خیانه‌ت د فه‌رهه‌نگا كورد دا نینه‌

د. شه‌عبان مزوری
هه‌ر ژ گه‌نجاتیا خوه‌ و هه‌یا ئه‌ڤرۆ كه‌سێن من نێزیك ناسدكه‌ن و بهه‌ڤرا مه‌ ئاخفتن لسه‌ر په‌یڤا خیانه‌تێ كربیت، من ئالۆزی لگه‌ل ڤێ په‌یڤێ هه‌بویه‌ و هه‌رده‌م من گوتیه‌ نه‌ مه‌ خیانه‌تكاری هه‌یه‌ و نه‌ خائین هه‌نه‌. ببوچونا من نه‌بونا په‌یڤه‌ك ره‌سه‌ن بو كاره‌ك بڤی ره‌نگی دلته‌زین، وێرانكه‌ر، بێ ره‌وشتی …هتد، تێ رامانا هندێ كو ئه‌و تشتێ كۆمه‌ڵگه‌ و گه‌ل بخیانه‌ت ناڤدكه‌ن لده‌ف كوردا ره‌وشته‌ك ئاسایی بویه‌.
په‌یڤا خیانه‌ت ل وان كۆمه‌ڵگه‌هێن من ئاگاداری و زانین لسه‌ر هه‌ین نه‌ ته‌نها وه‌ك یاسایه‌ك ئاسایی تێ ته‌ماشاكرن به‌لكو ئه‌گه‌ر ئه‌م به‌راوردیه‌كێ بكین لگه‌ل وه‌لاته‌كێ دیموكراسی دبیته‌ خاله‌ك دستوری. ده‌ستور برامانا هندێ كو هه‌ر كه‌سێ ژ چوارچێوێ ڤی یاسای ده‌ركه‌ڤیت ( خیانه‌تێ بكه‌ت ) ناسناما مروڤاتی، نشتیمانی و نه‌ته‌وی ژ ده‌ست دده‌ت.‌ هنده‌ك پێناس دناڤا گه‌لاندا وه‌ك یاسا جهێ خوه‌ گرتینه‌، وه‌ك زانایه‌ بنپێكرنا هه‌ر یاسایه‌كی سزایێ خوه‌ هه‌یه‌ و هه‌ر یاسایێ پێشلكرنا وی سزانه‌بیت، هه‌بون و نه‌بونا وی یاسای وه‌ك هه‌ڤه‌.
خیانه‌ت پر جورێن وێ هه‌نه‌، دبه‌ ته‌نها دو كه‌سا بگره‌، دو كۆمه‌ڵا، دو هه‌رێما دو وه‌لاتا، لێ بباوه‌ریا من خیانه‌ت پێگیرینه‌كرنه‌ بسوزه‌ك یان په‌یمانه‌ك یانژی ره‌وشته‌ك كو بویه‌ یاسا لناڤ كۆمه‌ڵه‌ك مروڤاندا لسه‌ر بیڤه‌ك ( جوگرافیه‌ك ) ده‌ستنیشانكری. ئه‌ڤ ره‌وشته‌یه‌ باوه‌ریێ لناڤبه‌را كه‌سان دا په‌یدا دكه‌ و لادان ژڤێ ره‌وشتێ جهێ شه‌رمزاریێ و سزادانێ یه‌.
نه‌بونا پیڤه‌ره‌ك دیاركری دناڤا ملله‌تێ كوردا بو خیانه‌تێ واكر كو خیانه‌ت ببیت تشته‌ك سروشتی دناڤ كوردان دا. كورد پتر ژ هه‌ر نه‌ته‌وه‌ك په‌یڤا خیانه‌ت بكارتینن، ئه‌ڤ یه‌كه‌ دڤه‌گه‌ره‌ بو هندێ كو كورد نوزانیت خیانه‌ت چیه‌، یانژی ده‌ما پیڤه‌رێن گه‌لێ دن بكارتینه‌ دبینه‌ كو دناڤ كۆمه‌ڵگه‌هه‌ك خاین دا دژیت و ئه‌و بخوه‌ یه‌ك ژوانه‌.
ئه‌گه‌ر ئه‌م ته‌ماشا بكه‌ین لمێژویا خوه‌ دێ بینین كو ده‌ستهه‌لاتداره‌ مورا خیانه‌تێ بده‌ستی یه‌ و كه‌سێ دخوازه‌ ل ئه‌نیا وی دده‌ و بخائین ناڤ دكه‌. له‌وما هه‌یا روژا ئه‌ڤرو تێگه‌هشتنا خیانه‌تێ و پێناسا خائینا ده‌ستهه‌لاتدار دكه‌، ئه‌ڤه‌ژی بو ئه‌گه‌را ناسنه‌كرنا خیانه‌تێ بخوه‌ و هێشتا كومباختر خیانه‌ت بو ره‌نگه‌ك ژ ژیربونا هنده‌ك مروڤا.
هنده‌ك خیانه‌تكاری ل مێژویا كوردیدا هنده‌ كفش و ئاشكرا بون دیسان وه‌ك قه‌هره‌مانی و سه‌ركه‌فتن هاتن بناڤ كرن بو خوه‌دانێ وان. هنده‌ك كه‌سێن خه‌نجه‌ر لپشتا هه‌ڤالێ خوه‌داین سترانێن قه‌هره‌مانی هاتن پێگوتن، هنده‌ك كه‌سێن روژێن ته‌نگاڤ مه‌یدانا به‌رخوه‌دانێ چولكری و سه‌رێ له‌شكه‌رێ خوه‌ خستی بن كێرا نه‌یارا، داستان هاتن پێگوتن. باشترین نمونه‌ سترانا ئه‌ز خه‌له‌فم خه‌له‌فم شێر یه‌زدین میرێ بوتانه‌. ئه‌ڤ سترانه‌ دناڤ نه‌ته‌وه‌ك سروشتی دا جهێ شه‌رمزاریێ یه‌، لێ كورد نه‌ ته‌نها گوڤه‌ندێ‌ لبه‌ر دكه‌ن به‌لكو كێم گوڤه‌نذه‌ن كوردێن ژوری هه‌نه‌ بێی ئه‌ڤ سترانه‌ ده‌رباسبیت. پرانیا مه‌ژی دزانیت كو شێریه‌زدین به‌گ كیه‌ ( لگور پیڤه‌رێن سروشتی خیانه‌ت لمالا به‌ردرخانیا كر و بله‌شكه‌رێ توركرا كو وێ سه‌رده‌مێ كوردا تورك بروم ناڤدكرن، هێرشكره‌ سه‌ر میرنشینیا بوتان، له‌وما ناڤ لخوه‌ دده‌ و دبێژه‌ ئه‌ز خه‌له‌فێ رومیمه‌ ).
بباوه‌یا من كورد دڤێن په‌یڤا خائین و خیانه‌تكاری ژ فه‌رهه‌نگا خوه‌ ده‌رخن، دبه‌ هنده‌ك كه‌س بێژن من خیانه‌ت نه‌كریه‌ و دبه‌ راستبیت لێ چه‌وا باخچه‌ك بهنده‌ك گلێشی نابیت گویفك وه‌سا گویفكه‌ك بقه‌فته‌ك نێگرزا نابیت باخچه‌.

‎لدور مالا مه‌

Check Also

ئه‌ڤرۆ ده‌ر ئه‌نجاما هه‌مان عه‌قلیه‌تا سیاسیا دوهیه‌ به‌شێ دووێ

١٩٩٢- ١٩٩٤ باشورێ كوردستانێ ژ یه‌كین هه‌لبژارتن بو وێرانترین شه‌رێ ناڤخوه‌یێ د. شه‌عبان مزوری سه‌ره‌رای …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.