Salih Muslim

نه‌ سالح موسلم كورده‌، نه‌ په‌یه‌ده‌ هێزه‌ك كوردیه‌ و نه‌ ئاپو خه‌لكێ روژهه‌لاتا ناڤینه‌؟؟؟؟؟؟؟

 

د. شه‌عبان مزویری

ستۆكهۆلم  ٢٩.٠٩.٢٠١٧
بسالانه‌ ئاخفتن تێن كرن لسه‌ر په‌یه‌دێ، ئایا هێزه‌ك كوردستانیه‌، ئایا هێزه‌ك نیشتیمانیه‌، ئایا هێزه‌كا رۆژهه‌لاتا ناڤینه‌؟ ئایا ئه‌ڤ هێزه‌ به‌رهه‌ما ئایدۆلۆژیا ئاپویه‌، ئایا ئاپو بخوه‌ كورده‌ و كوردینیێ دكه‌؟ ئه‌ڤه‌ و گه‌له‌ك پرسێن دن بسه‌دا جاران ژمن خوه‌ هاتینه‌ كرن، یانژی نه‌راسته‌وخوه‌ لكوچك و دیوانخانا هاتینه‌ كرن. وه‌ك مرۆڤه‌ك خوه‌ لیبرال ناسدكه‌م بمافێ هه‌ر تاكه‌كه‌سی دزانم هه‌ر بوچونه‌ك لسه‌ر هه‌ر گرفته‌كێ، تاكه‌ كه‌سه‌كی یانژی رێكخستنه‌كێ هه‌بیت.
لسه‌ر ڤان پرسا و گه‌له‌ك پرسێن دن. وه‌ك په‌یه‌ده‌ یانژی په‌ژاك و هه‌ر رێكخستنه‌ك داخبار بهزرێن به‌رێز عه‌بدوللا ئوجه‌لان من پر به‌ره‌ڤانی ژ ڤان هێزان دكر. وه‌ك نمونه‌ گه‌له‌ك كه‌سان ل گه‌ل رێزێن من بو وان دگوتن ئه‌ڤ هێزه‌ كه‌سپه‌رستن، لهه‌می جهه‌كی هه‌لگرێن وێنێن عه‌بدوللا ئوجه‌لانن. به‌رسڤا من بو وان به‌ری نوكه‌ و هه‌یا ئه‌ڤرۆ، گه‌لو بوچی هێزێن كومونیست وێنێن لێنین، ماركس و ئه‌نگلس هه‌لددان كه‌سێ نه‌دگوت كه‌سپه‌رستیه‌، بوچی ئیخوانێت مه‌ بسه‌رێ سه‌ید قوتوب سویند دخون و كه‌س نابێژیت كه‌س په‌رستیه‌. من دگوت گه‌لێ مه‌ كوله‌یه‌ و ناخوازیت ژكوله‌تیێ رزگاربیت له‌وما دڤێت خولامێ ده‌رازینكێت بیانیا بیت. گه‌لێ مه‌ ناخوازیت باوه‌ر بكه‌ت كو زانا و فه‌یله‌سوف لناڤدا هه‌بونه‌ هه‌می ده‌ما، لێ مه‌ژیێ كوله‌تیێ رێ نه‌دایێ ڤێ راستیێ ببینیت.
من لهه‌می ژیانا خوه‌ هه‌ولدایه‌ دایه‌ راستگوبم لگه‌ل خوه‌ پێش راستگوبم لگه‌ل كه‌سانه‌ك دن، له‌وما بگرنگ دبینم كو خواندنا من شاش بو، بو سالح موسلم، بو په‌یه‌دێ و بتایبه‌تی بو ئوجه‌لان. دڤێت داندانم بهندێ كو گه‌له‌ك هه‌لسوكه‌وت هه‌بونه‌ ژ لایێ، عه‌بدوللا ئوجه‌لان، په‌كه‌كێ، په‌یه‌دێ، سالح موسلم ….هتد، دبیت مروڤ هزربكه‌ت كو نه‌مایشه( ته‌مسیلیه‌). بو نمونه‌، كه‌سه‌ك وه‌ك سالح موسلم بسالان هه‌مان جلوبه‌رگ لبه‌ربیت، هه‌مان چانته‌ لسه‌ر ملبیت، ژڤی وه‌لاتی بو وه‌لاته‌ك دن بچیت بێی چه‌ند تورومبێل پێشوازیا وی بكه‌ن، ل مالێن خه‌لكی خه‌وكه‌ت بێی كو بزانیت كانێ لسه‌ر ئه‌ردێ یان ته‌ختی خه‌ودكه‌ت، بێی كو بزانیت كانێ خوارنا ئێڤاری یانژی سوبێ چیه‌، لێ لهه‌می ده‌ما سوپاس گوزاره‌ و شاده‌ ژ كه‌سێ مێڤانكری. دبه‌ به‌ری ٥ سالا ئاسایێبا بو هه‌ركه‌س ژمه‌، لێ نه‌ ئه‌ڤرۆ كو ئه‌م هه‌می دزانین پتر ژ ٢٥% ژ بیڤا سوریێ لژێر كونترولا په‌یه‌دێ یه‌ كو موسلم هه‌ڤسه‌روكێ وێیه‌. بوچی ڤی شێوێ ژیانێ قه‌بول بكه‌ت ئه‌ڤرۆ؟ ئه‌ڤ پرسه‌ و گه‌له‌ك پرسێن دن جهێ سه‌رسومانێنه‌.
بهێلن ئه‌م ڤه‌گه‌رن سه‌ر پرسا خوه‌یا سه‌ره‌كی كو ناڤێ بابه‌تێ من بو خوه‌ هه‌لبژارتی. كونگرا داوین یا په‌یه‌دێ بو من سه‌لماند كو ره‌خنه‌گرێن سالح موسلم، په‌یه‌دێ‌ و ئوجه‌لان راست دگو بون ده‌ما دگوتن سالح موسلم نه‌كورده‌، په‌یه‌ده‌ نه‌ هێزه‌ك كوردتسانتیه‌ و ئوجه‌لان دوره‌ ژ روژهه‌لاتا ناڤین. گه‌لو مامه‌ دیتیه‌ یانژی خواندیه‌ ل جهه‌كی كو سه‌روكێ بچوكترین هێز ده‌ست ژ پوستا خوه‌ ده‌ست به‌ردابیت، گه‌لو ما مه‌ دیتیه‌ كو دكونگرێ هه‌ر هێزه‌كێدا سه‌روكه‌كی ده‌ست ژسه‌روكاتیێ به‌ردابیت بێی كو ئه‌ندامێن كونگره‌ی بیه‌ك ده‌نگ گوتبن ئه‌زبه‌نی بێیته‌ بانیت، باشه‌ وه‌ك كونگرێن هه‌مو هێزێن گه‌لێن رۆژهه‌لاتا ناڤین ماكه‌سه‌كێ مویێن روی و سه‌رێ خوه‌ سپیكربن بكوله‌تیێ لناڤ كونگرێ نه‌بو كو خشیابا سه‌ر پلاتفورما كونگرێ و بچاڤێن پر روندك و هستی خار كربا قێژی و گوتبا سه‌روك سالح موسلمه‌ و ئه‌م قه‌بول ناكه‌ین ده‌ست ژ سه‌روكاتیێ به‌رده‌ت، لدویفدا هه‌می كوله‌یێن ئه‌ندامێ كونگره‌ی رابان سه‌رپیا و بچه‌پك لێدان بو ده‌مه‌ك درێژ، پاشان چه‌ند كه‌سێن سه‌ركردایه‌تیێ ملێ موسلم گرتبان و بربانه‌ سه‌ر پلاتفورمێ نه‌ ژبو ئه‌وان هند ڤیان بو سه‌روكی هه‌یه‌ به‌لكو دا خوه‌ ژ خه‌ساندنێ قۆرتالكه‌ن. لكونگرێ كویژان رێكخستنا روژهه‌لاتا ناڤین مه‌ دیتیه‌ كه‌سه‌كی ئه‌و مێرخاسی لده‌ف هه‌بیت خوه‌ بو پوستێ سه‌روكاتیێ هه‌لبژێریت. پرس ئه‌ڤه‌یه‌ چه‌وا سالح موسلم جهێ خوه‌ ڤالادكه‌ت بو كه‌سه‌ك دن.
ئه‌ڤ دیمه‌نه‌ بكورتی و كوردی دسه‌لمینیت كو سالح موسلم نه‌كورده‌ چونكی پابه‌ست نینه‌ برێبازا كوردیا هه‌یا ئه‌ڤرۆ هاتی دیتن، په‌یه‌ده‌ نه‌هێزه‌ك كوردستانیه‌ چونكی سه‌رێ هنده‌ ساله‌ نه‌كاری ١٠٠ كوێلا په‌روه‌رده‌كه‌ت ژبو سالح موسلم بمینیت سه‌روك، عه‌بدوللا ئوجه‌لان نه‌ ژ روژهه‌لاتا ناڤینه‌ چونكی هه‌ڤسه‌روكاتی چه‌سپاند، ئه‌گه‌ر ئاسیا عه‌بدوللا لكێله‌كا موسلم نه‌با، دبیت ئاسانتربا مانا وی وه‌ك هه‌می سه‌روكێن رۆژهه‌لاتا ناڤین. ئه‌ڤ ره‌وشه‌ژی نه‌راسته‌و خوه‌ به‌رهمێ ئیدیۆلۆژیا ئاپوچیا شاشه‌ چونكی ئاپوی ژن ژناڤ نڤین و به‌ركوچكی گه‌هانده‌ لوتكا هه‌را بلندا ده‌ستهه‌لاتێ.‌

‎لدور مالا مه‌

Check Also

پاشخستنا رێفێرندومێ سه‌ركه‌فتنه‌ نه‌ شكه‌ستنه‌

بێگومان زۆر بوچون هه‌نه‌ لسه‌ر بریارا رێفێرندومێ، چه‌ند دجهێ خوه‌دایه‌، یانژی ده‌مێ هه‌لبژارتی چه‌ند گونجایه‌. …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.