ئه‌ردوغان دل نه‌مایه‌ دا جه‌لته‌ لێ بده‌ت

ئه‌ڤرو ل گه‌له‌ك جها هاتیه‌ به‌لاڤ كرن كو ئه‌ردوغان جه‌لتا دلی لێدایه‌. من چ سه‌رچاوێن فه‌رمی نه‌دیتینه‌ لێ ل تورا كومه‌لاتیا فه‌یسبوكێ گه‌له‌ك كوردان ئه‌ڤ نوچه‌ به‌لاڤ كری یه‌. ئه‌گه‌ر راست بونا ڤی نوچه‌ی جهێ دلخوه‌شیێ بیت بو به‌شه‌ك ژ گه‌لێ مه‌ چونكه‌ كه‌سه‌ك وه‌ك ڤی مروڤ نه‌شیایه‌ هوسا سه‌ر كه‌فتی دڤان ١٠ سالێن داویدا مالا كوردی پارچه‌كه‌ت و هنده‌ دوهول قوت و زرنابێژا بو خوه‌ په‌یدا كه‌ت، ژ لایه‌كێ دیڤه‌ دڤێت ئه‌م كه‌یف خوه‌شبین چونكی ڤی مروڤی گه‌له‌ك كوردێن گورگ دناڤ كه‌ڤلێ میهادا بومه‌ ئاشكرا كرن. هه‌مو كاره‌ك و رویدانه‌ك ئه‌گه‌ر بسه‌رساری خوه‌ندن بو بێته‌ كرن دێ مروڤ مفا ژێ وه‌رگریت.
ئه‌ردوغان دل نینه‌ داكو جه‌لته‌ لێ بده‌ت، دلێ ئه‌ردوغان ل عه‌نتابێ به‌ری یه‌ك سال و نیڤ ته‌قیا. ل بیرا مه‌ نه‌چه‌ ئێڤارا ئه‌ردوغان ل عه‌نتابێ گوتی ( خوه‌ گه‌له‌ك نه‌ واستینن، سوبه‌ كوبانێ هه‌می وێ بكه‌ڤه‌ ده‌ستێ داعش ). ئه‌ردوغان ئه‌ڤ گوتنه‌ گوت ده‌ما پرانیا هه‌را زور ل ملله‌تێ كورد ل هه‌رچوار پارچێن كوردستانێ و ل هه‌ر جهێ لێ لسه‌ر روی عه‌ردی، ژ ژاپون هه‌یا ئه‌مریكا ژ نیوزله‌ندا هه‌یا ئیسله‌ند هه‌می لسه‌ر پیابون و بده‌نگێ خوه‌ دونیا هه‌ژاند و دگوتن كوبانێ ناكه‌ڤه‌. ژ ده‌رڤه‌ی كوردێن ژێر ده‌ستهه‌لاتا زونا زه‌ر ل باشورێ كوردستانێ. كوبانێ نه‌كه‌ت و له‌وما روژا دن سپێدێ دلێ ئه‌ردوغان ته‌قیا، ژبه‌ر ڤێ چه‌ندێ ئه‌ز دبێژم ئه‌و نوچه‌ نه‌راسته‌.
هه‌ر وێ ئێڤارێ ئه‌گه‌ر شاش نه‌بم ئه‌ز ل به‌رنامه‌ك نه‌وروز تیڤی بوم لسه‌ر ره‌وشا كوبانێ. دیتنا من بكورتی ئه‌ڤه‌ بو. ل كوردستانێ ڤان ٣٠ سالێن داوین خواندنگه‌هه‌ك نو هات قادێ ب پێشه‌نگیا پارتا كاركه‌رێن كوردستان و رێبه‌ریا به‌رێز عه‌بدوللا ئوجه‌لان. په‌رچه‌مێ وان ژ دوروست بونێ به‌رخوه‌دان ژیانه‌. جودا ژ خواندنگه‌هێن ره‌ڤێ و بێ به‌رپرسیاره‌تی. من لڤێره‌ بێ گومان كو باشترین به‌لگه‌ لسه‌ر ڤێ گوتنێ هوزانا شه‌عبان سلێمان ده‌ما دبێژیت نه‌ره‌ڤه‌ نه‌ كه‌ڤه‌ كوبانی، ما هه‌یا كه‌نگی دێ ره‌ڤین، ببه‌ كه‌لها به‌رخوه‌دانێ.
ئه‌وێ سپێدا ئه‌ردوغان گوتی كو كوبانێ دێ كه‌ڤیت و نه‌كه‌فتی، ئه‌گه‌ر ئه‌ردوغان عاره‌ك هه‌با دڤیابا فیشه‌كه‌ك لسه‌رێ خوه‌ دابا. كوبانێ بو شێرپه‌نجا ئه‌ردوغان له‌وما ژوی ده‌می هه‌یا ئه‌ڤرو خولكێ وی یێ دامایه‌ و روژ بو روژێ یێت هه‌رفیت، باوه‌ر ناكه‌م زور خوه‌ لبه‌ر سه‌ركه‌فتنێن ئاپوچیا ل باكور و روژئاڤایێ وه‌لات بگریت.
ئه‌ردوغان بدیتنا من مروڤه‌ك پر لاوازه‌، دخوازیت خوه‌ وه‌ك ئیمبراتور نیشان بده‌ت، لێ ئه‌گه‌ر پێویست بیت ئاماده‌یه‌ بهه‌می ره‌نگه‌كی خولامینیا هه‌مو لایه‌نه‌كی بكه‌ت. من هه‌مو چاڤپێكه‌فتنا وی نه‌دیت لگه‌ل سی ئێن ئێن ژ ده‌رڤه‌ی گوتنێن داوی كو نشان ددا چه‌ند یێ كه‌فتیه‌ دبزاڤا نه‌مانێ دایه‌. ئه‌ردوغان گه‌له‌ك ژ كه‌ڤلێ خوه‌ ماستر خوه‌ ددیت و دڤێت تاپویا دوژمنكاریا شێره‌ژنێن یه‌په‌ژێ به‌ری پلنگێن یه‌په‌گێ هه‌په‌گێ بده‌ت.

‎لدور Malame

Check Also

كێشه‌ نه‌ كورده‌، كوردبونه

شه‌عبان مزوری هه‌ر مروڤه‌ك لسه‌ر رویێ زه‌مینی هه‌لگرێ هنده‌ك ناسنامایه‌، واته‌ مروڤ تێ ناسین لناڤا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.