سەندیکا ڕۆژنامەڤانان: یاسایا رۆژنامەگەریا هەرێمێ دهێتە پشتگوهخستن

سەندیکا ڕۆژنامەڤانان یا هەرێما کوردستانێ راگەهاند، د نها دا دادگەهێن هەرێمێ زێدەتر کار ب یاسایێن عێراقێ دکەن و هندە کو یاسایا رۆژنامەگەریا هەرێمێ بهێت پشتگوهخستن.

د زەلالکرنەکێ دا لیژنەیا داکوکیکرنێ ل ئازادی و مافێ رۆژنامەڤانان ـ سەندیکا رۆژنامەڤانێن کوردستانێ ، هوشیارى دا ب وی یەکێ کار ب یاسایا هەژمار ٣٥ یا سالا ٢٠٠٧ێ یا رۆژنامەگەریا هەرێما کوردستانێ ناهێت کرن.

وێ لیژنەیێ ئاماژە ب وێ یەکێ دکە، ” یاسایا هەژمار ٣٥ یا سالا ٢٠٠٧ێ دەستکەفتەکێ گرنگە بۆ هەرێما کوردستانێ ، لێ ب دلگرانى ڤە کۆمەکا کەیسان و سکالا بۆ لیژنەیا مە هاتنە کو دادگەهـ کار ب یاسایا هەژمار ٣٥ ێ ناکەت و پەنیایێ بۆ یاسایا عێراقێ دبەت”.

ئەو یەک ژى گوت، ” د وان کەیسان دا پەنا بریە بەر یاسایا خراب بکارئینانا ئامیرێن ئەلیکترۆنی و یاسایێن سزادانا عێراقى و ئەڤ یەک مەترسیێ لجەم مە دروست دکەت و دێ بیتە دیاردە و مەترسیێ لسەر ئازادیا رادەربرینێ و کارێ رۆژنامەڤانیێ دروست کەت”.

‎لدور Malame

Check Also

فرۆكه‌یێن توركیا تومبێله‌ك ل ده‌ركارێ كره‌ ئارمانج و 2 كه‌س كوشتن

فرۆكه‌یێن توركیا تومبێله‌ك ل ده‌ركارێ كره‌ ئارمانج و 2 كه‌س كوشتن


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.