كێشه‌ نه‌ كورده‌، كوردبونه

شه‌عبان مزوری
هه‌ر مروڤه‌ك لسه‌ر رویێ زه‌مینی هه‌لگرێ هنده‌ك ناسنامایه‌، واته‌ مروڤ تێ ناسین لناڤا خه‌لكێ ژده‌رڤه‌ی ناڤێ خوه‌ بهنده‌ك ناسنامێن دن، وه‌ك نه‌ته‌وه‌، نیشتیمان بنه‌مال، ئول، پیشه‌، سالوخا… هتد. به‌شه‌ك ژ ناسنامێن مروڤی میراتگه‌رینه‌، ئانكو تاكه‌ كه‌سی هیچ روله‌ك نه‌بویه‌ د چێكرن و چه‌سپاندنا واندا، به‌شه‌ك دن ژ ئافراندنا تاكه‌ كه‌سی تێ د پروسێسا ژیانا ویدا. ناسنامێن كه‌ساتی لجهێن جودا و كاودانێن جودادد‌ تێنه‌ پێشخستن و پاشخستن. بو نمونه‌ ناسناما نه‌ته‌وی تێ پێشخستن ده‌ما مروڤ خوه‌ لناڤ هنده‌ك نه‌ته‌وێن دن دبینه‌، ئولی ده‌ما لناڤ هنده‌ك ئولێن دن دژیت، پیشه‌یی ژبو خوه‌ جوداكه‌ت ژ پیشێن دن ….هتد.
گه‌له‌ك جورێن ناسناما مروڤ دكاره‌ بگهوریت یانژی بئێكجاری خوه‌ ژێ قۆرتال بكه‌. بو نمونه‌ گه‌له‌ك مروڤ پاش ده‌مه‌كێ بپیشا خوه‌ تێن ناسكرن، به‌شه‌ك ب ره‌وشتێن خوه‌ تێن ناسكرن ( مه‌رد، قه‌لس، ژیر، پیس، راستگو، قومارچی….هتد )، به‌شه‌ك دن ب ره‌نگ و سیمایێ خوه تێن ناسكرن‌ ( درێژ، قوت، پرچ زه‌ر، سور، ستویر، زراڤ…..هتد)، هنده‌ك دن بئول و ئیدولوژیا تێن ناسكرن ( موسلمان، شیعه‌، سوننه‌، یه‌زیدی، بێ ئول، فه‌له‌، كاتولیك، ئه‌رته‌دوكس، كومونیست….هت) جوره‌ك خه‌لك بهه‌رێم، هوز، گوند و ئوجاخا تێن ناسكرن. وه‌ك لسه‌ری من ئاماژه‌ پێكری ئه‌ڤ جوره‌ ناسنامه‌ هه‌می دكارن بێن گوهارتن.
ته‌نها ناسناما دكاره‌ بیه‌ك مه‌رج بێته‌ گوهارتن ناسناما نه‌ته‌ویه‌. ئه‌گه‌ر بو نمونه‌ زاروكه‌ك ژ دایبابه‌ك خوه‌ بكورد بزانن بێته‌ ره‌ڤاندن و ژكه‌سێن وی زاروكی خوه‌داندكن نه‌ بێژن‌ ئه‌ڤه‌ كورده‌ وێ ده‌مێ‌ ناسناما خوه‌یا نه‌ته‌وی ژ ده‌ست دده‌ و ناسناما نه‌ته‌ویا خێزانا خوه‌دان لێ ده‌ركه‌فتی وه‌ردگره‌. ئانكو ناسناما نه‌ته‌وهی وه‌ك هیچ ناسنامه‌كێ نینه، هه‌ر چه‌نده‌ وه‌ك زۆر ژ ناسناما مروڤی نه‌ هه‌لبژارتیه‌ لێ مروڤ نكاره‌ خوه‌ ژێ‌ قورتالكه‌. بابه‌تێ مه‌ كورده‌ و كوردبونه‌، بدیتنا من هه‌ركه‌سێ دایبابێت وی كوردبن كورده‌، هه‌ركه‌سێ دایك یانژی بابێ وی یان وێ‌ كورد بن ئو ئه‌و خوه‌ بكورد ناس بده‌ كورده‌، هه‌ركه‌سێ ژ دایبابه‌ك نه‌كورده‌ د كوكا خوه‌دا لێ بسالانه‌ لسه‌ر خاكا كوردستانێ دژین و خوه‌ بكورد ناسكه‌ كورده‌، لێ كوردبون جودایا وێ ژ كورد خوه‌دی ده‌ركه‌فتنه‌ لناسناما خوه‌. مروڤ نكاره‌ شانازیێ بكه‌ كو كورده‌ چونكه‌ ئه‌ڤه‌ بژاردا دا مروڤی نه‌بویه‌ به‌لكو وه‌ك من ئاماژه‌ پێ كری ناسنامه‌كه‌ مروڤی ژ دایكێ، بابی، یانژی هه‌ردویان وه‌رگرتی. لێ كوردبون شانازیه‌ چونكه‌ هه‌لویستێ بژارده‌یێ ئازادانه‌یێ تاكه‌ كه‌سی یه‌، كه‌سێ لسه‌ر نه‌ چه‌سپاندیه‌. لڤێره‌ ئاسان دبیت بو مه‌ ئه‌م گوتنێن دوژمنێن خوه‌ تێبگه‌هین.
هه‌مو له‌شكه‌ڕێن لژێژ په‌یام و پرۆپاگه‌ندێن جودایێن ئولی، نه‌ته‌وی، ئیدولوژی وه‌لاتێ مه‌ داگیر كری هه‌ولدایه‌ لژێر بوهانێن جودا مه‌ پارچه‌كن، داگیركه‌ریا خوه‌ ره‌واكن و خوه‌ وه‌ك دلسۆزێن مه‌ نیشان بده‌ن، كوردێن باش و یێن خراب، كوردێن ژیر و ساویلك، كوردێن نیشتیمان په‌روه‌ر و تێكده‌ر، كوردێن باوه‌رمه‌ند و گاور….هتد. سیمایێ سه‌دا بیستی بو داگیركه‌رێن مه‌ كورد كێشه‌ نه‌بون لێ، شێخ مه‌همود، شێخ سه‌عید، سه‌ید رزا، قازی موهه‌ممه‌د، مه‌لا موسته‌فا، جه‌لال تاله‌بانی، ئه‌بدوللا ئوجه‌لان ….. هتد، من هنده‌ك نمونه‌ ئانین هیڤیدارم جهێ دلگرانیا كه‌سێ نه‌بیت. داگیركه‌رێن وه‌لاتێ مه‌ زیندانێن وان پرن ژ كوردان، بسه‌دان هه‌زار كورد ناهیته‌ ژناڤبرن بدورونده‌ترین شێوه‌، بهه‌زارا گوند و باژارێن كوردا هاتینه‌ وێرانكرن بده‌یان جاران، ڤان داگیركه‌ران هه‌می پێكول كرن ژبو ناسناما مه‌یا نه‌ته‌وی ژناڤبه‌ن لێ سه‌رنه‌كه‌فتن له‌وما كه‌فتنه‌ له‌یزتكا كوردا ژهه‌ڤ جوداكه‌ن ژبو به‌رده‌وامی و ره‌واتیێ بده‌ن كارێن خوه‌یێن نه‌ مروڤانه‌. لڤێره‌ ئه‌ز دپه‌ژرینم كو ڤان داگیركه‌را لرۆژا ئه‌ڤرو كێشه‌ لگه‌ل كوردی نینه‌، لێ كوردبون نه‌یارێ وانه‌‌، چونكه‌ ته‌نها كوردبونه‌ وێ تاكه‌ كه‌سێ كورد بئازادیێ شادكه‌ و بكه‌ خوه‌دی كه‌ساتی وه‌ك هه‌ر مروڤه‌ك دن.
بكورتی و بكوردی بو من كورد و كوردبون وه‌ك كه‌سێ كویله‌ و ئازاده‌، هه‌رچه‌نده‌ هه‌ر‌دو مروڤن.

‎لدور Malame

Check Also

بایكوتا به‌رهه‌مێ نه‌یارا سه‌رخوه‌بونه‌

د. شه‌عبان مزوری بهێرشكرنا ده‌وله‌تا تورك و هه‌ڤالبه‌ندێن وێ ژ هه‌می رێكخستنێن ته‌روریستیێن ئیسلامی بپێشه‌نگیا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.