File0076

راپه‌رین یان راپه‌راندن!

د.شه‌عبان مزوری

هه‌می ساله‌كێ ڤان روژان خه‌لكێ مه‌ مژولێ سال ڤه‌گه‌را راپه‌رینێ یه‌ كو ئه‌وژی بێ گرفتاری ده‌رباس نابیت، هنده‌ك دبێژن عه‌مێ گوزێ رولێ سه‌ره‌كی هه‌بویه‌ و هنده‌ك دبێژن روسته‌مێ زاله‌، به‌شه‌ك دبێژیت رولێ سه‌ره‌كی یێ خانێ له‌پزێرینه‌، جامێرژی په‌یدابوینه‌ دبێژن ته‌یرێن ئه‌بابیل بون. هنده‌ك دبێژن ل رانیا ده‌ست پێكرن، یێن دنژی دبێژن ئه‌م راپه‌ری ژ دایك بوینه‌. یا گرنگ ئه‌م دزانین كو هه‌می نه‌ راسته‌، ئه‌م هاتینه‌ راپه‌راندن نه‌كو مه‌ راپه‌رین كریه‌.

ئه‌گه‌ر مه‌ عه‌مێ گوزێ، روسته‌مێ زال و خانێ له‌پزێرین هه‌بانه‌ چه‌وا به‌ری هنگی ب سێ سالا حه‌له‌بچه‌ هاته‌ كیمیا باران كرن بێی به‌رپرسه‌ك  ڤان ناڤ دێرا دناڤ شه‌هیدادابیت، پرانیا وه‌لاتێ مه‌ ل باشور هاته‌ ئه‌نفال كرن نه‌ ته‌یرێن ئه‌بابیل نه‌هاتن به‌لكو ته‌یر و ته‌لاوالێن مه‌ مشه‌ختكرن، كه‌له‌خێن زاروكێن بونه‌ قویتێ گورگا، كه‌چێن مه‌ ل بازارێن داگیركه‌رێن عه‌ره‌با هاتن كرین و فروتن، خه‌لكێ مه‌ ل كه‌مپێن توركا هاتن ژه‌هر دان، ل ئیرانێ بونه‌ سێڤ چن.

گومان نینه‌ بسالا گه‌لێ مه‌ چاڤه‌رێ ده‌رفه‌ته‌كێ یه‌ بو ژ ده‌ستێ داگیركه‌رێن وه‌لاتێ مه‌ رزگاربیت ل هه‌می پارچێن كوردستانێ. داگیركرنا سه‌ددام بو كوێت و په‌یدا بونا به‌ره‌كێ مه‌زن ب سه‌روكاتی یا ئه‌مریكا ئومێده‌ك مه‌زن دا گه‌لێ مه‌ ل باشورێ وه‌لات كو رزگاربون نێزیك بویه‌، پروپانگدا هه‌ڤپه‌یمانێن دژی سه‌ددام و بانگه‌وازا وان بۆ خه‌لكێ عیراقێ ژبو سه‌رهه‌لدانه‌ك

سه‌رتاسه‌ری، هیڤیا سه‌ركه‌فتنێ ل جه‌م خه‌لكێ مه‌ بهێزتر كر.

ئه‌گه‌ر مه‌ عه‌مێ، روسته‌م و خانێ هه‌بانه‌ چه‌وا دا ب چه‌ند مه‌ها ژێرخانا باشوری هه‌می ئێته‌ به‌رێڤه‌ كرن بو ئیرانێ، شوینا ئاڤاكرنێ تێل و ستونێن كاره‌بێژی ئێنه‌ فروتن، نه‌خوشخانه‌ ژهه‌می ئامیرا ئێنه‌ ڤالا كرن، زه‌ڤی و ئاڤاهیێن میری ل سه‌ر ناڤێ چه‌ند پارت و كه‌سا ئێنه‌ تاپو كرن، زیندان ده‌هجارا به‌رابه‌ربن، پۆلیس و ئاسایش ته‌نها به‌رهه‌مه‌ لمه‌ هاتیه‌ زێده‌كرن، ئه‌نفالچی و ده‌ست بخوین ل روژبونا عه‌مێ، روسته‌م و خانێ سه‌رێ سه‌رچه‌مكیێ بكێشن، سه‌ركێ زاڤای بو كورێن وان بێژن و لسه‌ر گورێ بابێ وان روندكا برێژن، لگه‌ل ده‌یكا عوده‌ی قه‌چاغچیا نه‌فتێ بكه‌ن و هیڤیا مه‌ بن پێ بكه‌ن و یا ژ هه‌میێ وێرانتر ئه‌م كرینه‌‌ دو پارچه‌ و بچه‌كێ داگیركه‌را ئه‌ڤ خوینا مای ژی ژ گه‌نجێ مه‌ بده‌ستێ مه‌ بێته‌ رێتن، نه‌ سۆران مان ،نه‌ باهدینی، نه‌ یارسان ، نه‌ یه‌زیدی، نه‌ شه‌به‌ك، نه‌ فه‌یلی، نه‌ هه‌وره‌مان هه‌می بونه‌ قۆربان، سه‌رێ مه‌ دانان سه‌ر مێزا هومویێن ئه‌نقه‌ره‌، شام، به‌غدا یانژی ته‌هران.كار و كه‌سپێ عه‌مێ و روسته‌م ته‌نها دبێژن داگیركه‌رێن وه‌لاتی چ خزمه‌ته‌ك دی دكارم بكه‌م قوربان، خانێ له‌پزێرین ژی جار یێ سله‌ و زیزه‌، جار یێ ل خه‌لوێ و پرانیا جارا ژی یێ چاڤشوره‌.

خه‌لكێ مه‌ ئومێد هه‌بو ب ئازادیێ نه‌دزانی ژ كوچكی دێ كه‌ڤیته‌ دته‌نورێ دا و لجهێ سه‌ددامه‌كی دێ دو په‌یدابن و لجهێ علی كیمیایه‌كی دێ كۆمه‌ك عه‌لیك و عه‌لوكا په‌یدابن، نه‌ك رێبازا سه‌ددام دێ ژبن به‌، به‌لكو تازه‌ دێ بناڤێ نه‌ته‌وێ ئه‌ڤا ماییی ژی دێ ژناڤ بن. ئه‌ڤ پارچا هه‌یژی دێ كه‌نه‌ دو و سێ، ئه‌گه‌ر به‌رێ ده‌بابه‌ خه‌لكێ تانین سه‌ر وه‌لاتێ مه‌ ڤێ جارێ ئه‌م بخوه‌ دێ گازی كه‌ین و خه‌لات كه‌ین و مال ئاڤاهی و ده‌ست خوه‌شیێ لوان كه‌ین، بو خه‌لكێ مه‌ جار جارا ژی دێ چیروكا به‌رانێ ئاڤس بو كه‌ن یانژی هێكا دیكلێ ده‌وله‌تا كوردی.

‎لدور مالا مه‌

Check Also

File0175

كوبانێ ددوه‌مین سالڤه‌گه‌را ڤه‌ژیاندنا نه‌ته‌وا كورد

د. شه‌عبان مزوری ٢٦\٠١\٢٠١٧ هه‌رێما كوبانێ ژ دوماهیا هاڤینا ٢٠١٤ هه‌یا ناڤه‌راستا زڤستانا ٢٠١٥ بو …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.