دڤێت نه‌وروز بێته‌ پیروزكرن

نه‌وروز ١

بیستون به‌رواری,  د. شه‌عبان مزوری

ڤان روژا لباشورێ كوردستانێ زۆر گه‌نگه‌شه‌ تێ كرن لسه‌ر هندێ كانێ خه‌لكێ مه‌ ئه‌ڤ ساله‌ ل باشورێ كوردستانێ پیروزبایێن نه‌وروزێ بكه‌ت یان نه‌. لگور تشتێ تێ به‌لاڤ كرن پرانی دبێژن ئه‌ڤ ساله‌ دڤێت چ نیشانێن پیروزباهیا نه‌وروزێ نه‌هێن خوه‌یانی كرن.

ئه‌م دبینم به‌ری ئه‌م چ بریاره‌ك لسه‌ر ڤێ چه‌ندێ بدین پێویسته‌ هه‌ر كه‌سه‌ك ژمه‌ بو خوه‌ هزر و به‌رسڤا ڤێ پرسێ بده‌ت: نه‌وروز چی یه‌ و ب چتێروانینه‌ك ئه‌م پیروز دكه‌ین؟

د به‌رسڤا ڤێ پرسێ دا ئه‌م دێشێین هه‌لویستێ خوه‌ یه‌ك لایێ بكه‌ین. وه‌ك ئه‌م هه‌می دزانین گه‌له‌ك نه‌ته‌وێن هه‌رێمێ ڤێ روژێ پیروزدكه‌ن، وه‌ك فارس، تاجیك، ئوزبێك، قه‌زاك و ل ڤان سالێن دوماهیێ ده‌وله‌تا ئه‌ردوغان ژ قه‌ده‌غه‌كرنێ خوه‌ كره‌ خوه‌دانێ هه‌رێ سه‌ره‌كی یێ نه‌وروزێ.

ژبو فارسا نه‌وروز نه‌ پتره‌ ژ سه‌ر سالێ و هه‌فت سینیا وانژی بۆ ده‌مه‌ك زۆر درێژ ڤه‌ناگه‌ریت. پویته‌ پێدانا فارسا بو نه‌وروزێ وه‌ك سه‌رسالا پتر ژبو پاراستنا تایبه‌ت مه‌ندیا خوه‌ بویه‌ دناڤ ئیسلامێدا له‌وماژی سالناما خوه‌ ناڤێ مشه‌ختیا روژێ لێكرن به‌ره‌ڤاژی عه‌ره‌با كو سالناما خوه‌ ب مشه‌ختیا مانگێ دایه‌ ناسكرن.

لناڤ پرانیا گه‌لێن ئاسیا ناڤین دا وه‌ك توركمه‌نستان، تاجیك، ئوزبێك، ئازه‌ری، قرقیزی و قه‌زاك دو تێروانین هه‌بون، به‌شه‌ك خه‌لكی كو دنێزیكدا مه‌ تێكه‌لی لگه‌ل هه‌بویه‌ هه‌ر ژ ده‌ستپێكا پرێسترویكا ( نوژه‌نكرن ) گورباتشوڤ ل نیڤا دووێ ژ هه‌شتیێن سه‌دسالا ده‌ربازبوی نه‌وروز وه‌ك جه‌ژنه‌ك ئولی ته‌ماشا دكر، دگوتن ئه‌ڤه‌ بیره‌وه‌ریه‌كا موسلمانایه‌، به‌شێ هه‌رێ زورتر دگوت ئه‌ڤه‌ جه‌ژنا به‌هارێ یه‌. سال بو سالێ هه‌لبه‌ت ئه‌ڤ بیرهاتنه‌ پتر بو روژه‌ك گه‌لێری و ب هه‌لوه‌شاندنا ئێكه‌تی یا سوڤیه‌ت نه‌ورز بو روژه‌ك پشودانا فه‌رمی ل وان هه‌می وه‌لاتا.

ده‌وله‌تا تورك ب ده‌هان سالا رێگر بو ل گه‌لێ مه‌ ل باكورێ كوردستانێ، نه‌ دهشت نه‌وروزا خوه‌ پیروز كه‌ن. پشتی خەباتەکه‌ دوویر و درێژ، ده‌ها هه‌زارا قۆربانی، وێرانكرن و چولكرنا ب سه‌دان گوندا گه‌لێ کورد كاری ڤان ١٠ سالیێن دوماهیێ نه‌وروزا خوه‌ بجوشه‌ك مه‌زن پیروزبكه‌ت، لێ ده‌ستهه‌لاتدارێن ئاكه‌پێ ب پێشه‌نگیا نه‌ژادپه‌رستێ ئه‌ردوغان ژبو نه‌وروزێ ژ رامانا تێروانینا كوردی ڤاله‌كه‌ن گوتن نه‌وروز جه‌ژنه‌ك توركی یه ‌!!!!.

ل عیراقێ هه‌رده‌م پێكول هه‌بووینه‌ ژ لای

ێ عه‌ره‌بێن شوفینیست ژبو په‌یداكرنا تشته‌كی جهێ نه‌وروزێ بگره‌. له‌وما روژا نه‌وروزێ كرنه‌ روژا جه‌ژنا دارێ، لوێ روژێ د هه‌می راگه‌هاندنادا ده‌نگ و باسێن چالاكیێن دارچاندنێ زاڵ بوون لسه‌ر نه‌وروزێ. تا راده‌ك مه‌زن خه‌لكه‌كێ مه‌ژی باوه‌ری بڤی تشتی تانی و بێ شه‌رم باسا جه‌ژنا دارێ دكر.

كاربه‌ده‌ستێن ده‌وله‌تا سوریا هه‌ولدانێن زور هه‌بون ژبو په‌یداكرنا ئه‌لترناتیفه‌ك دن ژبو نه‌وروزێ له‌وما درێیا رێكخستنا وه‌لاتێن عه‌ره‌بی را روژا نه‌وروزێ كرنه‌ روژا دایكێ. ئه‌ڤ پلانه‌ براستی دده‌مه‌ك كورت دا سه‌رگرت ل روژئاڤایێ كوردستانێ خه‌لكه‌كێ زور به‌ری باسا نه‌وروزێ كربان باس باسا هندێ بو كانێ دێ ب چشێوه‌ پیروزباهیا ده‌یكێن خوه‌ كه‌ن.

مخابن دڤان چەند سالێن بووری دا لکوردستانێ ژی و بتایبەت لباشور روژا نەوروزێ ببو روژا جەژن و شەهیانا!! روژا خارن و ڤەخارنێ و نیشاندانا زێر و جلکێن بهاگران!! نەوروز ژ رامان شورەشگێریێ و هزرا نەتەوەیی دوور کەتبوو!!

ئه‌ڤ پێشه‌كیه‌ مه‌ بپێویست زانی ژبوكو ئه‌م گرنگیا نه‌وروزێ ددیروکا كوردی ته‌ماشه‌كه‌ین، ئه‌م بزانین بومه‌ نه‌وروز چ واته‌یه‌؟ بوچی و چه‌وا ئه‌م دڤێت نه‌وروزێ بكه‌ین؟

ئه‌م باوه‌ردكین ئه‌گه‌ر نه‌ ئه‌م هه‌می لێ زورینا هه‌را زورا مه‌ نه‌ورزێ وه‌ك سیمبولا به‌رخوه‌دانێ دزانیت، به‌رخوه‌دانا كاوێ ئاسنگه‌ر لهه‌مبه‌ر زوهاكی، به‌رخوه‌دانا لدژی زورداری و بێدادپه‌روه‌ریێ یه‌، دژی كولاتیێ یه‌، دژی سته‌مكاریێ یه‌، دژی گه‌نده‌لیێ یه‌، ژبو وه‌كهه‌ڤیێ یه‌، ژبو ئازادیا تاكه‌ كه‌سی یه‌‌. ئاهەنگێن نەوروزێ پشتەڤانی و بەرزراگرتنا وێ بەرخوەدان و خەباتێ یە ، بیرەوەریا سەرکەفتنا هێزا گەلە، ئاهەنگ گێران نیشاندانا بەردەوامیا وێ هزر و وی بیرو باوەریێ یە ، بەردەوامیا ئازادیخازیێ یە .

ئەڤرو گەلێ مە لسەر پیایە لدژی داگیرکەرو هێزێن رەش و تاری، گەلێ مە دخەباتەکا سەخت و دژواردایە ژبو ئازادیا نەتەوەیی و رزگارکرنا خاکا خوەیا پیروز..پێشمەرگە وگەریلا و شەرڤانێن قارەمان ملێن خوەداینە هەڤ و پاراستنێ ژ خاکا پیروزا کوردستانێ دکەن.. شەهیدێن مەیێن نەمر خاکا کوردستانێ بخوینا خوە ئاڤداینە..کەچ و کورێن کوردا لهەردەرەکێ ئالایێ تێکوشینێ هەلدایە..

نه‌وروز ٣

ئەم دبینین ڤێ خەبات و تێکوشینێ پێتڤی بپشتەڤانیا جەماوەری هەیە ، ژبو دەربرینا پشتەڤانیێ ژی روژا نەوروزێ باشترین دەرفەتە جەماوەرێ خوەراگرێ باشور لروژا نەوروزێ بهەمی تەخ و رەفێن خوەڤە دەرکەڤن کولانان و بخوەپێشاندانان و ئاهەنگێن شورشگێری بدەنگێ بلند پشتەڤانیا خەباتا ئازادیێ و بەرخوەدانا رزگاریێ بکەن ..قارەمانیا پێشمەرگە و گەریلا و شەرڤانان بلند راگرن و شەهیدێن رێکا رزگاریا گەل و وەلاتی بیننە بیرا هەمیا..داخازا یەکگرتنێ و یەکرێزیێ بکەن..روژا نەوروزێ وەک رامانا وێ بکەن روژەکا نوی بوونێ :لدژێ گەندەلیێ راوەستن و داخازا چاکسازیێ بکەن. داخازا پیروزی و مافێن خەباتکاران و شەهیدێن نەمر بکەن.

 

‎لدور مالا مه‌

Check Also

بلفور و تیلرسون – جوهی و كورد

د. شه‌عبان مزوری ئه‌ڤرو ١٠٠ سال ده‌رباس دبن لسه‌ر ناما ریتشارد ئه‌رتور بلفور نڤیسی بو …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.