هەژمارا پەنابەرێن ڕۆژئاڤایێ کوردستانێ ل پارێزگەها دهۆکێ بۆ ٤ هزار و ١٢٢ کەسان بلندبوو

زێدەباری ئاگربەست و ڤەکشیانا هێزێن هەسەدەێ ل بەشەک ژ دەڤەرێن سنوریێن دگەل تورکیا، لێ بجیهێلانا ڕۆژئاڤایێ کوردستانێ بەر ب هەرێما کوردستانێ بەردەوامە و لگۆری نووترین ئامارا بۆردا کاروبارێن مرۆڤی ل پارێزگەها دهۆکێ هەژمارا پەنابەرێن کو گەهشتنە سنورێ وێ پارێزگەهێ بۆ ٩٥٢ خێزانان بلندبوویە.

بەرپرسێ‌ راگەهاندنا بۆردێ‌ كارۆبارێن مرۆڤی ل پارێزگەها دهۆكێ‌ بۆ دیجیتال میدیای ئێن ئاڕ تی راگەهاند، رێژەیا هاتنا پەنابەرێن ڕۆژئاڤا بۆ پارێزگەها دهۆکێ گەهشتیە ٤ هزار و ١٢٢ كەسان کو ژ ٩٥٢ خێزانان پێکدهێت.

سالم سەعید، بەرپرسێ‌ راگەهاندنا بۆردێ‌ كارۆبارێن مرۆڤی ل پارێزگەها دهۆكێ‌ دیاركر ژی، ژ کۆما وێ هەژمارا هاتی، ٩٣٢ خێزان کو ژ ٣ هزار و ٩٦٢ کەسان پێکدهێن بۆ کەمپا بەردەڕەش هاتنە ڤەگوهاستن.

پشتری ژی بۆردا کاروبارێن مرۆڤی ل دهۆکێ ڕاگەهاندبوو، کو پارێزگەها دهۆكێ‌ بەرهەڤی بۆ وەرگرتنا سێ‌ هزار پەنابەران كریە، ئەگەر ژ وێ هەژمارێ زێدەتر گەهشتنە سنورێ پارێزگەهێ، چێدبیت ب مەرەما دیتن و دابینکرنا جهێن نوو بۆ ئاکنجیکرنا پەنابەران دگەل سازیێن ناڤدەولەتی بجڤن.

نێزیکی دوو حەفتیانە ئارتێشا تورکیا و گرۆپێن چەکدارێن گرێدایی وێ هێرشا سەر ڕۆژئاڤایێ کوردستانێ دەستپێکریە، زێدەباری ئاگربەستێ ژی، شەڕ و پەڤچوون ل هند دەڤەران بەردەوامن، ژبەر شەڕ و ئالۆزیان ژی هەیا نها سەدان وەلاتی شەهید و برینداربوونە، ب هزاران ژی مال و حالێ خۆ بجیهێلانە.

‎لدور Malame

Check Also

ئەلمانیا داخوازێ ژ کوردێن ولاتێ خۆ دکەت سەرەدانا تورکیا نەکەن

گوری نووچەیەکێ گوڤارا “دیر شپیگل” یا ئەلمانى، ئەلمانیا داخوازێ ژ کوردێن ولاتێ خۆ دکەت سەرەدانا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.