هاریکاریا هێزێن هەڤپەیمانان بو کوردان ل دژی تێروریستێن داعش و مەترسیا  بکارهینانا یوڕانیوما داوەشی ل ناڤ تەقەمەنیدا!

هەمزە غەفار ئەحمەد

هەر وەک یا خویایە بو هاریکاریا مە کوردان و ب‌مەرەما ئازادکرنا کوبانێ و شەنگال و گەلەک گوند و باژێر و باژێروکێن کوردستانێ ژ دەستێ تێروریستێن داعش، هێزێن هەڤپەیمانا، بتایبەتێ باڵەفرێن ئەمریکی ب‌هزارەها هێرشێن ئەسمانی یێن کریە سەر وان جهێن ناڤهاتی. ل گەل ڤێ چەندێ چەند پرسیار تێنە پێش ئایا ئەو تەقەمەنیێ هاتیە بکارئینان یوڕانیوما داوەشی(یورانیوم المنضب) ل گەل هەیە یان نە؟

یوڕانیوما داوەشی چیە؟
یوڕانیوما داوەشی(یورانیوم المنضب) بەرمای و گلێشێ وێ پڕوسەیا پێشەسازیە دەما یوڕانیوما پیتێنراو (یورانیوم المخصب) تێتە دروستکرن ژبو چەکێ ئەتومی یان ناڤوکی و هەروەسا ژبو چێکرنا ئەلەکتریکێ و هندەک بیاڤێن دن یێن کارێ سیڤیل. ژبەلکو یوڕانیوما داوەشی گەلەک یا ئەرزانە و گەلەک تایبەتمەندیێن گرنگ یێن هەی بو کارێن لەشکەری و هەلبەت یاگرانەژی ئەگەر مروڤ وەک بەرمای سەرەدەریەکا زانستی و ژینگەهدوستانە ل‌گەل بکەت. ژبەر ڤان سەدەما گەلەک کومپانێت لەشکەری یێن چێکرنا تەقەمەنی ل جیهانا ڕوژئاڤا یوڕانیوما داوەشی دکەنە ل ناڤ تەقەمەنی دا، چونکو سەنگا وێ باندورەکا مەزن یا هەی بو سمکرنێ و گاریگەرەکا بهێز یێ هەی بو پەقاندن و ل‌ناڤبرنا ئارمانجێ.

ل گوری ڕاپوڕێن زانستی، گەلەک جورێن تەقەمەنیێ لەشکەرێ پەیمانا ناتو یوڕانیوما داوەشی یێ ل‌ناڤ هەی. ل دووڤ وان ڕاپورتا د هەردوو شەڕێن کەنداڤیدا یێن سالا 1990 و 2003 و هەروەسا ل ئەڤغانستانێ و بەلقان بکارهینانا یوڕانیوما داوەشی ژ ڵایێ هێزێن لەشکەرێ ئەمریکی و هێزێن هەڤپەیمانان ڤە ل‌ناڤ تەقەمەنیدا ل دژی ئارمانجێن هێزێن لەشکەرێن وان وەلاتا یێ هاتییە بکارهینان. ل‌گوری مروڤێن بسپور گەردیلێن یوڕانیوما داوەشی ل‌گەل توزێ و بای بەڵاڤ دبن و دەما مروڤ هەناسێ دکەت، ئەو گەڕدیلە دگەهنە ناڤ سیێن مروڤیدا و ل وێرێ تیژکی بەردەن، ئەڤە دبیتە سەدەما هندێ ئێشێن پەنجەشێری پەیدابن.

ئەگەر یوڕانیوما داوەشی ل ناڤ تەقەمەنی هەبیت چ بکەن باشە؟
هەتا کارەسات ل ناڤ کارەساتان ل پاشەڕوژێ ل وان دەڤەرا چێنەبەن ژ سەدەما ئەو چەکێ هاتیە بکارئینان، بدیتنا من یا گرنگە بەری گوند و باژێر و باژێروکێن بهێنە ئاڤەدانکرن. پشکنین ل سەر سەمپڵ و تێستێن ژینگەهێ یێن وێرێ ل تاقیگەهێن تایبەت بهێنە ئەنجامدان و وی دەمی دێ دیار بیت کا یوڕانیوما داوەشی بکارهینایە یان نە. ئەگەر بکارهینابیت دبیت سازیێن په‌یوەندیدار ل‌گەل کومەلگەهێ نیڤدەولەتی وێ بکەن یا پێدڤی دا کێمترین زیان بخەلکی و ژینگەها وان بکەڤیت!

2015-12-11

‎لدور مالا مه‌

Check Also

چەوا مافیایه‌كا كوردی زه‌كی ئامێدی فروته‌ میتا توركی ؟! باشور چاوانیا ژناڤبرنا حزبا (پاك) به‌رچاڤ دكه‌ت دیڤداچوون | گوڤارا باشور پارتا پاك چ بوو ؟

  پارتا پاك، كورتیا پارتیا ئازادی كوردستانێ بوو، ول سالا 1991 ل باشورێ كوردستانێ هاته‌ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.