکخستنا ژیانا ل سەر خەتا ژنێ، تێکوشینا ئاڤاکرنا ھەڤژیانا ئازادە”..

گوتنا کو پڕ ئەم دبهیسن ژنا ئازاد جڤاکا ئازادە، جڤاکا ئازاد وەڵاتێ ئازادە، دبە هندەک وسا ئاسان تەماشە بکەن لێ کوک ژی دە ئەڤ ڕاستیا ژیانەک هەڤپارە ژبەرکو ژن کارێ ئافراندێ کریە و هەیا نها دکە، ئەڤ ژی دبە ژێدەرێ بەردەوامیا هەڤژیانەک ئازاد و جڤاکەک دیموکرات.

د جڤاکێن ڕۆژهەلاتی دا ژیان نە ل گۆر وێ خواستەکێیە، یا کۆ مرۆڤ دخوازیت تێدا ژیان بکەت یان ب ڕێڤەببەت و بڕیارێ و گۆتنا خوە لسەر بکەتن ژ ئالیێ وان دەردوورێن بەرتەنگ و دوگما یێن هزرکرنێ.. دەستهەڵاتا هۆز ئول سیاسەت و، بەرەبابان .. گۆتن و کریارێن مرۆڤی ژ زارۆکاتیێ لژێر دەستیێ ڕە دەرباس دبن هەیا دگەهە ڕۆژا مرنێ…لێ د ڤر دە یێ کو پێتر قوربانیێ ددە و ژیان لێ تێ تاڵان کرن جڤاک و خودیا

وێ یا سەرەکیە، ژبەرکو هەموو دبەرژەوەندا زێهن و پەرگالا مێراندایە، و ژن مینا بەربەرتیەکێ تێ تەماشەکرن.

مرۆڤ ژبۆ کۆ د ژیانێ دە ببە خوەدی گۆتن خوەدی ژیانەک ب دەستێ خوە ئاڤابکە، ھەوجەداری گەلەک پێتڤیانە. ڤان پێتڤیان مرۆڤ دکارە تێرا خوە درێژ و، فرەھ بکە: مەرجێن ژیانەکە باش پەروەردەھیەکە باش، ئابوور و مەرجێن جڤاکەکا دەستدای و…لێ ژ ھەمیان ژی گرنگتر خوە ناسکرن، ئیرادەیەک بهێز هشمەندیا خوە و دەردۆرا خوە. ئەڤ مەرج ژ بو ھەموو مرۆڤان ب تایبەت ژبۆ ژنان پێدڤیێن گرنگن. ژبەر کۆ بدەستخستنا ئەڤ تشتێن ئەم دبێژن ژبۆ ژنا گەلەک زەحمەت ترە ژ مێران.

دەما ژنەک بخوازە د دەرھەقێ دەردۆرا خوە دە دەڤ ژێ بەردە، د دەرھەقێ خوە دە بڕیارەکی بدە ڕاستی گەلەک ئاستەنگیان تێ؛ ژبەر کۆ گۆتن نەیا وێیە. دڤێ ئەو لگۆر بڕیار و گۆتنێن کۆ ژ بۆ وێ ئامادەبووین ژ زارۆکاتیێ تەڤ بگەرە (ئەڤ ژ ھندەک ئالیان ڤە ژبۆ مێران ژی

وەھایە). دەما کۆ دخوازە دەرکەڤە دەرڤەی ڤان تشتان ڕاست گەلەک بەندان و، نەخوەشیان تێ. ل ئالیەکی ژبۆ داخواز و بڕیارا خوە تێدکۆشە ژ ئالیەکێ دنڤە ژی ل ھەمبەریێن کۆ داخواز و بڕیارێن وێ ئاستەنگ دکن. ھەوجەداریا ژنێ ژبۆ ڤێ تێکۆشینێ ب ھێز هشیاریێ و ئاموران ھەیە، ژبۆ کاربە بڕیارێن ژیانا خوە بدە دڤێ خوەدیا ھێز و، ڤینەکێ بە.

تەڤ ڤان تشتان؛ مرۆڤ دکارە بەحسا باندۆرا ئابووریا د ژیانێ دە بکە کۆ ئابوور ژبۆ دۆماندنا ژیانێ، ژبۆ مرۆڤ د ژیانێ دە ببە خوەدی گۆتن و خوەدی بڕیارێن خوەسەرێن خوە، مخابن ئابوور خوەدی باندۆرەکە گرنگە؛ ژبەر کۆ تێکەلدان و، ستاندنێن جڤاکێ گەلەک تشتێن کۆ مرۆڤ دخوازە بکە ھنەکێ ژی پێڤە گرێداییە. ھێزەکی ددە کۆ نە دھەر ئالی دەبە ژی د گەلەک ھێلان دە باوەری و وێرەکی ب مرۆڤان ڕە چێدکەت.

نھا مرۆڤ دەما ل جڤاکی دنێرە ژن ژ گەلەک ئالیان ڤە تێ چەوساندن، پەرچقاندن، و توندی لێ تێ کرن. ئەم ڕاستی ژیانا گەلەک ژنان تێن کۆ خوەدی گۆتن، داخواز و بڕیارێن وان ل دەرەکی د مەرجێن گران دە دژین،

ڕاستی شدەتێ تێن ژ بێگاڤ و، نەچاریێ نەچار دمینن کۆ مەرجێن گرانێن ژیانا تێدەنە دابقۆرتینن و، پەنایێ ژبۆ مرنێ دبەن لێ، ئەڤ ژی نە چارەسەریە کۆ مرن ئەلترناتیفێ ژیانێ بە؛ ژبەر کۆ ژیان بخوە ژانەکە ب سەرێ خوەیە ل ئەو پارچەیا داگیرکری ژ چاند و، دیرۆک و خوەزایا وێ.

ژبەر ڤێ ژی؛ دڤێ ژن دەمەکی دە قوربانیێ بدە و زەحمەتتکێ ببەی هەیا دەما ژن ژ ئالیێ ئابووری ڤە خوەدی ھند دەسکەتیا بە، خوەدی کارەکی کۆ دەبارا ژیانا خوە پێ بکە، وێ گاڤێ نە سەدی سەد بە ژی وێ کاربە ئاسانتر ل دژی زۆر و زەحمەتیا کۆ لێ دبە دەربکەڤە و، ژیانا کۆ ژێ ڕە تێ فەڕزکرن رەد بکە.

ھێزا ئابووریێ ژبۆ ژنا تشتەک وەھایە کۆ ژن بڤێ ریێ ھەم دکارە، خوەدی ل هزرۆ بڕیارێن خوە دەرکەڤە ھەم ژی لدژی ژیانا فەڕزکری دەربکەڤە و، وێ ژبۆ خوە ب ھێسانی ھەر تشتی نەپەژرینە.

‎لدور Malame

Check Also

نه‌كه‌ و بخو؟؟؟؟

د.شه‌عبان مزوری وه‌ك لده‌ف پرانیا مه‌ خه‌لكێ به‌هدینا ئه‌ڤ رسته‌ یانژی گوتنه‌ پر به‌لاڤ و …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.