ھەسەدێ ئامارا شەر و پێکدادانێن لگەل سوپایێ تورکیا ل ٢٤ ساتێن بۆری بەلاڤکر

ناڤەندا راگەھاندنا ھێزێن سووریایا دیمۆکرات ئامارا بیست و چار ساتێن بۆری یێن شەر و پێکدادانێن لگەل سوپایێ تورکییا و گرۆپێن ئالیگرێن وێ بەلاڤکر و دیارکر: پازدە شەرڤان شەھیدبووینە.
لگۆر راگەھاندنەکا ھەسەدێ، سوپایێ تورکیا د بیست و چار ساتێن بۆری دا بەردەوامبوویە لسه‌ر بنپێکرنا ئاگربەستێ ل سەرێ کانیێ و دەردورێن وێ و بزاڤێن پێشڤەچوونێ ژی کرینە، لێ شەرڤانان بەرسنگێن وان گرتینە و شیاینە سێ چەکدارێن گرۆپێن سەر ب تورکیا ڤە بكوژیت و دو تومبێلێن وان بسۆژیت و ئێکا دی ژی ژناڤببه‌ت.
دیار ژی کر: سوپایێ تورکیا و گرۆپێن سەر ب وێ ڤە بزاڤکرینە ل گوندێن عەین عیسا تا بەرەیێ جلبیە ل کوبانێ بزاڤێن پێشڤەچوونێ بكه‌ت، لێ ھەر شەرڤانان بەرسنگێ وان گرتینە و چەندین چەکدار ھاتینە کوشتن زێدەباری ژ ناڤبرنا سێ زریپۆشێن سەربازی.
ھەسەدێ ئامارا زیانێن خوە ژی بەلاڤکرن و دیارکر: شەش شەرڤان د شەر و پێکدادانێن بیست و چار ساتێن بۆری شەھیدبووینە و نەھـێن دی ژی ژ رۆژا ئێکێ یا ئاگربەستێ پەیوەندی ل گەل وان قەتییا بوو، پاش شەھیدبوونا وان پشتراستبوویە و ب وێ چەندێ ژمارەیا شەرڤانێن هاتینه‌ شه‌هیدكرن گەھشتن پازدە شەرڤانان.

‎لدور Malame

Check Also

ئەلمانیا داخوازێ ژ کوردێن ولاتێ خۆ دکەت سەرەدانا تورکیا نەکەن

گوری نووچەیەکێ گوڤارا “دیر شپیگل” یا ئەلمانى، ئەلمانیا داخوازێ ژ کوردێن ولاتێ خۆ دکەت سەرەدانا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.