بلا ئەم ڤێ دەلیڤێ ژی ژدەست نەدەین

File0031

د. شه‌عبان مزوری

دوهی بڤەکێشانا ئەمریکا بو سەربازێن خوەیێن دوماهیکێ ژ عیراقێ، ئاریشێن ناڤبەرا سوننی و شیعا کەفتنە ئالۆزیەک بلند. تومەتبارکرنا کەسێن هەرێن بەرچاڤێن سوننی ب تروریزمێ و دەرکرنا فەرمانا دەسگیرکرنا وان دێ شێلو بێلەکا مەزن ئێختە گۆرەپانا عیراقێ کو ب باوەریا من دێ بیتە پێنگاڤا ئێکێ بەرەف هەلوەشاندنا عیراقێ. بو من نەگەلەک گرنگە، رەوش ل بەغدا پر بەرەف ئالۆزی دچە ژ ئالیەکی ناڤبەرا سوننا و شیعا ژ ئالیەکێ دنڤە دناڤا باسکێن جودایێن ڤان پێکهاتی یا دا

پرس ئەوە ئەم وەک کورد چەوا باشە هەلس و کەفتێ بکەین د رەوشەک هوساندا. بباوەریا من ئەڤە دەلیڤەک زێرینە کورد بکاربینن ژبو پترین داخوازێن خوە بهەردو لایان بدەنە قەبول کرن. ڤەشارتی نینە ژ کەسەکی کو سەرکردێن سوننا یێن هاتین کوردستانێ ژ طارق هاشمی هەیا صالح موطلک خوەدانێن هەلویستێن هەرێن شوفینی بوینە بەرامبەر کوردان لەوما پێویستە سەرکردێن کورد شاشیێن سالێن بوری دوبارە نەکەن و ب هشیاری هەلسەنگاندنەکێ بو ڤێ رەوشێ بکەن

Kurdistan

یەک ژ ئەگەرێن من ئەڤ نڤیسینە کری هەلویستێ سەروکێ هەرێمێ یە، ژ میدیا من خواندی هاتیە کو سەروکێ هەرێمێ بانگا یان ژی داخوازا جڤینەکا بلەز لسەر ئاستێ هێزێن سەرەکیێن عیراقێ ژ بو دان و ستاندنا لسەر ڤێ کریسا عیراق تێدا دەرباس دبیت. بدیتنا من سەروکی هەرێمێ ل گەل هەمی سیاسەتمەدارێن باشورێ کوردستانێ دڤێت بێ خەمی نیشان دابا و لەز نەکەن ژبو نێزیک کرنا ڤان ئالیا، ژ ئالیەکێ دن کورد دڤێن دڤێ دەلیڤێ دە لسەر هەمی ئاستەکی پرسێن هەلاویستی دناڤبەرا مە و ڤان هێزادا بیننە روژەڤێ و وەسا نیشان بدەن کو بێی چارەسەرکرنا هەمی پرسێن هەلاویستی کورد ئامادە نینن ژبو عەرەبێن عیراقێ یەک ژوەختێ خوە تەرخان بکەن

ئەڤرو خوەش دەلیڤەیە کورد پرسا کونفێدرالیا کورد-سوننە-شیعە وەک تەنها چارەسەری بو عیراقەکا یەک گرتی بێتە پێشنیارکرن ئەگەر نە دڤێت ئەلتەرناتیڤ عیراقا ئەڤرو ببیتە سێ وەلاتێن سەربخوە. ژ دەرڤەی ڤێ کورد جارەک دن دێ بنە قۆربان بو رازیکرنا سوننا و شیعا وەکی ڤان هەشت سالێن دەرباسبوی و جارەک دن سەرکردێن مە دێ بێژن مە عیراق ئاڤاکر و عەرەبا حیلە لمەکر

تشتەک دن کو بباوەریا من گرنگە ئەوژی کێمکرنا هەڤرکیێ یە ل ناڤبەرا هێزێن کوردستانی دا، ئەم هەمی دزانین رویدانێن دهوک و زاخو جارەک دن بێ باوەریەک و دژاتیەک خستە ناڤ هێزێن کوردستانی دا و ب رەنگەک تایبەتی پارتا سەروکێ هەرێمێ و یەکگرتویا ئیسلامی، ژبو ئاسایاکرنا ڤێ رەوشێ بدیتنا من دڤێت سەروکێ هەرێمێ بزوترین دەم سەرەدانا پولیتبیرویا یەکگرتوی ئیسلامی بکەت ژبو ڤەمراندنا ڤی ئاگری. ئەڤ داخوازم من دڤێت نە بهێتە وەرگرتن وەک چارەسەریەک سیاسی ژبو رویدانێن دهوک و زاخو، بەلکو مەبەستا من تەنها ئەو دژورایا چێبوی دناڤبەرا پارتا سەروکێ هەرێمێ و یەکگرتوی ئیسلامی، ئەوا گرێدای رویدانا وەک ئالیێ تاوانێ بێگومان دڤێت ل دویف چون بێتە کرن و کەسێن بەرپرس ژ ڤی کاری بێنە دادگەه کرن

ئه‌ڤ نڤیسینه‌ هاتیه‌ به‌لاڤكر ده‌ما ئه‌مریكا ژ عیراقێ ڤه‌كێشیای

‎لدور مالا مه‌

Check Also

ژ یه‌ك داگیركه‌ر بون سێ و هه‌ربژی سه‌روك

د. شه‌عبان مزوری ستوكهۆلم له‌شكه‌ركێشیا ده‌وله‌تا داگیركه‌را تورك بو ناڤ هینده‌ك ده‌ڤه‌رێن دن ژ باشورێ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.