ئاپو ١٩ سال ژ به‌رخوه‌دانا زیندانێ

د. شه‌عبان مزوری
ئه‌ڤرۆ ١٩ سال ته‌مام دبن ژ ده‌ما سه‌ركرده‌ و بیرمه‌ندێ كورد به‌رێز عه‌بدوللا ئوجه‌لان ب كۆمپلویه‌ك نێڤنه‌ته‌وی ل نایروبی ل وه‌لاتێ كینیا هاتی ره‌ڤاندن و راده‌ست ده‌ستهه‌لاتدریا توركا داگیركه‌را باكورێ كوردستانێ كری. بهه‌می تێگه‌هشتنا توركا بگرتنا ئاپوی وه‌ك هنده‌ك سه‌رده‌مێن دن ژ مێژویا مه‌ وێ ته‌ڤگه‌را ئازادیخوازا كورد ل باكور ب پێشه‌نگیا په‌كه‌كێ و رێبه‌ریا سه‌روك ئاپو وێ ئاشبه‌تالیێ راگه‌هینه‌، وێ چه‌كێ خوه‌ راده‌ستی نه‌یارێ خوه‌ بكه‌، هنده‌ك ژ چه‌كداران وێ خوه‌ راده‌ستی ده‌وله‌تا داگیركه‌ر كه‌ن و پشتی ده‌مه‌كی تێخن زیندانێ، هنده‌ك ژ وان ئازادكه‌ن و هنده‌ك دن دزیندانادا ترور كه‌ن، به‌شه‌ك دن ژ چه‌كدارا وێ قه‌ستا باشورێ كوردستانێ كه‌ن و هنده‌ك وه‌لاتێن ئه‌وروپی. گرتنا سه‌روك ئاپوی توركا وه‌ك ماسترین قه‌هره‌مانیا خوه‌ بناڤكر دسه‌دا بیستاندا. ئه‌ڤ ناڤلێكرنه‌ بخوه‌ به‌رسڤ بو كو تازه‌ دێ سه‌رهه‌لدان و به‌رخوه‌دان ژچیان كه‌فته‌ باژاران.
ره‌ڤاندنا سه‌روك ئاپو هه‌ستا نه‌ته‌وه‌یی به‌رزكر دناڤ كوردان دا، راسته‌ به‌شێ هه‌رێ مه‌زن كو به‌شداری كارڤه‌دانێن ره‌ڤاندنا سه‌روك ئاپوی بوی هه‌لویسته‌ك ده‌مكی بو لێ دهه‌مان ده‌مێدا بده‌ها هه‌زاران خه‌لك لسه‌ر بیروباوه‌ره‌ك ل ناسمانا خوه‌ ڤه‌گه‌ران. ده‌وله‌تا داگیركه‌را تورك وی ده‌می و هه‌یا ئه‌ڤرۆ هه‌ولدده‌ت په‌كه‌كێ وه‌ك رێكخستنه‌ك تروریست شانی بده‌ت لێ ده‌ما نێزیك سه‌د كه‌سان ئاگر به‌ردان جانێ خوه‌ وه‌ك كارڤه‌دانه‌ك لسه‌ر گرتنا سه‌روك ئاپوی، وان سه‌لماند كو ئه‌ودكارن ته‌قاندنا بكه‌ن لێ ئارمانجا په‌كه‌كێ نه‌ مرنا خه‌لكه‌كیه‌ به‌لكو ژیانه‌ك ئازاد و سه‌رفه‌راز مافێ هه‌رتاكه‌ كه‌سی یه‌ و نابیت كورد ژڤی مافی بێپاربیت.
توركێن داگیركه‌ر دخواستن ژبیر بكه‌ن كو په‌كه‌كێ لناڤ زیندانا شوینا مرنێ سه‌رهه‌لدایه‌، دروشمێ په‌كه‌كێ هه‌رده‌م دگوت به‌رخوه‌دان ژیانه‌ و وی ده‌می هه‌یا ئه‌ڤرۆ دبێژیت مه‌ دوو بژارده‌ هه‌نه‌ سه‌ركه‌فتن و سه‌ركه‌فتن بژاردا سێیه‌مین نینه‌. راسته‌ فیزیكی ئاپو دزیندان دایه‌ لێ ده‌رونی هه‌مو سه‌ركردێن ده‌وله‌تا داگیركه‌را تورك ژ ترسا ناڤێ وی دزیندان دانه‌ و بدیتنا وێنێ سه‌روك ئاپو ته‌پ ( ئێپیلێپسی، سه‌رعه‌ ) وان دگره.
به‌ره‌ڤاژی هه‌می پلانێن توركا بگرتنا ‌سه‌روك ئاپو هه‌ر سال دچو بنگه‌هێ ته‌ڤگه‌رێ نه‌ك ته‌نها لباكورێ كوردستانێ به‌لكو ل كوردستانێ بگشتی ئاپوچیاتی خورت و به‌لاڤ دبه‌. ئاپوچیا ماسترین قه‌هره‌مانی ددیروكا كورداندا هه‌یا ئه‌ڤرۆ توماركرینه‌. سه‌رده‌مه‌كێ مه‌ چیروكێن به‌رخوه‌دانێن گه‌لێن دن بشانازی دخواند و لسه‌ر ئاخفتن دكر، ئه‌ڤرۆ ئاپوچیێن كورد نه‌یار به‌ری دوستا، دویر به‌ری نێزیكا سه‌رسورمایكرن بهه‌لویستێن خوه‌. پرانیا مه‌ كوردا كوده‌نگ بوین كو پوستكوبانیزم وه‌رچه‌رخانه‌ك تازه‌یه‌ د به‌رخوه‌دانا گه‌لێ كورد دا، لڤێره‌ دڤێت راشكاوانه‌ بێژم مه‌به‌ستا من ئاپوچینه‌ و ته‌نها ئاپوچینه‌.
به‌رخوه‌دانا سه‌رده‌مێ ل ئه‌فرینێ به‌ری هه‌مو كه‌سی به‌رهه‌مێ ته‌یه‌ سه‌روك ئاپو، به‌رهه‌مێ مه‌زلومه‌، عه‌گیده‌. هه‌رچه‌نده‌ تو دناڤا زیندانادای لێ روحا ته‌، هزر و رامانێن ته‌ ددلێ ملیونا كوردا دایه‌. رویره‌ش بیت هه‌ركه‌سێ به‌شداری دره‌ڤاندن و راده‌ستكرنا ته‌ بوی بو ده‌وله‌تا داگیركه‌را تورك. بمرن چاڤشور، بمرن سه‌ركردێن ترسینوك. بژیت و هه‌ردێ ژیت سه‌روك ئاپو.

‎لدور مالا مه‌

Check Also

ژن ھەیا ھێلا ھشیاریێ نەگەھینیت نکاریت ژیوارێ ژنێ دەستنیشان بکەت

    هێلانا چیا ھەیا کو مروڤ دانپێدانێ ب وێ یەکێ نەکەت؛کو ھشیاری دکاریت خەونێن …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.