پیروزی چیه‌؟

د. شه‌عبان مزوری
گه‌له‌ك جارا هه‌ر ژ زوراكاتی هاتیه‌ گوهێ مه‌ په‌یڤا پیروزی، ڤێ په‌یڤێ‌ چه‌ندا رامان وه‌ك زاروك بو مروڤی په‌یدا دكرن، لێ پشتی مروڤ بته‌مه‌ن دبیت دبینیت هه‌می پیروزی نه‌ پیروزن وه‌ك ژبو مه‌ دهاتن گوتن. بسالان بو مروڤی ئاشكرا دبه‌ كو گه‌له‌ك تشتێن هه‌یا دوهی وه‌ك پیروز بو مروڤی دهاتن ناسكر هیچ پیروزی نینه‌ و دبه‌ به‌ره‌ڤاژی هندێ گه‌له‌ك كارێن نه‌ پیروز مروڤ ئاساییه ب پیروز ناسكه‌ت. هه‌ر جڤاكه‌كێ هنده‌ك ئه‌یته‌م هه‌نه‌ یان كه‌س كو بو خوه‌ ب پیروز دزانه‌.‌ لێ گره‌نگه‌ ب دیتنا من مروڤ بزانیت كو پیروزی نابیت بێته‌ سه‌پاندن لسه‌ر گه‌له‌كی یان نه‌ته‌وه‌كێ.
پیروزی لجڤاكامه‌ ژ په‌یڤا موقدده‌س هاتیه‌. ئه‌ڤ په‌یڤه‌ بخوه‌ ژ ئولی هاتیه‌ له‌وما بباوه‌ریا من ئاسایه‌ بوچونێن جودا هه‌بن لسه‌ر هه‌ر پیروزیه‌كێ.
دبه‌ هنده‌ك كه‌س پرس بكن گه‌لو پیروزیا چ پیڤان هه‌نه‌ یان نه‌؟ بباوه‌ریا من دناڤ چ گه‌لاندا یان نه‌ته‌واندا پیروزیا پێویستی ب به‌ره‌ڤانیێ‌ نینه‌، كه‌سێ پیروز یان كارێ پیروز خوه‌ دسه‌پینه‌ لهه‌می ده‌ما. لڤێره‌ ئاساندبه‌ مروڤ پێناسه‌ك بده تشتێ پیروز و كه‌سێ پیروز، دیسان بباوه‌ریا من تشت یان كه‌سێ پیروز، پیروزیا خوه‌ ژ ده‌مه‌ك ده‌ستهه‌لاتداریا وان كه‌سێن باوه‌ری ب بوچونا وان هه‌یه‌ نینه‌، به‌لكو پیروزن لجه‌م هه‌مو كه‌سێن ل پاش وان تێن ده‌ستهه‌لاتێ ده‌رڤه‌ی جودابونێن هزر و بیرا. دناڤ هه‌می گه‌لاندا كه‌ساتی هه‌بونه‌ كو جهێ رێزا هه‌می نفشه‌كی بوینه‌، هنده‌ك پشتی پتر ژ هزار سالا لسه‌ر مرنا وان، به‌ره‌ڤاژی ڤێ چه‌ندێ هه‌رده‌سهه‌لاتداریه‌كا دكتاتور خواستیه‌ راسته‌وخوه هنده‌ك پیروزیا لسه‌ر خه‌لكی بچه‌سپینیت لێ بنه‌مانا وان ئه‌و پیروزیژی دمرن.‌
پیروزیا پیڤانه‌ك ئه‌بسه‌لوت ئا‌نكو موتله‌ق نینه‌، لێ دپیڤانێن مروڤاتیێدا دا په‌یڤه‌ك هه‌یه‌ پر مه‌ستره‌ ژ پیروزیێ ئه‌وژی رێزه‌. موحه‌ممه‌د بو موسولامانا پیروزه‌، عیسا بو فه‌لا پیروزه‌، تاوسیمه‌له‌ك بو ئێزدیا پیروزه‌ هتد. ژبو پێكڤه‌ژیانێ پێویسته‌ مروڤی رێز بو پیروزیێت هه‌ڤدو هه‌بیت.
موخابن ل وه‌لاتێن دكتاتور تم پیروزی تێن بكار ئانین ژبو مه‌ره‌مێن ده‌سهه‌لاتداری، په‌رستگه‌ تێن ئاڤاكرن ژبو ببنه‌ به‌ربانگ بشان و بالێ دكتاتوری بێژن. قه‌هره‌مان تێن چێكرن ژبو ئازادیێ بكوژن. پیروزی تێن ده‌ستنیشان كرن ژبو كرێتیێ ب پیروزترین تشت بێت كرن لسه‌ر رویێ ئه‌ردی كو ئه‌وژی مروڤه‌.

‎لدور Malame

Check Also

كێشه‌ نه‌ كورده‌، كوردبونه

شه‌عبان مزوری هه‌ر مروڤه‌ك لسه‌ر رویێ زه‌مینی هه‌لگرێ هنده‌ك ناسنامایه‌، واته‌ مروڤ تێ ناسین لناڤا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.