بەحرەین د دیمەنەكێ جیوپۆلیتیكی دا

نڤیسینا عەبدوللا ئەلسابیح (خەلكێ بەحرەینێ یە)

وەرگێرانا ژ نەرویجی ئەلند دارڤین

كەنداڤێ فارسی بۆ بازرگانی و تێكەلیێن د ناڤبەرا وەڵاتان دا ب درێژاھییا دیرۆكێ، دەڤەرەكا گرنگ بوویە. ڤێ یەكێ نیشانەكا تایبەتی (خاسیەتەك) دایە گراڤێن (جەزیرێن) بەحرەینێ. ئەڤ وەڵاتە بۆ نموونە ژ لایێ بابلیان، ئاشوریان، عەرەبان و پورتگالیان ( ژ ساڵا 1521)، فارسان ( ژ 1602) و ئەلخەلیفە ( ژ 1783) ھاتیە برێڤەبرن. ل 1861 ئەڤ وەڵات كەتیە بن پارێزداریا بەریتانی ڤە. خوەنەگری (نەسەقامگیری)، جەمسەرێن چاندێ و ئۆلی، شەر ل سەر چاڤكانیێن كێم و گرنگیا جۆگرافی ئەو كورتە-نۆتە نە، یێن كو سەد ساڵێن دیرۆكا بەحرەینێ كورت دكن. رێڤەبرنا وەڵاتەكی ژ لایێ كێمایەتییێ (ئەقلیەتێ) ڤە ناڤێ مالباتا كو ژ 1783ێ وەرە بەحرەین برێڤەبریە، (ئەلخەلیفە) یە. گەلۆ چاوا عەینی مالبات شیایە زێدەتر ژ 225 ساڵان وەڵاتەكی، د ھوندرێ دەڤەرەكا جۆگرافی یا خوەنەگر دا برێڤە ببە؟ بەرسڤدانا ڤێ پرسیارێ باڵا مرۆڤی رادكێشە ب تایبەتی دەما كو ئەم دزانین كو (ئەلخەلیفە) د ئیسلامێ دا سەر ب ھێلا موسلمانێن سونی ڤە یە، و ئەون یێن كو ل بەحرەینێ د ناڤا دیرۆكێ دا كێمایەتی بوونە. ئەڤرۆ نێزیكی 75% زێدەتر ژ ئەوێن كو ل بەحرەینێ دژین موسلمانێن شیعی نە. رێورەسمێن موسلمانێن شیعە ل سەرانسەرێ دەڤەرێن وەڵاتی دھێنە گێران. بانگێ نڤێژێ ل دیڤ بیروباوەرێن موسلمانێن شیعە یە. مالباتا (ئەلخەلیفە)یی ب ھەمی ڤە تەنێ ژ نێزیكی 3000 ئەندامان پێك دھێن، د عەینی دەمێ دا تەخمین دھێتە كرن كو ئەڤرۆ ھەژمارا مرۆڤان بگەھیتە زێدەیی 000 800 رونشتەڤانان.

‎لدور مالا مه‌

Check Also

10: PIECES OF WISDOM FROM CUNFUCIUC ١٠ رستێن دێرین ژ فه‌لسه‌فا كونفویسمێ

  1- IT DOESNOT MATTER HOW SLOW YUO GO AS ALONG AS YOU NOT STOP. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.