ترەمپ: مە سۆز ب کوردان نەدایە ٤٠٠ سالا بمینین هەیا کو وان بپارێزین

دۆنالد ترەمپ سەرۆکێ ئەمریکا ڕاگەهاند، مە سۆز ب کوردان نەدایە ٤٠٠ سالا بمینین هەیا کو وان بپارێزین.

دۆنالد ترەمپ سەرۆکێ ئەمریکا دەربارەی ڕەوشا سوریا ڕاگەهاند، ” زێدەباری هندەک بنپێکاریێن کێم ل ئاگربەستا باکورێ سوریا هەیە، لێ ئاگربەست سەرکەفتیە و بەردەوامە ژی”.

بەحسا وێ یەکێ ژی کر، ” د داهاتی دا هەژمارەکا سەربازێن ئەمریکی دێ ل سوریا مینن”.

دەربارەی هێزێن کوردی و هەسەدێ ژی ڕاگەهاندیە، وان سۆز ب کوردان نەدایە کو ٤٠٠ سالان ل سوریا بمینن هەیا کو وان بپارێزین.

ترەمپی بەحسا وێ یەکێ ژی کر، ” ئەگەر تورکیا د دەمێ ئۆپراسیۆنێن خۆ دا ڕەفتارێن خراب کرن، وی دەمێ دێ سزایێن ئابوری بسەردا سەپینین”.

ئەڤە د دەمەکێ دایە، کو ٩ جۆتمەها ٢٠١٩ ئارتێشا تورکیا هێرشێن خۆ بۆ سەر ڕۆژئاڤایێ کوردستانێ دەستپێکرن و ل گۆڕەی ئامارێن هەسەدێ ژی زێدەتری ٢٠٠ شەڕڤان شەهیدبوونە و ب سەدان وەلاتیێن سڤیل ژی هاتینە کوشتن و ب هزاران کەسێن دی ژی ئاوارە بووینە.

‎لدور Malame

Check Also

ئەلمانیا داخوازێ ژ کوردێن ولاتێ خۆ دکەت سەرەدانا تورکیا نەکەن

گوری نووچەیەکێ گوڤارا “دیر شپیگل” یا ئەلمانى، ئەلمانیا داخوازێ ژ کوردێن ولاتێ خۆ دکەت سەرەدانا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.