جوانە کەسێن لسەر کورسیکا بێنە گوهارتن. لێ بوچی دڤێت مزگەفت لسەر ناڤێ مەلا بێن تاپوکرن؟ 

 

د. شه‌عبان مزوری

پروسێسا گوهارتنێ ئەگەر نەهێتە وەرگرتن وەک بیر و باوەری و هەمی ئالیێن جڤاکێ بخوەڤە نەگریت چ رامان ژبو نینە. گوهارتن دینامیکا جڤاتا سەرکەفتی یە، جڤاک بهەمی پێکهاتیێن خوە د هەرمونیەکێ دا دژیت و دڤێ هەرمونیێ دا هەمی لایەنێن جودا و دهندەک دەلیڤادا دژهەڤ هەڤدو تەمام دکەن. بهیچ رەنگەکی نابیت کەسەک یان گروپەک بێژیت ئەز لدەرڤەی ڤی یاسای مە، ئەڤە دبیتە ئەگەرا تێکدانا بەلانسا سروشتی یا جڤاکا دیموکراتی.

گەلو دەما ئەم باسی گوهارتنا دکەین ل باشورێ کوردستانێ مەبەستا مە تەنها هەردو پارتێن دەستهەلاتدارن یانژی مەبەستا مە گوهارتنا جڤاکێ یە کو ئەڤ پارتێن دەستهەلاتدار پارچەکن ژێ. گومان تێدا نینە کو گوهارتنا کەسا مەرج نینە ژبوکو رەوش باشتر لێبێت لهەر دام و دەسگەهەکی، لێ مەرجێ هەرێ سەرەکی ژبو دروستکرنا سیستەمەکا ساخلەم ئامادەبونا کەسایە کو بێ ئاستەنگ دروست کرن و بدلەکێ شاد کارێ خوە راسپاردەی کەسەکێ دی بکەت دەما ئەڤ چەندە ژێ تێ خواستن. یەک ژ ئارمانجێن گوهارتنا کەسا ئەوە دەلیڤە ڤەبیت ژبو کەنجا ژبو بکارن هزر و پێچێبونێن خوە بینتە بەرچاڤ، پێزانینێن خوە بێخنە کار. خەلکێ مە دڤێت پێداچونەکێ بکەت لسەر دیتنا خوە گوهارتنا کەسا. پرانیا جڤاکا مە گوهارتنا کەسەکی ل پوستەکی، یانژی سەرنەکەفتنا کەسەکی ژبو بدەستئینانا پوستەکی وەک شکەستن، خرابی بناڤ دکەت، ئەڤەژی بخوە دبیتە ئەگەرا هندێ کو بەرپرسێن مە ناخوازن کورسیکێن خوە ژدەست بدەن، چونکی دەرخستنا خوە ژکارەکی ب شەرمزاری دزانن. گرنگ کو ئەم بزانین، ئەم دهەرکارەکیدا سەرکەفتی نابینین، نە سەرکەفتنا کەسەکی دکارەکیدا نایێت رامانا هندێ کو ئە دهەمی کارەکیدا سەرناکەڤیت، دبیت مروڤ شڤانەک خرابیت، لێ گاڤانەک باشبیت، هەردو ژی کارن؟؟؟؟؟؟؟؟؟؟؟؟؟؟؟؟

بسالانە بەشەکێ هەرێ زۆر ژ خەلکێ مە گازندا وی ئەوە کو هندەک کەس بوینە پەنجە شێر لسەر دلێ وان، بسالا هەوار دکەت لێ مخابن کەس د هەوارا وان نایێت، سرۆکێن پارتێن دەستهەلاتدار دبێژن لێ ناپێژن دپرانیا جارادا، ئەو گوهارتنێن هەیا ئەڤرو هاتین کرن پتر جوانکاری بون ژ چارەسەریێ. چونکی بدیتنا من هەیا ئەڤرو موخابن چوهێز ل باشورێ کوردستانێ دروست نەبوینە کو باوەریێ بگوهارتنێ بینیت.

رەوایە بو هەر تاکە کەسی ئارمانجا وی یا درێژ خایەن هەر پوستەکی بدەست بینیت و بەرەڤاژی ڤێ چەندێ کەسێن داخوزەک بڤی رەنگی نەبیت نە ساخلەمن د مەژیێ خوەدا. زانایە بو مە هەمیا کو گەلەک پارتی، کومەلە، هێز، رێکخستن….هتد لناڤ ناڤمەدا سەرهەلداینە دڤان سالادا، لێ پەنجەشێرێ رەهێن خوە لناڤ خوینا مە هەمیادا بەلاڤکرینە و ئێشا کەس ژمن باشتر نینە و بنەمانا من قیامەت دێرابیت ئەم هەمی یێت گرتین. گەلەک سەروک و بەرپرسێن ئەڤرو گازندە ژ سەرکردێن بەرێ دکرن و دگوتن گەلو هەیا کەنگی دێ فلان کەس سەروک مینیت، لێ دەما ڤان کەسا هندەک گروپێن دی لبن ناڤێ دژ دەرکەفتنێ بەرابەر تەکرەویێ، جهێ داخێ یە کمباختر لێ هاتن. دیسا ئامادە نینن کورسیکا خوە ژبو کەسێ دن ژدەست بەردەن و هەمی تشتەکی چاک هاتی کرن بمیراتێ خوە ناسدکەن و هەمی چەوتەیا تێخن ستۆکرا بەڤلێن خوە. چونکی نمونێت ژدەرڤەی ڤێ چەندێ مەنین لەوما من چ نمونە بناڤ نەکرن.

موخابن دەما گوهارتن گەهشتی مەلایەکی ل مزگەفتێ ل باژێرێ دهوکێ مەلەی قیامەت راکر، مەلەی نەڤێت بهێت گوهارتن، خەلک ژبەر وی دچو مزگەفتێ، تەنها ئەو دشێت رێکا خوەدێ نیشانی وێ گروپا خەلکی بدەت، تەنها ئەو راست بێژە، خەلکی ئەو بتنێ دڤێت، ل پشت وی نەبیت خەلک نڤێژێ ناکەت، کبارا وی نەبیت ئەو خەلک گوهداری کەسێ دی ناکەت، ئەزمانێ وی نەبیت چ ئەزمانێت دی تێناگەهن، لەوما گوهارتنا مەلەی نەمانا مزگەفتێ یە، چونکی هەر تشت بخوەدانێ خوە ئاڤایە، لەوما چەوا ئەڤرو وەلات شوینا ملکێ مللەتی بیت بویە ملکێ سەروکا وەسا مزگەفت ژی شوێنا مالا خوەدێ بیت هندەک دخوازن بکەنە مالا خوە و لسەر ناڤێ خوە تاپوکەن هەر چەندە مالێ خوەدێ یە.

خەلکێ مە هندی بێ ئومێدە ژ گوهارتنا لسەر دەستێ ڤێ دەستهەلاتێ، بەرێ خوە ددەن خوەدێ هەرکەس درێ یا خوەرا ژ مزگەفت و دێرێ هەیا لالەشێ، ژخوەدێ دخواستن ئەگەر ئەڤ کەسە بخوەشیا خوە گوهارتنا نەکەن، خوەدێ ئیزراهیلی بو فرێکەت دابێن گوهارتن.

ژ کەڤن دگۆتن ئەگەر مروڤ نەخوەش دکەفت دبرن دەف مەلا، قەشا، کوچەکا، لێ دەما ئەو نەخوەش بن دێ کیڤە چن. پرسا من پشتی مزگەفت بوینە ملکێ مەلا خەلکێ مە بەرێ خوە کیڤە بدەت ژبو خوەدێ ئیزراهیلی فرەکەت بوهندەک بەرپرس و مەلێت ئەڤرو؟؟؟؟؟؟؟؟؟؟؟؟؟؟؟؟؟

دوبەی ٢٩/٠٢/٢٠١٢

 

 

‎لدور مالا مه‌

Check Also

نە ناوشێروان دشێت گۆرانکاری یا بکەت و نە دەستهەلاتەک گەندەل دشێت چاکسازی یا بکەت

د. شه‌عبان مزوری ئه‌ڤ وتاره‌ به‌ریا ٨ سالا هاتیه‌ نڤیسین لێ هه‌مان رۆژه‌ڤه‌ بەیان ناما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.