تالانكه‌ر و قومارچیێن باشور دبێژن هون ئازادن ده‌نگێ خوه‌ بده‌ن كێ و چبێژن لێ دێ‌ وێ كه‌ن یا ئه‌م دبێژین.

 

د. شه‌عبان مزوری
هه‌ر كه‌سێ مه‌لا به‌ختیار ناسكه‌ت و ژ نێزیك گوتنێن ڤی مروڤی دشوپینیت دێ گه‌له‌ك گه‌شبین بیت بسالا ٢٠١٨، چونكی مه‌لا به‌ختیار ئه‌م هوینكرینه‌ لهه‌ر ده‌ركه‌فتنه‌ك خوه‌ بوناڤا میدیا یانژی ئاخفتنه‌ك لكوره‌كی، لجڤاكه‌كێ بێی ده‌ره‌وه‌ك پر مه‌زن ده‌رباس نه‌كریه‌. مه‌لا به‌ختیار ده‌ما باسا هنده‌ك ده‌ڤه‌را دكر و چه‌وا جامێری خه‌باتكریه‌، قویناغا هه‌فتیه‌كێ بروژه‌كێ ده‌رباسدكر، هه‌لیكۆپته‌ر بده‌ستا دگرتن، لبه‌ژنێ بیكه‌یسی بو، لسه‌رملی تۆپا ٥٧ بو، دده‌سته‌كیدا ئارپیچی و دده‌ستێ دندا دوشك بو. گه‌له‌ك جاران ده‌ما مه‌لا به‌ختیار ده‌ست بدره‌وێن خوه‌ دكر‌ مروڤ دپرسه‌، ئه‌رێ گه‌لۆ ما مه‌لا به‌ختیار ئاگه‌دار نینه‌ كو بو خه‌لكێ خوه‌ دئاخڤیت نه‌ بو خه‌لكێ هند و یابانێ.
مه‌له‌ به‌ختیار پرانیا جاران مه‌لێن شیعا تینه‌ بیرا مروڤی، هه‌ما ده‌ست بئاخفتنێ كر ئێدی دوماهیك بو نینه‌، دهه‌می واره‌كیدا ئاڤه‌دانه‌، بسپورێ بێ به‌ڤله‌، كه‌سێ هه‌رێ نه‌ته‌وه‌یی یه‌، نڤیسكاره‌……هتد. تشتێ ژ هه‌میا گرنگتر نابیت كه‌س باسێ دیموقراتیه‌تێ بكه‌ت بێی مه‌لا به‌ختیار ببیر بینیت، به‌ختیار خوه‌ بخوه‌دانێ دیمۆقراتیه‌تێ دزانیت، سه‌ركێشێ بزاڤا سۆسیال دیموقراته‌ ل روژهه‌لاتا ناڤین. پێشه‌نگێ كه‌سێن سیكوله‌ره‌ ل كوردستانێ و روژهه‌لاتا ناڤین. هه‌لگرێ په‌یاما هه‌لبژارتنێن ئازاده‌. مه‌لا به‌ختیار بسه‌دان جاران گوتیه‌ كو ئه‌و هه‌می پێكولا دكه‌ت ژبو هه‌مو هێزێن چه‌كدارێن هه‌رێمێ یه‌ك بگرن.
بكوردی و بكورتی هه‌زار گوتن گوری كریاره‌كێ بن، مه‌لێ به‌ختیار دوهی راستیه‌ك گوت كو دبه‌ گه‌له‌ك خه‌لكێ گومان لسه‌ر هه‌با ده‌ما هنده‌ك كه‌سێن دن هه‌ر ئه‌و ئاخفتن كربا. مه‌لا به‌ختیار دبێژیت گرنگ نینه‌ یه‌نه‌كه‌ چه‌ند ده‌نگا بینه‌ د هه‌لبژارتنادا، چونكی یه‌نه‌كه‌ خوه‌دی هێزه‌ك چه‌كداره‌ وێ هه‌ر بمینه‌ بریارده‌ر ل باشور و گه‌فان دكه‌ كو كه‌س نینه‌ بكاریت وان ژچه‌ك بكه‌ت. دبه‌رنامه‌كێ ته‌لڤزیونیدا مه‌لا دره‌وین گوت ( چه‌وا ئه‌زدێ ئه‌ڤرو خه‌لكه‌كی تێگه‌هینم كو چه‌وا ئه‌م گه‌هشتین ڤێ ئه‌زمونێ و ڤێ روژا ئه‌م تێدا). ئه‌ز دبێژم مه‌لا به‌ختیار دبیت خه‌لك نه‌زانیت كانێ خوه‌شمێرێن وه‌ك ته‌ و ده‌سته‌كا ته‌یا تالانچی و قومارچیێن ده‌ستهه‌لاتدار لباشور به‌ری ٣٠ سالا چكرینه‌، لێ هه‌میا دیت چه‌وا ژ شنگال هه‌یا خانه‌قین وه‌ چولكر بێی هه‌لیكوپته‌ره‌ك بێت؟؟؟؟؟؟؟؟؟

‎لدور مالا مه‌

Check Also

هه‌یا ته‌ پێغه‌مبه‌ر هه‌بیت ئازاد نابی

د.شه‌عبان مزوری پرسا كوله‌تی و ئازادی یه‌كه‌ ژ پرسێن هه‌ره‌ زۆر ئاخفتن و نڤیسین لسه‌ر …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.