ڤیدیۆ.. ئەو گەنجێ ئێزدیێ کو هاتیە قوتان زەلالکرنەکێ لسەر بوویەرێ ددەت

لگۆری گرتەیەکا ڤیدیۆی کو د تۆڕێن جڤاکی دا بەلاڤبوویە، ل ولاتێ ئەلمانیا چەند کەسەک هێرشی سەر گەنجەکێ ئێزدی دکەن و ب لێدان و قوتانێ برینداردکەن.

پشتی بریندارکرنێ، ئەو گەنجێ ئێزدی د گرتەیەکا ڤیدیۆیی دا کو لسەر تۆڕا جڤاکیا فەیسبوووکێ بەلاڤکریە، زەلالکرنێ لسەر بوویەرێ ددەت و دبێژیت، “نها ئەز ل نەخۆشخانەیێ مە و ٩ کەس کو سەر ب شێخ شامۆ ڤەنە هێرشی سەر من کرنە و ب بۆکس و بتلێن شیشەی ل من دانە”.

بەحسا وێ یەکێ ژی دکەت، “ئەو کەسێن هاتینە من ئێزدی بوونە و ئەز وان دنیاسم و چەک دگەل وان بوون، من سکالا ل دەف پۆلیسێن ولاتێ ئەلمانیا لسەر وان تۆمارکریە”.

دەربارەی سەدەما هێرشکرنا سەر وی ئەو گەنجە دبێژیت، “من پێشتر د لایڤەکێ دا خەبەر و ئاخافتنێن نەهەژی گوتنە شێخ شامۆ، لێ ئەز یێ سەرخۆش بوومە و من هاش خۆ نەبوویە و من داخوازا لێبورینێ ژی کریە”.

ئەو گەنجە ناڤێ وی ڕەغیب خێری-یە و خەلکێ کۆمەلگەها مهەتێ یا سەر ب قەزا شێخانە و نها ل ئەلمانیا ئاکنجیە، ناڤبری د تۆڕێن جڤاکی دا ب ئەبو ڕەیان دهێتە ناسکرن، ب ئاوایەکێ ڕەخنەی و کومێدی لسەر بابەتان دئاخڤیت.

شێخ شامۆ بەرپرسێ بنگەهێ لالش یێ ڕۆشنبیری و جڤاکی یێن تایبەت ب ئێزدیانە ل دهۆکێ، ئەندامێ خۆلا بەرێ یا پەرلەمانێ کوردستانێ بوویە، د کابینەیا نوو دا وەک شێورمەندێ سەرۆکێ حکومەتا هەرێما کوردستانێ بۆ کاروبارێن ئێزدیان هاتیە دەستنیشانکرن.

‎لدور Malame

Check Also

ئەلمانیا داخوازێ ژ کوردێن ولاتێ خۆ دکەت سەرەدانا تورکیا نەکەن

گوری نووچەیەکێ گوڤارا “دیر شپیگل” یا ئەلمانى، ئەلمانیا داخوازێ ژ کوردێن ولاتێ خۆ دکەت سەرەدانا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.