گه‌نده‌لی = وێرانكرن

redwan

ردوان گولی سوید
گومان تێدا نینه‌ كو گه‌نده‌لی ب هه‌می ره‌نگ و تایێت خوه‌ڤه‌ ئه‌ڤروكه‌ بوویه‌ كێشه‌یه‌كا مه‌زن و كونگره‌ و كونفرانس لسه‌ر دهێنه‌ به‌ستن دناڤه‌ندێت هه‌رێمێدا و نه‌هێلانا گه‌نده‌لیێ بوویه‌ دوریشمێ گه‌له‌ك پارت و لایه‌نان د بروپاكندێت هه‌لبژارتناندا . ب راستی ده‌رده‌كێ كوژه‌ك و وێران كه‌ره‌ . به‌لێ ئێشه‌كا جیهانی یه‌ و جیاوازی درێژێدانه‌ دناڤبه‌را ده‌وله‌تاندا . ئه‌ڤ ڤایروسه‌ یێ ب مه‌ترسی یه‌ چونكه‌ دبیت ئه‌گه‌ر و هوكارێ هه‌رفاندنا جڤاك و ملله‌تان و ژده‌ست دانا ده‌ستكه‌فتیێت مه‌زن و هه‌روه‌سا شارستانییه‌تێ دگهوریت و دكه‌ته‌ كیڤك و كرم و مشك و جورد تێدا مه‌زن و مشه‌ دبن و بێهنا مراری ژێ دفریت .
ئه‌ڤ رێكخراوێت دڤی بیاڤی دا كاردكه‌ن وه‌لاتێت وه‌كی عیراقێ و سودانێ لسه‌رێ لیستێ داناینه‌ . ئه‌گه‌ر پتر دناڤ ڤی بابه‌تی بچین و ره‌نگ و جور و ئه‌گه‌ر و ئه‌نجام و رێكێت كنترولكرنا ڤێ ئێشێ بكه‌ین و شروڤه‌ بكه‌ین دێ باشتر بابه‌ت رون و ئاشكرا بیت .
جورێن گه‌نده‌لیا كارگێری دناڤ دام و ده‌زگه‌هێت میریدا ئه‌م دشێن ده‌ست نیشان بكه‌ین بڤی رنگێ خارێ .
1- دزیكرن و شه‌لاندنا ده‌زگه‌هێت گشتی یێت خه‌لك هه‌می تێدا خودان به‌هرو به‌رژه‌وه‌ندی .
2- نه‌بونا رونكرنێ لسه‌ر مه‌زاختێن گشتی .
3- هه‌بونا سیاسه‌ت مه‌دارێت بازرگان دناڤ ده‌ست هه‌لاتێدا .
4- بكار هینانا ده‌ست هه‌لاتێ ژبو به‌رژه‌وه‌ندیێت كه‌سوكی .
5- به‌لاڤبونا ڤیتامێن واو ( واسگه‌ ) و مه‌حسوبیه‌ت .
6- مایتێكرنا پارتا ده‌ست هه‌لاتدار دناڤ ناڤه‌ندێت خاندنێ دا .
7- قه‌بولكرن و دامه‌زراند لسه‌ر بنیاتێ حزباتیا به‌رته‌نگ .
8- وه‌رگرتنا باوه‌رنامێت بلند برێكێ نه‌ ره‌وا وه‌كی كرین .
9- بازرگانیا كه‌ره‌ستێت بێ هه‌شكه‌ر دناڤ خه‌لكێدا .
10- به‌رتیل و مروڤ كانێ و ئینتیمائا حزبی .
11- ڤه‌گوهاستنا فه‌رمانبه‌ران لدویڤ حه‌ز و ڤیانێت حزبا ده‌ست هه‌لاتدار .
ئه‌گه‌رێت گه‌نده‌لیێ
1- دانانا كه‌سێن نه‌ هه‌ژی ل جهێن هه‌ژی و به‌روڤاژی
2- نه‌بونا یه‌كسانیا كومه‌لایه‌تی و جڤاكی و ده‌ست هه‌لاتا باش
3- هه‌بونا كه‌سێت گه‌نده‌ل دناڤ دام و ده‌زگه‌هێت میریدا
4- به‌رده‌وام بونا خودانێت پوستان ل جهێت وان بو ماوه‌كێ درێژ
5- نه‌بونا نیازه‌كا دژوار ژلایێ حكومه‌تێ ڤه‌ هه‌مبه‌ری كه‌سێت گه‌نده‌ل
6- تێكه‌لكرنا ده‌زگه‌هێت میری لگه‌ل یێت حزبی
7- هه‌بونا ره‌وشه‌نبیریا گه‌نده‌لیێ و چاڤلێكرنێ دناڤ خه‌لكیدا
8- نه‌بونا سانسوره‌كا ب هێز دناڤ دام و ده‌زگه‌هێت میریدا
9- نه‌ ترسان ژ خودێ و روژا دوماهیكێ و دوزه‌خێ
10- نه‌ تێگه‌هشتنا دروست بو وه‌لات په‌روه‌ری و پارێزیێ
ئه‌نجامێت گه‌نده‌لیێ
1- په‌یدابونا خیانه‌ت و دزیێت گشتی لسه‌ر دام و ده‌زگه‌هان
2- به‌لاڤ بونا بێ ره‌وشتیێ و هه‌رفاندنا تیتال و بنه‌ره‌تێن باش
3- زێده‌بونا هه‌ژاریێ و تاوانان دناڤ جڤاكی دا
4- نه‌مانا باوه‌ریێ ب سیسته‌مێ سیاسی و حكومه‌تێ
5- به‌لاڤ بونا كه‌ره‌ستێت بێ هوشكه‌ر و كوژه‌ك
6- په‌یدابونا قه‌یرانێت ئابوری دله‌شێ ده‌وله‌تێدا
7- گه‌نده‌لی دبیته‌ ئاسته‌نگ درێكا وه‌راریێ دا
8- ژێكڤه‌بینا جڤاكی و كومه‌لایه‌تی و تویژه‌ی په‌یدا دبیت
9- دیاردا نه‌ پێگیری كرنا ب یاسایێ ددام و ده‌زگه‌هێت میریدا
رێكێت كونترولكرنێ
1- دانان كه‌سێت هه‌ژی لجهێن هه‌ژی
2- زێده‌كرنا موچێن فه‌رمانبه‌ران
3- هه‌بونا روژنامه‌گه‌ریا ئازاد و سه‌ر به‌ خوه‌
4- گرنگیدان ب لایه‌نێ روحی ( گیانی ) كو مروڤ دڤێت ژ خودێ بترسیت
5- بكارئینانا یاسا سزادانێ لسه‌ر وان یێن سه‌ر پێچیا دكه‌ن
6- ده‌رئێخستنا یاسایێت دژوار ژلایێ حكومه‌تێ ڤه‌
7- وه‌كهه‌ڤیكرنا خه‌لكی هه‌میێ به‌رامبه‌ر یاسای

8- ژێک جوداکرنا هه‌ر سێ ده‌ست هه‌لاتان [ قه‌زائی،ته‌شریعی، ته‌نفیزی] 9-په‌یره‌وکرنا پره‌نسیپێ سزادانێ .
10- په‌یره‌وکرنا پره‌نسیپا ته‌ ئه‌ڤه‌ ژ کیڤه‌ ئینایه‌.
ئه‌ڤ گوتنه‌ یا عومه‌رێ کورێ عبدالعزیزی یه‌ خودێ ژێ رازیبت . ده‌مێ هه‌ر به‌رپرسه‌کێ وی تشته‌کێ زێده‌ بو هاتبا ئێکسه‌ر دا بێژیتێ ته‌ ئه‌ڤه‌ ژ کیڤه‌ ئینایه‌ ؟؟. ب هزرا من ئه‌گه‌ر ئه‌ڤه‌ بتنێ بهێته‌ په‌یره‌وکرن دێ ڤێ ئاریشێ جاره‌سه‌ر که‌ت .

‎لدور مالا مه‌

Check Also

چارەسەریا دیاردا گەندەلیێ چەند پێشنیارەک بۆ حکومەتا هەرێما کوردستانێ

محمود محمد امین باشقالی* گەندەلى دیاردەیەکا رێژەیە دناڤا هەمى حکومەتێن هەمى وەلاتێن جیهاێ دا یا …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.