بوچی یاخی ببین ؟

ئارمانج گوهه‌رزی

ژخوە دبە دەسپێکێ مروڤ د ئەقلێ خوەدا گەهابیتە وێ باوەریێ کۆ یاخی ببیت . و نە وەک کەرب یانی تولڤەکرن ژ پارتەکێ یان گروپەکێ یان ژی کەسایەتیێ و بنەمالەکێ یان ژی عەشیرەکێ ، گەر ئەڤ یاخی بوون بیت . پێدڤی یە وەک زەلامێن بەرێ خوە ل سەری هەیا بنی بکەیە ئاگر و دکونجێن تاری دا خوە ڤەشێری . هەیا نێچیرا دکەڤیتە داڤێ و داوی ب وێ یاخی بوونێ بینی . ل ڤر ئەڤ ناچیتە دچارچوڤێ یاخی بوونەکا مەعریفی یان بێژین دژی سیستەم یان دەسەلات و داب و نەریت و کەلتورەکێ . ژبوونا کۆ ژ بوو ڤێ یاخی بوونێ زانابوون و پلان و ستراتیژی و مەعریفە و ئیرادەکا ب هێز و زێدە دڤێت . روژەک و دو نینە یان سالەک و دو یان ژی تەنها هەڤرکەکێ دیارو ئاشکرا . بەروڤاژی بخوە شورەشەک هزری یە . ئەڤ ژی وێ ب هزاران دوژمنا ب ئافرینیت و ل هەمی قادێن ژیانێ دا . ژبونا ڤێ یە ، دەمێ ئەم دبێژین بوچی یاخی ببین .

دبە دناڤ خوەدا ل ڤێ پرسێ بگەرین و بەرسڤا وێ پەیدا بکەین. پاش خوە ڤەبەژینین . دەمێ ئەم گەهاینە باوریەکا موکۆم . کۆ یاخی بوون وەک پێدڤی یەکا مانی یان ژی ڤەگەراندنا کەرامەت و ژیانەک نوو یە . و بازدانە ل سەر دەسەلاتەک . کەلتور و فەرهەنگەکا کلاسیک . دەرباز بوونە ژ خێزانەک ڤەمای . دەرباز بوونە ژ زێهنییەتەکا تاپوکری . دەرباز بوونە ژ کومەلگەهەکێ مری و ڤەمای . یانی ب کورتی بەری هەرتشتی خوە خلاسکرنەکا کەسایەتیێ یە ژ وێ کەسایەتیا سەختەیا بو مە هاتییە چێکرن بێ خواستا مە ، بێ ئیرادە و دور ژ دونیا بینیا مە ،
ئەها ل ڤر دەمێ ئەم یاخی دبین نابیت وەک بابێن خوە ژبوونا کۆ ” ژن ” گوهدار و بن فەرمانا مە بیت ، هزر بدەست خستنا گوپالەکێ مەزندا بکەین ، دەمێ ئەم یاخی دبین نابیت پارتەکا سیاسی بکەینە تەنها رزگارکەر، و هەبوون نەبوونا خوە د مان و نەمانا وێ دا ببینین ، نابیت کارێزما بوونا کەسەکێ بگەهە رادێ پەرستن و خودا بوونێ . دەمێ ئەم یاخی دبین نابیت دەست کوژێ ئیزدییەکێ ب حەرام بزانین . دەمێ ئەم یاخی دبین نابیت جێوازیێ دناڤبەرا مەسیحییەکێ و بسلمان و کاکەیەکێ دا بکەی . نابیت ب چ رەنگەکێ خوەدی دوگمابوونا ئەقلی . هزری . ئیدولوژی . مەزهەبی . نەتەوپەرستی ببی . حەرامە یاخی ببی و هەلگرێ هەمان زێهنییەتا باب و باپیرا بی ، ژخوە ئەڤ تاوانەک مەزن و بێ رێزیەک مەزنە دەر حەق پەیڤا “یاخی” بوونێ . یاخی بوونەکا خورت و بهێز کۆ بخازیت گوهارتنێ بکەت . بخوە شورەشەکا هزریە . کۆ ل دەسپێکێ د مروڤی دا سەرهەلددەت و پاش ڤەدپەشیتە دەردورێ مروڤی و مەزن دبە …..

‎لدور مالا مه‌

Check Also

پێچا خوه‌ هه‌لده‌

ئارمانج گوهه‌رزی خێرە تە هەستێن عەشقا خوە ریس بەردانە ڤان کولانا ، هەیا پیرە و …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.