چى بێتیه‌کرن باشه‌ بۆ دۆباره‌نه‌بۆنا رويدانێن بهارێ يێن ساڵا پار

 

 

 

گه‌ر مڕۆڤ دڤان رۆژاندا روپه‌لێن هنه‌ک سايتێن عه‌ره‌بى بخوينيت، ئه‌و سايتێنهنه‌ک مرۆڤێن عه‌ره‌ب ئه‌وێن خۆ ناڤدکه‌ن بره‌ۆشه‌نبير و رۆناکبير و ژه‌هرا شوفينييه‌تا خۆ بدژى گه‌لێ کورد و بدژى سيسته‌م و سه‌رکردايه‌تى و حکومه‌تا هه‌رێما کوردستانێ ڤه‌ و دبن وان ناسناماڤه‌ درێژن، مرۆڤ دێبينيت کا چه‌وا ئه‌و يێن لبه‌نده‌واريا مه‌ها شواتێ و به‌هارا کوردى ئه‌وا ئه‌و دبێژن دێ کوردستانێ رزگارکه‌ت لده‌ست حکومرانێن کورد و لده‌ست پارتى و ئێکه‌تى و دێ کوره‌دستانێ زڤريننه‌ هه‌مبێزا حکومه‌تا نيشتمانييا عراقێ و باکۆرێ خۆشتڤيێ عێراقێ دێ ژ ده‌سته‌کێن دز و جه‌رده‌ و مليشياتێن پارتێن کوردى رزگارکه‌ن.

 

لمه‌ها شواتێ و ل به‌هارا ساڵا پار، ده‌ڤه‌را سلێمانيێ و هنه‌ک باژێر و باژێرکێت کوردستانێ راستى هنه‌ک خۆنيشاندان و مان گرتنێ هاتن و بئه‌گه‌را وێ چه‌ندێ چه‌ند رويدانێن دلته‌زين لێ که‌فتنه‌ڤه‌ ئو هه‌ر زوى سه‌رۆک و حکومه‌تا هه‌رێما کوردستانێ د په‌ياما وى خه‌لکى گه‌هشتن و ده‌ست لسه‌ر برينان دانا و لوى ده‌مى و هه‌تا نها، هه‌وڵ دبه‌رده‌وامن بو ديتنا چاره‌سه‌ريان.

 

نها ئه‌م يێ لچاڤه‌رێ مه‌هێن به‌هارێ، کو تايبه‌تمه‌نديه‌ک هه‌يه‌ لجه‌م خه‌لکێ کوردستانێ و شانويا هه‌مى خۆشى و نه‌خۆشيێن گه‌لێ کوردن. به‌هارا مه‌ يا پار وه‌ک هه‌ڤييه‌ک بخۆڤه‌ديت دگه‌ل وان به‌هاران ئه‌وێن لده‌ڤه‌رێ و ل وه‌لاتێن عه‌ره‌بى سه‌رهلداين و چه‌ندين رژێمێن ديکتاتورى بنگۆرکرين و هاڤێتين زبلخانا مێژۆيێدا.

به‌لێ هه‌ڤسه‌نگاندنا سيسته‌مێ هه‌رێما کوردستانێ دگه‌ل سه‌روبه‌رێ وان ده‌وله‌تان لبه‌رى گهۆرينان، جوداهييه‌کێ بخوڤه‌ دبينيت ژبه‌رکو سيسته‌مێ هه‌رێما کوردستانێ نها يێ لبن کاريگه‌ريا دروستبونێ و ژێهه‌لى و ژورداييان دبڕيت دا بگه‌هيت وى سيسته‌مى و وێ ئارمانجا خه‌لکێ کوردستانێ دڤێت.

 

کاريگه‌ريا شوره‌شێن عه‌ره‌بى لسه‌ر پرۆسا هه‌رێما کوردستانێ کاريگه‌رييه‌ک پۆزێتيڤ بۆيه‌، ئه‌وژى نه‌ لسه‌ر ئاستێ کوپى کرنا وان شوره‌شان ئه‌وێن ببه‌هارا عه‌ره‌بى هاتينه‌ نياسين و بهه‌مان کوپى لسه‌ر سيسته‌ما هه‌رێما کوردستانێ، به‌لکو بوه‌رگرتنا ده‌رس و عيبره‌تان لوان شوره‌شان و دارێژتنا بروجه‌کتێن ئاڤاکرنا سيسته‌مێ هه‌رێما کوردستانێ و ئو دواڕۆژا وێ، لسه‌ر بنه‌مايێ مه‌فا وه‌رگرتنێ لوان ده‌رس و عيبره‌تان.

نها دناڤ کۆمه‌ڵگه‌‌هێ مه‌دا و دناڤ مه‌ديا و گرۆپێن جودا جودا دا و لڤێرێ و لوێراهه‌ گوت گوتکێن هه‌ين، کو هه‌وڵێن هه‌ين ژبۆ دووباره‌کرنا رويدانێن به‌هارا ساڵا پار لهه‌رێما کوردستانێ. دگه‌ل هندێ کو مافێ هه‌رکه‌سه‌کى يان گرۆپه‌کێيه‌ نه‌رازيبونێن خۆ ديارکه‌ن و داخازا مافێن خۆ يێن ره‌وا بکه‌ن، به‌لێ بشیوازه‌کێ هه‌ڤچه‌رخ و بپارێزييا ئێمنييێ و لچارچوڤێ هه‌ستکرن ببه‌رپرسياره‌تيا خۆ ئو بۆ پاراستنا ده‌سکه‌فتێن قانونى و ئيدارييێن هه‌رێمى و هه‌روه‌سا رێکگرتنێ لهه‌ر پيلانه‌ک و بزاڤه‌کا دوژمنێن کوردا دکه‌ن و ئه‌وێن لشاشيێن هۆسا دگه‌رن ژبۆ بجهئينانا پيلانێن خۆ، ئه‌ڤ خاله‌، فه‌ره‌ بهێنه‌ به‌رچاڤگرتن.

 

گه‌ر ئه‌م هه‌ڤسه‌نگاندنا به‌هارا ساڵا پار دگه‌ل به‌هارا ئيساڵ و ده‌مێ نها بکه‌ين، کو ئه‌ڤه‌ ساله‌ک بورى لسه‌ر وان ريدانێن چێبۆين لسالا پار، عه‌داله‌ت تێدا نينه‌ گه‌ر ئه‌م بێژين چى نه‌هاتيه‌ کرن و چى پێنگاڤ نه‌هاتينه‌ هاڤێتن بۆ بجهئينانا داخازييێن وى خه‌لکى ئه‌وێ پار به‌هارێ رژياييه‌ سه‌ر جاده‌ و مه‌يدانێن باژێر و باژێرکێن کوردستانێ، گه‌ر نه‌ دوى ئاستيداژى بيت ئه‌وێ خه‌لکێ کوردستانێ چاڤه‌رێ دکر، به‌لێ يا گرنگ ئه‌وه‌ کو ده‌ستهه‌ڵات ئيعترافێ دکه‌ت بهه‌بونا کێماسيان و هه‌رگاڤ په‌يمانێن خۆ نوى دکه‌ت ژبۆ چاره‌سه‌رکرنێ.

 

ساڵا پار ، به‌هارا کوردى خه‌ما خه‌لکێ کوردستانێ بۆ، بگره‌ ژ گه‌رميان و هه‌تا دگه‌هيت شه‌هره‌زور و دوروبه‌رێن هه‌ولێرێ و هه‌تا ئه‌زباوه‌رم هه‌ولێر و ده‌ڤه‌را به‌هدينان ژى دا گريته‌ڤه‌ گه‌ر رێ پێ هاتبا دان، وه‌ ژبو دوباره‌نه‌کرنا ريدانێن ساڵا پار و ژبو رێگرتنێ ژ پيلان و دلخوشنه‌کرنا دوژمنێن مه‌ ژ شوفينيێن عه‌رب و که‌ڤنه‌ به‌عسييان، فه‌ر به‌هارا کوردى يا ئه‌ڤساڵه‌ خه‌ما سه‌روکێ هه‌رێمـا کوردستانێ و حکومه‌تا هه‌رێما کوردستانێ بيت، ئه‌وژى بچهئينانا ته‌ڤ داخازيێن چين و هه‌ڤوه‌ڵاتيێن کوردستانێ.

 

نزار پيرۆ

‎لدور مالا مه‌

Check Also

نە ناوشێروان دشێت گۆرانکاری یا بکەت و نە دەستهەلاتەک گەندەل دشێت چاکسازی یا بکەت

د. شه‌عبان مزوری ئه‌ڤ وتاره‌ به‌ریا ٨ سالا هاتیه‌ نڤیسین لێ هه‌مان رۆژه‌ڤه‌ بەیان ناما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.