هەستا بەرپرساتییێ یان ترس ژ سزا …

ئارمانج گوهه‌رزی

ل دەڤەرا بارزان نەدار دهێتە بەرین نەژی گیانەوەر دهێنە کوشتن سەیرە … !!!
هەتا من گوهلێ بوویە کۆ مشارێ کارەبێ وەک تریاکێ یێ قاچاغە ل وێ دەڤەرێ ..!!

ئەرێ ئەڤ ژ هەستا بەرپرساتییێ یە ل جەم تاکێ وێ دەڤەرێ ل هەمبەر ژێنگەهێ . وەلاتی ، یان ژی ل ژێر فشارا یاسا و دەسەلاتێ یە (ترس ژ سزا ) ..؟
ئاخفتنەکا بەرنیاس هەی ل دەڤەرێ کۆ دبێژن : گەر تە بڤێت ماسی گوشتێ تە بخوون هەرە دەڤەرا بارزان گیانەوەرکێ باکوژە ..!!
بیریا یاسایێن توندێن دەولەت شارا سپارتا تێنە بیرا مروڤی ..
لێ من کەیف ب ڤێ چەندێ دهێت من هەرتم دگوتە هەڤالا خوەزی ئەڤ چ ژ هەستا بەرپرساتیێ چ ژی ل ژێر فشارا یاسایێن توند لێ ل تەڤایا کوردستانێ هاتبا پەیرەو کرن نەک دچارچوڤێ دەڤەرەکێ دامابا ..

لێ پرس ئەوە ئەرێ چما ئەڤ ل دەڤەرەکێ بتنێ مایە ..؟
ئەرێ کۆردستان جێوازە ژ دەڤەرا بارزان دوو وەلاتێن جێوازن ..؟!!
ئەرێ گەر پەروەردێ ئەڤ هەستا بەرپرساتیی ل جەم تاک ۆ خەلکێ وێ دەڤەرێ ل هەمبەر ژێنگەها وەلاتی چێکربیت چما ئەو پەروەردە قەلسە ژبوو خەلکێ دن و ناهێتە ڤەگوهاستن .؟؟
یانی حکمەتەک دڤێ چەندێ داهەی ۆ تەنها خوەدێ پێ ئاگەهە دورە ژ ئەقلێ عبدێن خێری ..؟

چەند جاران من گوتییە گەلەکێ پاشڤەمای دەبیت ل ژێر هندە یاسایێن توند بهێتە پەروەردەکرن ۆ رێکخستن گەرنە ئەو بخوە دێ خوە ژناڤ بەت پێدڤی هیچ دوژمنەکێ نینە . سالا دن یێن دارێن گوندێ مە برین و ب شیست پیکەما هێرش کرییە ژێنگەها وێ ل سیکێ دفروتن نەدسوتن ..!! لێ بنێرن و تێهزرکەن مروڤێ نەفام و ترسنوک چەندێ مەترسیدارە ئەڤجا گەر ببنە کوم وێ چ کارەسات چێکەن .. نها ژی یێن دارێن تەر دبرن نە ئەوە هندە محتاجن و هندە فەقیرن درویە بەلکو هندەک چاڤلێکرنە هندەک ژی پارەبدەست خستنە و بەشەک ژی دبە ژ ناچاریێ بە .. لێ ماقەی دبە ئەو ژینگەها وەک دایکەکێ مروڤی بخوەدی بکەت پێخمەت کەربێ ژلایەنەکێ سیاسی مروڤ دایکا خوە بسوژیت و ژناڤ ببەت ..؟!

گەر ئەڤ خەلکێ هندە پت پتێ دکەن ۆ مێرانیا خوە ل ژینگەهێ دجەربینن بلا بچن ئەو کومپانیێ نەفتێ دیارن ل کۆدەرێ نە ئەوێن یاریا ب ئەقل و مافێ وان ژی دکەن دزانن کی نە و ل کۆدەرێ نە لێ خێرە مێرانیا خوە ل ژێنگەها بێ زمان دایکەکا دلوڤان دجەربینن .. ؟!
سوند ب هەمی پیروزیا نها هندەک ژ وان کەسێن دارێن تەر دبرن و ژێنگەهێ وێران دکەن و دەمێ بڤرێ خوە رادکەت و دارێ ددەت ۆ دبێژیت : کی مێرە بلا بێتە بەرسینگێ من نها نەوێریت ڤی پوستی لایک کەت نەک کومێنت کەت .. هندە بێ ئیرادەنە ل هەمبەر وەرگرتنا مافێ خوە ۆ ل سەر جادا و ئاهەنگا کوردپەروەر وەلات پەرێس ۆ هەتا داویێ .. هیچ قەیرانەک نینە ژ قەیرانی ئەقل ۆ ئیرادێ نەبیت وەک دن هەمی تشت درونە درو …

ئارمانج گوهەرزی

‎لدور مالا مه‌

Check Also

لا تُعانِق الخَوَنة 

  25/5/2016 امين يونس ” عندما يخونوك .. فكأنما قطعوا ذِراعَيك تستطيع مُسامحَتهُم . لكنكَ …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.