zeki s

چەوا مافیایه‌كا كوردی زه‌كی ئامێدی فروته‌ میتا توركی ؟! باشور چاوانیا ژناڤبرنا حزبا (پاك) به‌رچاڤ دكه‌ت دیڤداچوون | گوڤارا باشور پارتا پاك چ بوو ؟

 

پارتا پاك، كورتیا پارتیا ئازادی كوردستانێ بوو، ول سالا 1991 ل باشورێ كوردستانێ هاته‌ دامه‌زرادن، ئایدولوجیا وێ یا چه‌پا ئوجه‌لانی بوو، باوه‌ری ب ئێك پارچه‌ییا كوردستانێ هه‌بوو، ب راسته‌وخۆ په‌كه‌كێ بو باشورێ كوردستانێ دانابوو.
گرنكترین سه‌ركردێن پارتا پاك (زه‌كی ئامێدی و عه‌زیز وه‌یسی وعه‌لی هالو وسدیق موحه‌مه‌د و .. هتد) بوون، هنده‌ك ژوان هاتینه‌ كوشتن و هنده‌كێن دیتریش نها دناڤ رێزێن حزبێن دیتر دانه‌.
پشتی سه‌رهه‌لدانا بوهارا 1991 ئه‌ڤ حزبه‌ ب به‌گراوه‌نده‌كێ نه‌ته‌وه‌یی وچه‌پ پشتی دانوستاندنه‌كێ دناڤبه‌را رێبه‌رێ په‌كه‌كێ عه‌بدولا ئوجه‌لان وئه‌و سیمبولێن گه‌ریلایێن په‌كه‌كێ كۆ خه‌لكی باشور بوون هاته‌ راگه‌یاندن، وژگرنگترین دروشمێ وێ ژی ئازادی بو كوردستانا مه‌زن بوو.
لێ پشتی ئه‌ندامێن سه‌ركردایه‌تیا حزبا پاك هاتینه‌ راگه‌هاندن و ئاشكراكرن دسنورێ به‌هدیناندا روبروی چه‌ندێن گڤاشتنا بوون لسه‌ر ده‌ستێ پارتی دیموكراتی كوردستان، بگره‌ هه‌تا كو كوشتنا چه‌ندین ئه‌ندامێن وان ل په‌ی بوون مینا زه‌كی ئامێدی و چه‌ند كه‌سه‌كێن دیتر، لێ پشتی ده‌ستێوه‌ردانا توركیا دكاروبارێ هه‌رێمێدا ب ئاشكه‌رایی شه‌ر هاته‌ راگه‌هاندن دناڤبه‌را په‌كه‌كێ و په‌ده‌كێ ل سالا 1993، ئه‌ڤه‌ ژی بوویه‌ ئه‌گه‌رێ نه‌مانا حزبا پارتیا ئازادی كوردستان (پاك).

زه‌كی ئامێدی كی بوو؟

ناڤێ وی یێ دروست زه‌كی یه‌عقوب بوو، لێ ته‌ڤلی بوونا وی دگه‌ل شورشا په‌كه‌كێ ناڤێ وی گوهارت بو كه‌نداڵ ئامێدی، ئه‌و ل ساڵا 1961 ل ده‌ڤه‌را ئامێدیێ هاتیه‌ سه‌ر دونیایێ، وژماڵباته‌كا كورد په‌روه‌ر و ولات پارێز بوویه‌، بتنێ كچه‌ك ل دویف خۆ هێلایه‌ دژیێ 19 سالیدایه‌، كۆ بابێ خۆ ژی نه‌دیتیه‌، زه‌كی دگه‌ڵ برایێ خۆ مه‌كی ئامێدی روبرووی چه‌ندین نه‌خوشی و ده‌رده‌سه‌ریا بووینه‌ ل ژێڕ ده‌ستێ حوكمرانیا پارتی ل به‌هدینان.
ئه‌و هه‌ڤاله‌كێ هه‌ری نێزیكێ شه‌هید ره‌ئوف ئاكره‌یی بوو، ل دور ڤێ چه‌ندی كه‌سه‌كێ نێزیك بو باشور ئاشكرا دكه‌ت كۆ پشتی دلساریا دناڤبه‌را ئێكه‌تی و ره‌ئوف ئاكره‌یی چێبووی، یه‌كسه‌ر ره‌ئوف ئاكره‌یی رێكخراوا تێكوشان راگه‌هاند و به‌یاننامه‌ژی ده‌ركر دژی روینشتنا سه‌ركردایه‌تیا ئێكه‌تی دگه‌ل رژێما به‌عس، تێته‌گوتن كۆ ره‌ئوف ئاكره‌یی برێكا زه‌كی ئامێدی وچه‌ند هه‌ڤاله‌كێ دیتر دكه‌ڤیته‌ ژێر كاریگه‌رییا ئایدولوجیه‌تا ئوجه‌لانیزم.

چاوا زه‌كی ئامێدی هاته‌ تیروركرن؟

پشتی راگه‌هاندنا حزبا پاك، و ده‌ركه‌تنا چالاكی و بزاڤێن ڤی پارتی ب ئاشكه‌رایی، پارتی ل بهانه‌كێ دگه‌رییا كۆ بو گڤاشتنێ لسه‌ر ئه‌ندامێن ڤێ حزبێ، زه‌كی ئامێدی دگه‌ل ره‌ئوف ئاكره‌یی و چه‌ندین هه‌ڤالێن دیتر به‌شداری دخوه‌نیشاندانێن دژی بومبه‌بارانكرنا ده‌ڤه‌رێن سنوری كرن ژئالیێ ئارته‌شا توركیڤه‌، ئه‌ڤه‌ ژی بیه‌ ئه‌گه‌رێ ده‌سته‌سه‌ركرنا وی ژ ئالیێ پارتیڤه‌.
پشتی رێكه‌فتنا پارتی دگه‌ل میتا توركی بو گرتن و ته‌سلیمكرنا ئه‌ندامێن پاك و په‌كه‌كێ ئیدی زه‌كی ئامێدی ژئالیێ پاراستنا پارتی جاره‌كا دیتر تێته‌ڤ گرتن ودگه‌ل دوو كه‌سێن دیتر كۆ ئێك كوره‌كێ كوردێ روژئاڤابوو (سوریا) و ئه‌وادیتر ژنك بوو خه‌لكا باكور بوو، بو ماوێ چه‌ند روژه‌كا دشوقه‌كێ ڤه‌ بوون ل بن لێدانا هێزێن ئه‌منی دمینن وته‌نانه‌ت ئه‌و ژنك تێته‌ هێرشكرن ژئالیێ جنسی ڤه‌، به‌ری ته‌سلیمی میتا توركی بكه‌ن.
پشتی چه‌ند روژه‌كا هه‌رسێ كه‌سا دكه‌نه‌ دسندوقا ئوتومبێلێ ڤه‌ ژئالێێ سێ كه‌سێن سه‌ر ب پاراستنێ ڤه‌كۆ ناڤێت وان ل جه‌م گوڤارا باشور دپاراستینه‌ و خه‌لكێ ده‌ڤه‌را به‌روارییا بوونه‌ (ل، ح، ح) و(ح،ح،ح) و (م،خ،ح) وهه‌می ئێت ئێك مالبات بووینه‌ ژی، دبه‌نه‌ كانی ماسێ ل گوندێ سه‌رزێری ته‌سلیمی میتا تورك دكه‌ن و ئه‌وژی هه‌ر ل وێڤه‌تر وان هه‌رسێ كه‌سان ره‌ممی دكه‌ن ب گۆلا ل به‌رواری 31-3-1993
نه‌خشێ تیرورێ ل به‌هدینان ب به‌رنامه‌ هاته‌ جێبجیكرن لسه‌ر چالاكڤانێن سیاسی و دئێكه‌م پلاندا زه‌كی ئامێدی تێته‌ تیروركرن، پاشی ل به‌روای 1993-5-26 ل سیكا دهوكێ ره‌ئوف ئاكره‌یی، به‌رپرسێ رێكخراوا تێكوشان یا چه‌پ هاتیه‌ تیروركرن، ئیدی نه‌خشێ تیرورێ ل به‌هدینان ده‌ستپێكر ول دویفرا وپشتی 5 روژا هه‌ر ئێك ژ(فرانسیس یوسف شابۆ) پەرلەمانتار ل سەر لیستا ئاشوری ل1-6-1993 ل باژێرێ دهوكێ هاته‌ تیروركرن وپشتی دوو هه‌فتیێن دیترول به‌رواری 14-6-1993 سیاسه‌تمه‌داره‌كێ حزبا شیوعی بناڤێ(ئه‌بو نه‌سیر) هاته‌ شه‌هید كرن، و ل به‌رواری 29-7-1993 ولدیف وانرا هه‌ڤاڵ رێناس ل حزبا زه‌حمه‌تكێشان هاته‌ تیروركرن، وپشتی وی ژی نه‌زیر عومه‌ر یێ به‌رنیاس ب (ئارام) هه‌لسوراوێ بزاڤا سوسیالیست وكرێكاران هاته‌ شه‌هید كرن ل قه‌زا سێمێلێ.

چاوانیا ئاشكه‌را بوونا شه‌هیدكرنا وان
چیروكا ئاشكرابوونا شه‌هیدكرنا وان سێ كه‌سان ب رێكه‌كا سه‌یر تێته‌ ئاشكه‌را كرن، ئه‌وژی پشتی كۆ ئه‌و مه‌فره‌زا پاراستنێ كه‌سه‌كێ دیتر یێ ده‌ڤه‌را ئامیێدیێ دگرن و ته‌سلیمی میتا توركی دكه‌ن، دیاره‌ ئه‌وژی زوی ناكوژن ودبه‌نه‌ زیندانا دیار به‌كرێ، ل وێرێ ئه‌و كه‌سێ ده‌ستبسه‌ر بو رێكخستنێن په‌كه‌كێ دناڤ زیندانێدا ئاشكرا دكه‌ت كۆ چه‌ند كه‌سه‌كێن مالباته‌كێ ڤێ شولێ دكه‌ت بو پاراستنێ و لایه‌نگرێن په‌كه‌كێ ته‌سلیمی میتا توركی دكه‌ن، ئه‌و هه‌ڤالێن په‌كه‌كێ ژی خه‌به‌ری دگه‌هینه‌ چیای، بو هه‌والگرییا په‌كه‌كێ.
ته‌كتیكا په‌كه‌كێ بو تۆڵه‌ ڤه‌كرنێ
پشتی كۆ خه‌به‌ر دگه‌هیته‌ په‌كه‌كێ، ئه‌و پلانه‌كێ ددارێژن بو ده‌ستبسه‌رگرتنا وێ مه‌فره‌زا پاراستنێ و تێدا بسه‌ردكه‌ڤن كۆ ئه‌وژی ب رێیا ؛ ته‌ماحكرنا وان ب كرینا سیلاحی، په‌كه‌كه‌ ب ته‌كتیك جوابێ بو وان كه‌ان دهنێریت كۆ چه‌ند چارچێن چه‌كی دڤێن ب بهایه‌كێ دووجار گرانتر ژ سیكێ، دوو ژئه‌ڤ كه‌سێن هه‌نێ ژی ل دویف وێ تامێ دچن ودكه‌ڤنی كه‌مینا په‌كه‌كێ ودهێنه‌ ده‌سته‌سه‌ركرن و هه‌می ئعترافێ دكه‌ن ل سه‌ر چاوانیا رێكه‌فتنا میتا تورك و پاراستنێ بو ژناڤبرنا لایه‌نگرێن په‌كه‌كێ و چاوانیا ته‌سلیمكرن و شه‌هید كرنا زه‌كی ئامێدی و هه‌ڤالێن دیتر.
هه‌لویستێ مالباتا شه‌هیدی چی یه‌؟
مه‌كی ئامێدی برایێ شه‌هید زه‌كی ئامیدی ئه‌و هویركاریێن گوڤارا باشور پشت راست دكه‌ت و دبێژیت “پارتی نه‌شێت ڤان سه‌رهاتیان ڤه‌شێریت، چونكی ئه‌و ب ساخی دمه‌ژیێ ملله‌تیدا دلڤن”.
ناڤبری ب راسته‌و خۆ مه‌سعود بارزانی به‌رپرسیار ددانێت به‌رامبه‌ر ژناڤبرنا برایێ خۆ، وێ ژی ئاشكرا دكه‌ت كۆ جاره‌كێ هه‌ول دایه‌ برێكا سه‌فاره‌تا عراقی ل ئه‌لمانیا سكالایێ دژی مه‌سعود بارزانی تومار بكه‌ت لێ ئه‌و ده‌لیڤه‌ نه‌دایێ.
مه‌كی كۆ نها چالاكڤانه‌كێ سیاسی یه‌ و ل ئه‌لمانیا ئاكنجی یه‌، دبێژیت “ئه‌م ل مه‌سعود بارزانی خۆش نه‌بووینه‌ و دێ هه‌ر روژه‌ك هێتن مافێ خۆ ژ وی بستینین”
مه‌كی ئامێدی وێ ژی خویا دكه‌ت كۆبه‌ری شه‌هیدكرنا برایێ خۆ ل رێكه‌فتی 31-12-1992 ئوتومبێلا وی ل سیكا دهوكێ دهێته‌ په‌قاندن ب بومبێ ده‌مێ دگه‌ل روژنامه‌ڤانه‌كا ئه‌لمانی بوو بناڤێ (لیسی شمید) ولسه‌ر ڤێ چه‌ندێ ژیرا ئه‌و تێته‌ زیندانی كرن ب ده‌ستێ پارتی و ب مه‌رجێ ده‌ركه‌فتن ژكوردستانێ تێته‌ ئازادكرن له‌وهه‌تا نها مه‌كی ل ئه‌لمانیا دژیت.

‎لدور مالا مه‌

Check Also

confucius

10: PIECES OF WISDOM FROM CUNFUCIUC ١٠ رستێن دێرین ژ فه‌لسه‌فا كونفویسمێ

  1- IT DOESNOT MATTER HOW SLOW YUO GO AS ALONG AS YOU NOT STOP. …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.