عیراقی داگیركه‌رن یان كورد؟

د. شه‌عبان مزوری
فه‌رمانا دادگه‌ها به‌غدا بو گرتنا كوسره‌ت ره‌سول عه‌لی جێگرێ یه‌‌كێ یێ ئه‌میندارێ گشتیێ یه‌نه‌كێ بتاوانا ناڤكرنا هێرشا هێزێن له‌شكه‌رێ عیراقێ بو سه‌ر باشورێ كوردستانێ وه‌ك هێزێن داگیركه‌ر. لڤێره‌ من نه‌ڤێت لسه‌ر هندێ راوه‌ستم كانێ ئه‌ڤ بریاره‌ چه‌ند كاریگه‌ری دێهه‌بیت دوارێ بجیكرنێدا. لێ بباوه‌ریا من دیسان جوره‌ ره‌فتارێن وه‌ها ژ ئالیێ به‌غدا دوباره‌ و سه‌دباره ‌نیشانا ساویلكی ، نه‌فامی و بێ به‌رپرسیاریا بریارده‌رێن ئه‌ڤرۆیه‌ لباشورێ كوردستانێ.
پرسه‌ك ڤه‌كری بو مه‌سعود بارزانی ئه‌رێ چه‌ند سیاسه‌تمه‌دارێن عیراقی كورد بداگیركه‌ر ناڤكرینه‌ و ته‌ پێشوازی لێ كریه‌. دبیت به‌شه‌ك ژوان ته‌ یان هه‌ڤالبه‌ندێن ته‌ ئه‌وخه‌لاتژی كربن، چونكی ئه‌ز بخوه‌ تشته‌ك ژوه‌ هه‌میا دور نابینم. هه‌ر بو نمونه‌ بێ ره‌وشته‌ك وه‌ك مشعان جبوری په‌یڤا نه‌شرین نه‌ما دراسته‌قا گه‌لێ كورد لباشوردا نه‌كری لێ ته‌نها كو ژته‌را دگوت جه‌نابێ سه‌روك، ئه‌ڤه‌ به‌س بو كو تو باشترین پێشوازی لێ بكه‌ی. باشه‌ وی مشعان جبوری بچه‌ندا جارا نه‌دگوت پێشیا ئه‌م عیراقێ ژ ئه‌مریكیا رزگاركین دڤێت ژ داگیركه‌رێن كورد رزگاركین، لێ ده‌ما هاتی هه‌ولێرێ شوینا دادگا بكه‌ن لسه‌ر ڤان گوتنا، قالیێ سور بو راخست. ئه‌رێ گه‌لو بچه‌ندا ژ ئه‌ندامێن په‌رله‌مانێ عیراقێ كورد بداگیركه‌ر ناڤكرن، لێ ده‌هۆل قوت و زرنابێژن مه‌ ل ناڤ په‌رله‌مانێ عیراقێ كه‌سه‌ك ژوان نه‌دا دادگه‌هێن عیراقێ. له‌وما دبێژم ئه‌گه‌ر به‌رده‌وام بن لسه‌ر بێ هه‌لویستیێ هه‌مبه‌ر نه‌یارێن گه‌لێ كورد دێ ره‌وشا وه‌ ژ ئه‌ڤرۆ كومباختر بیت.

داگیركرن چیه‌؟
لگور تێگه‌هشتنا من هێرشكرن ژ ئالیێ هه‌ر نه‌ته‌وه‌كێڤه‌ بو سه‌ر گه‌ل و ئاخا نه‌ته‌وه‌كا دن و گرێدانا گه‌ل و خاكی بوه‌لاتێ هێرشكه‌رڤه‌ داگیركرنه‌. لڤێره‌ ئاشكرایه‌ كو كوردستان وه‌ك وه‌لات و گه‌ل هاتیه‌ داگیركرن ژ لایێ چوار وه‌لاتانڤه‌ كو ژ سێ نه‌ته‌وا پێكتێن، عه‌ره‌ب، فارس و تورك. هه‌ر ده‌ڤه‌ره‌ك وه‌لاتێ مه‌ ته‌ماشا كی دێ بینی داگرتیه‌ ژ له‌شكه‌رێ داگیركه‌ری و كوردێن هه‌ڤپه‌یمان. پرس ئه‌ڤه‌یه‌ كوردێن خوه‌ برێبه‌ر و سه‌ركرده‌ ناس دكن دكارن ڤێ یه‌كێ راشكاوانه‌ بێژنه‌ ده‌ستهه‌لاتدارێن داگیركه‌ر؟ بباوه‌ریا من نكارن.

كوسره‌ت ره‌سول عه‌لی
كوسره‌ت ره‌سول عه‌لی یه‌ك ژ به‌رپرسێن به‌رچاڤه‌ ژبو دوخا ئه‌ڤرۆ ئه‌م گه‌هشتینێ، به‌شداره‌ دهه‌مو تالانی و بێ یاسایی یا ئه‌ڤرو هه‌ی لباشور، بڤێ نڤیسینا خوه‌ ئه‌زناخوازم بهیچ ره‌نگه‌كی وی ژڤێ به‌رپرسیاره‌تیێ ده‌رخم، ژمێژدا ئه‌ز داخواز دكه‌م كو كوسره‌ت ره‌سول و هه‌می ئه‌وێن هه‌ڤچه‌رخێن وی ڤان سالا ده‌ستهه‌لاتداری كری ل باشور بلا بالا خوه‌ ژ ڤی گه‌لی ڤه‌كه‌ن و بچن مالا خوه‌، هه‌میا بهه‌ڤرا سه‌لماند كو نكارن به‌رسڤا داخوازێن گه‌لێ باشورێ كوردستانێ بده‌ن و مانا وان ته‌نها و ته‌نها پاشخستنا ئازادیا گه‌لێ باشوره‌. لێ بابه‌تێ مه‌ ئه‌ڤرۆ مژاره‌ك دنه‌. دادگه‌ها به‌غدا كوسره‌ت ره‌سول بتاوانبار دبینه‌ و فه‌رمانا گرتنا وی ده‌رخستیه‌ ژبه‌ركو له‌شكه‌رێ عیراقێ بداگیركه‌ر ناڤكریه‌ و دبیت هه‌ر ئه‌ڤ تاوانه‌ وا بكه‌ت كو گه‌له‌ك ژ هاولاتیێن باشور ژ كوسره‌ت ره‌سول خوه‌ش بن، چونكی نایێت بیرا من كه‌سه‌ك دن ژ كوردێن باشور دئاستێ به‌رپرسیاره‌تیا كوسره‌ت ره‌سول دا بیت و گوتنه‌ك بڤی ره‌نگی كربیت. زۆر كاردانه‌وه‌ هه‌بون ژ لایێ گه‌له‌ك كه‌سانڤه‌، لێ بو من هه‌یا نوكه‌ ئه‌و هه‌می كاردانه‌ڤه‌ بێ رامانن. وه‌ك ئه‌م دزانین پارتیا كاركه‌رێن كوردستان ل توركیه‌ قه‌ده‌غه‌یه‌ و بتروریست تێ ناڤكران، نه‌وروزا ٢٠٠٩ ل ئامه‌دێ یه‌ك ژ دوشمێن وێ دگوتن ( په‌كه‌كه‌ گه‌له‌ گه‌ل لڤره‌ ) لپێشیا هه‌مویا سه‌ركردێن هه‌ده‌پێ و رێكخستنێن دن یێن نه‌زیك ژ په‌كه‌كێ، له‌وما باشترین پشتگیری بو كوسره‌ت ره‌سول و به‌رسڤ بو به‌غدا، ئه‌م هه‌می بێژین له‌شكه‌رێ عیراقێ داگیركه‌ره‌ و ل پێشیا هه‌مویا سه‌روكێن هه‌مو پارت و رێكخستنێن باشور بلا بو یه‌ك جار چاڤنه‌ترس بن و بێژن لسه‌ر ئێكرانێن ته‌له‌ڤزیونا وه‌ك چه‌وا بانگه‌شا هه‌لبژارتنا دكر ( له‌شكه‌رێ عیراقێ هێزه‌كا داگیركه‌ره‌ لباشورێ كوردستانێ.

‎لدور مالا مه‌

Check Also

بلفور و تیلرسون – جوهی و كورد

د. شه‌عبان مزوری ئه‌ڤرو ١٠٠ سال ده‌رباس دبن لسه‌ر ناما ریتشارد ئه‌رتور بلفور نڤیسی بو …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.