یه‌ك ده‌نگ و یه‌ك ده‌نگی

د.شه‌عبان مزوری
من ژمێژ ده‌ دخواست ل سه‌ر ڤی بابه‌تی دیتنا خوه‌ بنڤیسم، ئه‌ز دبینم ته‌ڤلهه‌ڤیه‌ك هه‌یه‌ د بكارئانینا ڤان وشا هه‌روه‌سا مه‌ره‌مێن ڤه‌شارتی هه‌نه‌ لپشت بكارئانینا ڤان وشا. من پێزانینێن سه‌لماندی نینن لێ بباوه‌ریا من ئه‌ ڤ په‌یڤه‌ دبیت مروڤاتیێ به‌ری فێری نڤیسینێ ببیت بكار ئینابیت‌. به‌ری نڤیسین ده‌ركه‌ڤه‌ بێگومان هه‌می په‌یام بو یار و نه‌یارا ده‌ڤكی بوینه‌.
یه‌ك ده‌نگ وه‌ك په‌یاما تاكه‌ كه‌سی دڤێت هه‌رده‌م پیروز بێت وه‌رگرتن لێ دكارێن هه‌ڤپشك دا پێویسته‌ ده‌نگه‌ك ژ گه‌له‌ك ده‌نگا بێت دروست كرن، مه‌ره‌م بیه‌ك ده‌نگیه‌ك ته‌ندروست ئه‌و ده‌نگه‌ یێ بكاریت هه‌می ده‌نگا دناڤ خوه‌دا بگریت. ئه‌ز یه‌ك ده‌نگیێ وه‌ك میلودیه‌ك موسیقی دبینم. ئه‌ركێسته‌ره‌ك موسیقی كۆمه‌ك خه‌لكێن جودا ب ئێسترومێنتێن جودا ئاوازه‌ك دروست دكه‌ن كو هه‌م ئه‌و بخوه‌ پێ شاد بن و هه‌م گوهدارێن وان.
هه‌ر جڤاكه‌ك ژی بدیتنا من ئه‌ركێسته‌ره‌كێ خوه‌ هه‌یه‌، هه‌ر موسیق ژه‌نه‌ك لگه‌ل ئامیرێ خوه‌یێ موسیقێ وه‌ك پارته‌كه‌ یان رێكخستنه‌ك خودی دیتنه‌كه‌، ئامیره‌تێ خوه‌ بچاكترین ئامیره‌ت دبینه‌‌ وه‌ك چه‌وا هه‌ر رێكخستنه‌ك ئه‌یدولوژیه‌تا خوه‌ ژ ئه‌یدولوژیه‌تێن دن پیروزتر و بكێرهاتی تر دبینیت. ئه‌ڤه‌ كاره‌ك ئاساییه‌. یا گرنگ ئه‌وه‌ ئه‌م بزانین كو میلودیه‌ك ب یه‌ك ئامیره‌ت نابیت. دریژور نشتیمانه‌ و موسیق ژه‌ن بئامیره‌تێن خوه‌ڤه‌ پارت و رێكخستنن، وه‌ك میلودیه‌ك موسیقی ئه‌گه‌ر لگور دریژوری كاركه‌ن دێ میلودیه‌ك جوان پێشكێشكه‌ن كو جهێ رێزا خه‌لكێ وان بیت پێشی بیانیا. لێ به‌ره‌ڤاژی هندێ ئه‌گه‌ر هه‌ر كه‌س بسه‌رێ خوه‌ ل ئامیره‌تێ خوه‌ده‌، وێ ده‌مێ دێ بنه‌ گه‌له‌ك ده‌نگێن بێ ده‌نگ. هه‌ر میلودیه‌كێ ده‌نگه‌ك و ره‌نگه‌ك هه‌یه‌ كو ژمیلودیێن دن جودا دكه‌، هه‌روه‌سا هه‌ر وه‌لات و نه‌ته‌وه‌ك ره‌نگه‌ك و ده‌نگه‌ك هه‌یه‌ ئه‌گه‌ر رێكخستنێن وی بو نیشتمانێ خوه‌ گوهدار ‌بن، ئه‌گه‌ر نه‌ وه‌ك مه‌ كوردا هه‌ر كه‌س د نهاله‌كێ دا ئاوازه‌كی بخوینه‌ دێ هه‌رده‌م بێ ره‌نگ و ده‌نگ مینیت.
تشته‌ك سروشتیه‌ كو هنده‌ك جاران هنده‌ك ده‌نگ بلند بن، به‌لكو خوه‌شه‌ هنده‌ك جاران ته‌نها ده‌نگه‌ك بێت گوهێ مروڤی، لێ نابیت بو ده‌مه‌ك درێژبیت. چونكه‌ وه‌ك ئه‌ركێسته‌ری دبینی بو ماوه‌كێ كورت ته‌نها یه‌ك كه‌س ئامیره‌تێ خوه‌ لێدخه‌ و یێن دن بگرنژین گوهداری دكه‌ن، پشتی بدوماهی تێ هه‌می گوهدار كو هه‌ركه‌سه‌ك حه‌ژێكه‌رێ ئامیره‌كێ موسیقێ یه‌ ده‌ستا بو لێدخن. ئه‌ڤ نمونه‌ بو جڤاكێژی ده‌رباس دبه‌. ل هه‌لبژارتنا دڤێت لایه‌نه‌ك یان هنده‌ك لایه‌ن سه‌ركه‌ڤن یان شكه‌ستێ بینن، له‌وما ئه‌وێن سه‌ركه‌فتی دێ ده‌نگێ وان بلندتربیت و هنده‌ك ده‌ما ته‌نها دێ ده‌نگا وان هه‌بیت. لێ یا گرنگ نابیت دوم درێژ بیت كو هه‌رمونیا جڤاكێ تێكببه‌ت.
ره‌نگێن سروشتی زورن، لێ هه‌ر ‌كه‌س ژمه‌ ره‌نگه‌ك هه‌یه‌ پر پێ جوانه‌. لسه‌ر ڤێ چه‌ندێراژی كه‌س ژمه‌ نكاریت هه‌می جل و به‌رگێن خوه‌، ناڤمالیا خوه‌ ، خانیه‌ خوه‌ و پێداویستیێن دن یێن ژیانێ ژ یه‌ك ره‌نگ هه‌لبژێره‌. هه‌ركه‌س ژمه‌ گوله‌ك خوه‌شتڤی هه‌یه‌،جوره‌ داره‌ك هه‌یه‌ و فێقیه‌ك هه‌یه‌ كو دلێ مه‌ زور دخوازیت، لێ كه‌س ژمه‌ نكاره‌ ئه‌گه‌ر باخچه‌ك هه‌به‌ ته‌نها ره‌نگه‌ك گولێ، دار و ره‌نگه‌كێ فێقی بتنێ هه‌به‌.
من زور جارا گوێ لێ بویه‌ كو سیاسه‌تمه‌دارێن مه‌ داخوازیا یه‌ك ده‌نگیێ دكه‌ن،لێ من هیچ ده‌ما گومان نه‌بویه‌ كو بالا ده‌ستێن مه‌ وه‌ك هه‌می دكتاتورا مه‌به‌ستا وان بیه‌ك ده‌نگیێ ده‌نگێ وانه‌ و یێ وانه‌ و به‌س.

‎لدور مالا مه‌

Check Also

10: PIECES OF WISDOM FROM CUNFUCIUC ١٠ رستێن دێرین ژ فه‌لسه‌فا كونفویسمێ

  1- IT DOESNOT MATTER HOW SLOW YUO GO AS ALONG AS YOU NOT STOP. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.