هه‌رێ کانێ ڕه‌ۆشه‌نبير و روناکبيرێن ده‌ڤه‌را به‌هدينان؟

piroSB

نزار پیرو

گه‌له‌ک جارا دناڤ گه‌نگه‌شه‌ و جڤاتاندا ئاخفتنه‌ک هه‌يه‌ دهێت گوتن، ئه‌وژى

ڕه‌ۆشه‌نبير و روناکبيرێن ده‌ڤه‌را به‌هدينان يێن برياين. گه‌لو ئه‌ڤ گوتنه‌ چه‌ند راسته و گه‌ر ئه‌و چه‌ند دوربيت ژ راستيێ هه‌رێ کانێ‌ رۆشه‌نبير و روناکبيرێن ده‌ڤه‌را به‌هدينان، کانێ به‌رهه‌مێن وان، کانێ‌ سمينار و کورێن وان يێن هزرى و بابه‌تێن وان يێن گرێداى بگهۆرينێن ڕۆژێڤه‌ و بگهۆرينێن چێبوين لکوردسه‌تانێ بشتى هه‌لبژارتنێن ديماهيێ يێن به‌رله‌مانى، هه‌روه‌سا گهورينێن ده‌ڤه‌را رۆژهه‌لاتا ناڤه‌راست، ڤێ ديماهييێ.

لپێشييێ فه‌ره‌ ئه‌م پێناسا ره‌وشه‌نبير و روناکبيرى بکه‌ين، ڕه‌وشه‌نبير ئه‌و که‌سه‌ ئه‌وێ هزره‌کا ڤه‌کرى و ڕه‌وشه‌ن هه‌ى و گوهێن وى و وژدانا وى دڤه‌کرينه‌ بو هه‌ر ده‌نگ و ره‌نگه‌کى و ئه‌و چه‌ند دبيته‌ که‌رستێ وى دگه‌نگه‌شاو دان و ستاندنا و بيرو بوچونادا،‌ ‌ بکار ئينانان و مه‌فا لێوه‌رگرتن ل وان زانينان و ل وى که‌رسته و ( ئينفورماشونان) دهێته‌ گهۆرين بگهۆرينا مرۆڤان و ئاستێ وان يێ هزرى و يێ ئه‌خلاقى.

روناکبير ئه‌و مڕۆڤێ رۆشه‌نبيره‌ ئه‌وێ لديڤ راستيا دگه‌ريێت، لدويڤ جوانيێ دگه‌ريێت، جوانيا ژيانێ و مرۆڤان و جوانيا جڤاکى، هه‌روه‌سا رويێ کرێتێ وانژى دياردکه‌ت و هه‌ڤسه‌نگييه‌کێ په‌يدا دکه‌ت لناڤبه‌را کرێت و جانيێ دا، باشى و خرابيێ دا، راستيێ ( حه‌قيقه‌تى) و خه‌يال و ئه‌فسانێدا، روناکبير وێ هه‌ڤسه‌نگيێ په‌يدادکه‌ت ژبو راستکرنێ، ژبو جوانکرنا کرێتييان، باشکرنا خرابيان، بحه‌قيقه‌تکرن و راستڤه‌کرنا نه‌راستيان.

روشه‌نبير و روناکبير، ده‌نگ و په‌يام و زانينێن خۆ برێيا کۆر و سمينار و گوتار و چيروک و رومان و هۆزانانرا دگه‌هينن به‌رامبه‌ر‌.

ئه‌ڤا ئه‌م دبينين نها لده‌ڤه‌را به‌هدينان و ئاستێ روشه‌نبيريێ و روناکبيريێ و به‌رهه‌مێ ره‌وشه‌نبيران و روناکبيران، گه‌ر هه‌بون بو هه‌بيت، هه‌مى ل هه‌ڤدو دچن وه‌کو هه‌ڤ بيردکه‌ن.

وه‌کو ئاشکرايه‌ لده‌ڤه‌را به‌هدينان، ئه‌و هێزا سياسى يا ده‌ستهه‌ڵاتدار و ده‌ڤه‌رێ برێڤه‌دبه‌ت پارتى ديموکراتى کوردستانه‌، گوپالێ وێ يی لسه‌ر ستۆيێ خه‌لکێ ده‌ڤه‌رێ و دام و ده‌زگه‌هێن حکومه‌تێ و سه‌نديکايێن ره‌وشه‌نبيرى و نڤيسکاران، دمێژويا پارتى ديموکراتى کوردستاندا پارتێ نه‌شيايه‌ پرێن لهه‌ڤدو تێگه‌هشتنێ چێکه‌ت دناڤبه‌را خۆ ئو ره‌وشه‌نبيران، هه‌رده‌م ره‌وشه‌نبير و روناکبير جهێ سه‌رئێشا پارتى بوينه‌، لبه‌رى هه‌لبژارتنێن ديماهيێ يێن به‌رله‌مانێ کوردستانێ دچاڤبێکه‌تنه‌کا کوردستان تيڤى، سکرتێرى مه‌کته‌با سياسي يێ پارتى ئه‌ڤ چه‌نده‌ راستڤه‌کر و گوت هه‌رده‌م مرۆڤێن روشه‌نبير جهێ سه‌رئێشێ بوينه بۆ مه‌ و چ جارا‌ خه‌لکێ ساده‌ لپێشيامه‌ نه‌ راوه‌ستيايه‌ و هه‌رده‌م يێ رازيبويه‌. ‌

رۆشه‌نبيرى و روناکبيرى لده‌ڤه‌را به‌هدينان لده‌سپێکا راپه‌رينێ و هه‌تا هه‌لبژارتنێن ئێکى يێن به‌رله‌مانێ کوردستانێ، لهه‌مو ده‌ڤه‌رێن دى يێن کوردستانێ گه‌شتر و کاراتر بو، ئه‌ڤ تشتێ نها دهێت گوتن لرۆژنامێن ئازادا و لسيمينار و کورێن روشه‌نبير و روناکبيرێن ده‌ڤه‌رێن دى و باژێرێن ديێن کوردستانێ سه‌باره‌ت ديموکراسييێ و يه‌کسانيێ و دادپه‌روه‌ريێ و ديارکرنا دياردێت کرێت وه‌کو گه‌نده‌لييێ و هه‌لپه‌رستيێ، وى ده‌مى لچه‌ندين به‌لاڤوک و رۆژناما، برۆژانه‌ و هه‌فتيانه‌ لباژێرێ دهۆکێ و لباژێرکێن ديێن ده‌ڤه‌را به‌هدينان دهاتن به‌ڵاڤکرن. جهێ داخێيه‌ ئاستێ رۆشنبيرى و روناکبيريێ لدهوکێ و ده‌ڤه‌را به‌هدينان پشتى بيست سالان بگه‌هيت ڤى ئاستێ نها. دنکا گه‌نمى ئاڤس نابيت و بزاڤا ژيانێ ناکه‌ت دناڤ زه‌ڤيه‌کا هشکدا بێى باران و دناڤ زه‌ڤيه‌کا پرى به‌ر و سترى و په‌ژان، بارانا زێده‌‌ و زه‌ڤيا ئاڤ لێ زێژى دنکا گه‌نمى درزينيت، به‌رى ئاڤسبونێ.

ئه‌ڤا هه‌ى لده‌ڤه‌را به‌هدينان، ئه‌ز بره‌وشه‌نبيرى و روناکبيرى ناسه‌نگينم ژبه‌رکو هنه‌ک ره‌وشه‌نبيڕ و روناکبيرێن ده‌ڤه‌را به‌هدينان لجهێ لديڤ راستيا و جوانيێ بگه‌رن، لجهێ ره‌خنا بگرن وچاره‌سه‌ريا ديارکه‌ن، يێن بوينه‌ بوياخکه‌ر و کرێتيا دڤه‌شێرن و پنيدوزيێ دکه‌ن.

بو من جهێ داخێيه‌ هۆزانڤانه‌کێ کورد به‌رى نها بده‌هان هه‌لبه‌ست ببه‌رخودان و ئازاديا تاکێ کورد ڤه‌هاندبن، بکه‌زى و گه‌رده‌ن و جوانى و زيره‌کى و به‌رخودانيا کچه‌کا کورد، يان ده‌يکه‌کا کورد ڤه‌هاندبن، مخابن دهه‌لبه‌سته‌کێدا ڤێ ديماهيێ شه‌يدايێ په‌رچه‌ما کچه‌کا شه‌ڤێيه‌ لمه‌يخانه‌کێ لبولگاريا.

بو من جهێ داخێيه‌ ده‌مێ سه‌رنڤيسه‌رێ رۆژنامه‌کا رۆژانه‌ و رێڤه‌به‌رێ ده‌زگه‌هه‌کێ

راگه‌هاندنێ لدهوکێ خوديێ برياراخو نه‌بن ژبو سازدانا چاڤبێکه‌تنه‌کێ دگه‌ل که‌ناله‌کێ کوردى لئه‌وروپا ده‌ما هنه‌ک هه‌ڤالان ئه‌و درفه‌ت ئيناى و ئه‌گه‌رێ نه‌رازيبونا وان بتنێ، بێ ئيراده‌ييا وان بو.

ئه‌ڤ سه‌روبه‌ره‌ نها روشه‌نبيرى و روناکبيرى تێدا لده‌ڤه‌را به‌هدينا، بو من جهی داخێيه… ‌

بو من و بو ده‌ڤرا من، جهێ سه‌رفه‌رازيێ بو، گه‌ر مه‌ژى، به‌ختيار عه‌ليه‌ک هه‌با.

 

 

‎لدور مالا مه‌

Check Also

10: PIECES OF WISDOM FROM CUNFUCIUC ١٠ رستێن دێرین ژ فه‌لسه‌فا كونفویسمێ

  1- IT DOESNOT MATTER HOW SLOW YUO GO AS ALONG AS YOU NOT STOP. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.