Capturefile: O:KMST�1_03_2007NEFK MALEVICH 178 80 10 265.nef CaptureSN: --.000000 Software: Capture One PRO for Windows

ژبو عیراقه‌ك ئارام نه‌خێر بو هه‌ر مه‌رجه‌عییه‌ته‌كێ

د. شه‌عبان مزوری
بباوه‌ریا من ژبو رێچاره‌سه‌ریه‌ك رادیكالی درێڤه‌به‌ریا وه‌لاتێ عیراقێ دا بێت ئه‌نجام دان و عیراق ببیته‌ وه‌لاته‌ك ئاسایی و ئارام پێویسته‌ ئه‌م ڤه‌كری لسه‌ر هوكارێن عیراق گه‌هاندیه‌ ڤێ قوناغا به‌ره‌للایا تێدا دژیت راوه‌ستین. ببوچونا من سێ ئه‌گه‌رێن سه‌ره‌كی بوینه‌ هه‌می ڤێ تالانی و وێرانیا ئه‌ڤ وه‌لاته‌ تێدا ده‌رباس دبیت ئهو‌ژی پیروزینه‌، تولستاندن و بێ باوه‌ریه‌. لڤێ نڤیسینێ دا دێ هه‌ولده‌م دیتنا خوه‌ لسه‌ر ڤان خالا ئاشكراكم كو بدیتنا من بنه‌مانا وان وێ هه‌می تشته‌ك ڤه‌گه‌ریت سه‌ر رێكا خوه‌یا سروشتی.
بنه‌مانا رژێما دكتاتورا به‌عس را لسالا ٢٠٠٣ شوینا یه‌ك كه‌سێ پیروز كو ئه‌وژی سه‌ددام هوسه‌ینێ دكتاتور بو بده‌ها ئه‌گه‌ر نه‌ بسه‌دان كه‌سێن پیروز بومه‌ ده‌ركه‌فتن، شوینا هێله‌كا سور، وه‌لات هه‌می هاته‌ سوركرن بخوینا خه‌لكێ عیراقێ ژ باكور هه‌یا باشور لژێر دوریشمێ‌ پاراستنا پیروزیا و هێلێن سۆر. زۆر جاران ده‌ستهه‌لاتداریا عیراقێ گوتنا كوردی یا دبێژیت ( هه‌ر ره‌شو بده‌ستێ خوه‌ ئه‌گه‌ر دێ ئاڤ ته‌به‌ت ) لداویێ ئاڤێ هه‌می برن. وه‌لاته‌كێ بده‌یان سالا دهات هه‌ژمارتن ژ باشترین وه‌لاتێن هه‌رێمێ د پرانیا واراندا بو په‌ریشانترین وه‌لات ده‌وله‌ت سه‌رێ پیروزیا. هه‌ر سه‌روك پارتیه‌ك، هوزه‌ك، بنه‌ماله‌ك بونه‌ مه‌رجه‌ع ژبو خه‌لكێ خوه‌. من گومان نینه‌ كو ماسترین رول دڤێ دیاردێ دا مه‌رجه‌عێ شیعا هه‌بویه‌ و دبیت هه‌می مه‌رجه‌عا ماف هه‌بیت تا رادده‌كێ ژبه‌ركو هاولاتیێن عیراقێ نه‌ و تا رادده‌كێ ده‌ستهه‌لاتداریا وان دناڤا جوگرافیا عیراقێ دایه‌ ژ ده‌رڤه‌ی هنده‌ك كه‌سێن عه‌ره‌ب و كورد كو جار جاران جاددێ دشارینن بدرویشمێن دره‌وێن نه‌ته‌وی.
وه‌ك بو مه‌ زانایه‌ كو مه‌رجه‌عیه‌تا ئیدولوژی سنورێن نیشتیمانی نینن، ئانكو سنور بره‌ له‌وما نابیت مایێ خوه‌ دكار و بارێت نیشتیمانی بكه‌ت نه‌خاسمه‌ نیشتیمانه‌ك وه‌ك عیراقێ كو ژ نه‌ته‌وێن جودا، ئولێن جودا و مه‌زهه‌بێن جودا پێكهاتیه‌. مه‌رجه‌عێ شیعا بو نمونه‌ سیستانی مه‌رجه‌عه‌ك مه‌زهه‌بیه‌، نه‌ تنها بو خه‌لكێ عیراقێ به‌لكو پرانیا شیعێن جیهانێ له‌وما بو ڤی مروڤی نابیت بهیچ ره‌نگه‌كی مایێ خوه‌ دكارێن نیشتیمانیێن عیراقێ دا بكه‌ت. چونكه‌ ئه‌و ته‌نها پیروزه‌ بو به‌شه‌‌ك شیعا و عیراق وه‌ك من ئاماژه‌ پێكری موزایی كه‌ك پر ره‌نگه‌. سیستانی كه‌ساتیه‌كێ بێ سنوره‌ بو جیهانا شیعی له‌وما ژ ده‌رڤه‌ی رانه‌مایێن ئولی بو باوه‌رپێكریێن خوه‌ نابیت لسه‌ر تشته‌ك دن باخڤیت، لێ ئه‌گه‌ر سیستانی خوه‌ بكه‌سه‌ك عیراقی ناسبكه‌ت بلا كه‌ره‌مكه‌ وه‌ك هه‌ر عیراقییه‌كی بكه‌ڤیته‌ ململانا هه‌ڤركیا سیساسیدا و ئه‌گه‌ر ده‌نگێن پێویست بده‌ست خستن بلا هه‌ر پوسته‌كێ هه‌بیت پركه‌ت لدویف ژمارا ده‌نگێن بده‌ست ئانین، دڤێت دوماهیك بهێت بچه‌ند ده‌ستهه‌لاتیێ و دڤێت ناڤه‌ندێن بریارێ ئاشكرا بن و بو كه‌سێ نه‌بیت ژده‌رڤه‌ی ڤان ناڤه‌ندا هیچ جولانه‌كێ بكه‌ت. هه‌روه‌سا ئه‌ڤه‌ بو وان هه‌می كه‌سان ده‌رباس دبیت یێن خوه‌ بمه‌رجه‌ع و سه‌ر یاسایرا دبینن لژێر هه‌ر ناڤه‌كێ هه‌بیت. نه‌مانا پیروزیا و د‌هه‌مان ده‌مدا بپیروز دانینا هاولاتی واته‌ ئازادیا تاكه‌سی دهه‌می بوارێن ژیانێ دا.
گیانێ تولستاندنێ‌ گه‌ماریترین گیانه‌، به‌ری هه‌می كه‌سه‌كی ئارامیێ‌ بو تولڤه‌كه‌ری ناهێلیت به‌ری تول ژێ ڤه‌كه‌ری له‌وما دڤێت دوماهیك بو ڤێ یه‌كێ بێته‌ دانین. ئه‌ڤێ په‌یامێ پتر ئارسته‌ی خه‌لكێ ساده‌ دكه‌م به‌ری بریارده‌را، چونكه‌ بموخابنیڤه‌ ئه‌ز دبێژم ژ تێكه‌لیێن خوه‌یێن لگه‌ل خه‌لكی ئه‌ز دبینم هه‌ر هنده‌ك بخه‌ونا مرنا هنده‌كێن دی دژین. ئه‌ڤ گیانه‌ هه‌می جڤاكێ نه‌ ئارام دكه‌ و كه‌س نكاره‌ هه‌یا لسه‌ر ئاستێ تاكه‌كسی پلانه‌ك درێژخایه‌ن بو خوه‌ دابرێژه، له‌وما دێ بینی پرانیا خه‌لكێ بو رۆژێ‌ درژین و هیچ ئاسویه‌ك نینه‌.‌ هه‌بونا ده‌ستهه‌لاته‌كا خوه‌دان دیتنه‌كا به‌رفره‌ و خوه‌دی په‌یام و كریار بگیانه‌ك لێبورین پر پێویسته‌ ئه‌ڤرو لعیراقێ. عیراق بره‌نگه‌ك گشتی ژ كورد و عه‌ره‌با پێكهاتینه‌ یانژی شیعه‌ و سوننی بوینه‌، ئه‌ڤ گیانێ تولستاندنێ واكریه‌ كو ئه‌ڤ پێكهاته‌ هه‌می ژ كوشتن و وێرانكرنێ قورتال نه‌بن، هه‌ر سه‌رده‌مه‌كێ دورا به‌شه‌كی بویه‌.
بێباوه‌ری بدیتنا من ده‌رئه‌نجاما ڤان هه‌ردو خالێن سه‌رینه‌، ئه‌ڤرو لعیراقێ كه‌سێ باوه‌ری بكه‌سێ نینه‌، نه‌ كوردی باوه‌ری بعه‌ره‌بی مایه‌، نه‌ عه‌ره‌بی بكوردی مایه‌، نه‌ شیعه‌ی بسوننه‌ی هه‌یه‌ نه‌ سوننه‌ی ب شیعه‌ی هه‌یه‌. پاشان ئه‌ڤ بێباوه‌ریه‌ هێدی هێدی قول دبیت دناڤا هه‌می چه‌مكێن جڤاكیێن ڤان پێكهاتا. ڤه‌گه‌راندنا باوه‌ریێ پشتی ژ ده‌ست دانێ كاره‌ك پر مه‌زن دخوازیت، هیڤیدارم گۆرانكاریێن بێن لعیراقێ ده‌ستهه‌لاته‌ك بینیت ڤان خالا لبه‌رچاڤ بگریت ژبو دامه‌زراندنا جڤاته‌ك سڤیل و بێ پیروزی. وه‌ك جاره‌ك دنژی من نڤیسی بكورتی و بكوردی سفر پیروزی سه‌د ده‌ر سه‌د ئازادی.

‎لدور Malame

Check Also

كێشه‌ نه‌ كورده‌، كوردبونه

شه‌عبان مزوری هه‌ر مروڤه‌ك لسه‌ر رویێ زه‌مینی هه‌لگرێ هنده‌ك ناسنامایه‌، واته‌ مروڤ تێ ناسین لناڤا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.