ئایا یه‌كگرتوو دێ گرێێا فه‌ره‌ژنێ ڤه‌كه‌ت ؟

 

ئه‌ندامه‌كێ كونگرێ شه‌شێ یێ یه‌كگرتوو
” فرەژنی ب ھەمی کێموکورتی وتێبینیان ڤه‌, باشتر و گونجاوترە ل خیانەتا زەوجی و ئیباحیەت کو به‌دیلێ وانه‌”

دیڤداچوون | سیروان ره‌مه‌زان

به‌روڤاژی شه‌ریعه‌تێ ئیسلامی دوو ژنی بو سه‌ركردایه‌تیا یه‌كگرتوو سزایه‌كێ توند هه‌بوویه‌ وئه‌ڤه‌ژی وه‌كی كاردانه‌ڤه‌ك بۆ مژیل نه‌بوونا ئه‌ندامێن سه‌ركردایه‌تا حزبا خۆ، ئه‌میندارێ یه‌كگرتوو ئه‌ڤ ریسایه‌ دانایه‌.
لێ به‌روڤاژی كۆمه‌لا ئیسلامی هانده‌ره‌ ژی هه‌رچ كادرێن وێ ژنا دوویێ وسیێی بینن ویا بیه‌ نه‌ریته‌ك ل جه‌م وان وته‌نانه‌ت ئه‌مێرێ كومه‌لا ئیسلامی ژی ڤه‌گرتیه‌ ونها عه‌لی باپیر خۆدی دوو ژنی.
وەك دهێتە زانین كو دناڤا یەكگرتوویێدا رێگریێن زۆر هەنە ل سەر بەرپرسێن یەكگرتوویێ‌ بۆ ئینانا ژنا دوویێ‌ وهن جاران گەهشتیە ئاستێ‌ سزادانێ‌، لێ یا روون نیه‌ كا‌ ئەڤە یاسایەكه‌ تایبه‌ته‌ ل په‌یره‌وێ دناڤا یەكگرتویێدە یان بریارەكا ئەمیندارێ‌ گشتی یە یان ژی ل مەكتەب سیاسی دەركەفتیە؟!
خه‌لیل ئیبراهیم، ئه‌ندامێ سه‌ركردایه‌تیا یه‌كگرتوویێ، كۆ وی بخۆ دوو ژن هه‌نه‌ سه‌باره‌ت بڤێ پرسێ بو باشور دبێژیت” سه‌باره‌ت دوو ژنیێ، تەوجهەك هەبی كو دناڤ سەركردایەتی یێ‌ دا كو دڤێت ئەوێت دناڤ سەركردایەتی یێ‌ دابیت نەكەتە دوو ژن و ئەڤ تەوجهە ژ لایێ‌ ئەمینداری گشتی ڤە بی و یێ‌ پێنەخوش بی لێ‌ ل دیماهیێ‌ هەر پەنگی پەنكی حەتا گەهشتیە دیماهیكێ‌ و ل دیماهیكێ‌ هندەكا ب قاچاغی ئینای وئه‌ڤه دیتنە حەتا ڤێ‌ دیماهیكێ‌ هەبی لێ‌ نوكە سڤكتر بیە و ژ لایەكێ‌ دیڤە یاسایا كوردستانێ‌ ژی پشتگیری یا هەی و پشتەڤانیا وێ‌ چەندێ‌ ناكەت و مەوزوعێ‌ دوو ژنیێ‌ مەوزوعەكێ‌ تاكەكەسیە دناڤ یەكگرتوویێ‌ دا و یا لایەق نینە وهندەك نەهێنیێت هەین دناڤ خێزانێ‌ دا و هندەك جارا زروف دخازن كو زەلام بینیت”.

حەمەرەشید ماوەتی بەرپرسێ‌ مەكتەبا جڤاكی یا یەكگرتووی ئیسلامی ل دور ڤێ پرسێ تایبه‌ت بو باشور گوت”ئەڤە نە ل پەیرەو پرۆگرامێ‌ یەكگرتووێدا هەیە ونە ل جڤاتا شوردا هەیە ونە بریارە، ئەڤە ب ڤی شێوازەی نینە، ئەسلێ‌ بابەتی ئەوە كو ئەمیندارێ‌ گشتی چەند سالان بەری نها كو نێزیكەی 7 سالان بەری نها ل دەمەكی كو ب گەرمی مژیلی كاركرنێ‌ بوین وهزركرنەڤە ل وی كاری هندەك نەخۆش بوو ژئالیێ‌ سەركردایەتێڤە چونكی كەسێ‌ سەركردە دڤیا هایداری كارێ‌ دەعوە وبانهەلدیری وسیاسی بیت، نەك خەمێ‌ ل كارەكێ‌ هوسا بخۆت، دگەل ڤێ‌ یەكێ‌ ژی ئەگەر پێتڤی با ب هیچ رەنگەكی بەحسێ‌ رێگریكرنێ‌ نەبوویە، ئەمیندارێ‌ گشتی ل وی دەمی ئەڤ هایداریكرنە دا ل بەر ڤێ‌ چەندێ‌، لێ‌ پشتی كو كاودان هاتە گورین وهندەك بیە واقع وبیە حاجە ورێك هاتە شكاندن ن ئەمیندارێ‌ گشتی رێگری نەكر لێ‌ رێكا داخازیكرنێ‌ رێكا جڤاكی وشەرعی ورێك وپێك بیت، چ جۆرە سزایەك ل سەر نینە هەر كەسێ‌ شیان هەبان ئاسایی بوو ودكتور محمد ئەحمەد سەرۆكێ‌ جڤاتا شورا گشتی دوو ژن ئیناینە وواقعێ‌ وی وەسا خاستیە ودراستیدا ژنا ئیِكێ‌ گەلەك خزمەتا ژنا دوویێ‌ دكەت، هەروەسا مامۆستا علی محمد ب هەمان شێوە، لێ‌ ئەگەر كەسەك ب رێكەكا نە مەعقول وی كاری بكەت خەقێ‌ ویە كو بهێتە سزادان چونكی رێكێن نەمەعقول ل كارێ‌ كەسێن یەكگرتوو نینە”.
سه‌باره‌ت ب ژمارا ئه‌و كه‌سێن هاتینه‌ سزادان، ماوه‌تی دبێژیت”وەك سزادان نەخێر كەس نەهاتیە سزادان، لێ‌ بتنێ‌ خۆشكان دلگرانیەك ل دكتور موسەننا دروست بوو ئەژی ل سەر شێوازێ‌ ئینانا ژنا دوویێ‌ ، لەوما بریار هاتەدان كو ل هن جۆرە كومبینان بهێتە دویرئێخستن نەك دەركرن ل سەر یه‌كگرتوویێ‌ یان تەجمیدكرن ب تمامی”.
ده‌رباره‌ی ئازراندا ڤی بابه‌تی دكونگرێ شه‌شێ یێ یه‌كگرتوودا بەرپرسێ‌ مەكتەبا جڤاكی یا یەكگرتووی ئیسلامی دبێژیت” ل گور وان بەرهەڤكاریێن بۆ كونگرێ‌ هاتینە كرن چ بەحس ل سەر ڤی بابەتەی نەهاتیەكرن لێ‌ ئەگەر كەسەك رابیەڤە وئاخفتن ل سەر ڤێ‌ چەندێ‌ كر دێ‌ بەرسڤا وی هێتە دانەڤە”.

یحیی نه‌وزه‌ر، وه‌كی گه‌نجه‌ك و ئه‌ندامی كونگره‌ی شه‌شه‌می یه‌كگرتوو ل په‌یجێ خۆ یێ تایبه‌ت لسه‌ر فره‌ژنیێ نڤیسیه‌”فرەژنی بەھەموو کەموکورتی وتێبینیەکانەوە , بەھەموو ئەو قسانەی لەبارەیەوە دەبیسترێت , باشتر و گونجاوترە لە خیانەتی زەوجی و ئیباحیەت کە بەدیلەکەیەتی ”
“ئەگەر شیعە زینایان لەچوارچێوەی موتعەدا حەڵال کردبێت و خەڵکیتریش حەرامکراوی نەھێشتبێت , ژن ھێنان بە ئاشکراو بێ پێچ و پەنا شەرعیترین و گونجاوترین و یاسایی ترین چارەسەرە ”
لەماوەی ٢٠ ساڵ حوکمرانی ئەم دووحیزبو باڵادەستەدا و لەبەرەنجامی جیھانگیریدا , ھەرچەندە یەکگرتوو و خوشکانەکەمان دەوری بەرزیان بینیوە لەھۆشیارکردنەوە بەلام شاراوەش نیە کە ڕۆشنیری و تێگەیشتنی ئافرەتی کوردی و لەنێویشیاندا خوشکانی خۆمان کاریگەری خۆرئاوای پێوەدیارە
دەتوانم بە یەک ڕستە مەبەستی خۆم بڵێم کە ئاستی بیرکردنەوەی ئافرەتی کورد گەیشتووەتە خاڵێک کە ئەگەر بیبیستێتەوە پیاوەکەی خیانەتی زەوجیکردووە ئەھوەنتر وەریدەگرێت ئەگەر ببیستێت پیاوەکەی ژنێکیتری ھێناوە!!
چیرۆکەکانی خیانەتی زەوجی لەھەژماردن نایەن , بەڵام ھەرگیز وەک دوو ژنە کاریگەری نەبووە لەسەر ھەڵوەشاندنەوەی خێزان بەنیسبەت ئافرەتی کوردەوە”

‎لدور مالا مه‌

Check Also

هاریکاریا هێزێن هەڤپەیمانان بو کوردان ل دژی تێروریستێن داعش و مەترسیا  بکارهینانا یوڕانیوما داوەشی ل ناڤ تەقەمەنیدا!

هەمزە غەفار ئەحمەد هەر وەک یا خویایە بو هاریکاریا مە کوردان و ب‌مەرەما ئازادکرنا کوبانێ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.