قه‌نجی لكرمانجی نابیت؟؟؟؟؟؟؟؟

د.شه‌عبان مزوری
بسالانه‌ من لگه‌ل زۆر هه‌ڤال و تێكه‌لێن خوه‌ باسی ڤێ گوتنا هه‌نێ كریه. وه‌ك ئه‌م دزانین په‌یڤا كرمانج هاوشێوه‌ی په‌یڤا كورده‌ دنڤیسین و گوتنا كوردیدا ژده‌رڤه‌ی هنده‌ك هه‌رێما كو كرمانج پتر تێ ناسكرن وه‌ك ڤه‌هه‌ویای یانژی وه‌راز. چه‌ند ساله‌ ئه‌ز لسه‌ر ڤی بابه‌تی كارێ هزری دكه‌م ژبو بگه‌هم سه‌رئه‌نجامه‌كا به‌رسڤا پرسا من بده‌ت : چه‌وا دبیت نه‌ته‌وه‌ك بته‌مامی هه‌ژی قه‌نجیێ نه‌بیت؟ ره‌فتارێن كومه‌لایه‌تین كوردا یێن بنگه‌هین چه‌ند جودایی هه‌یه‌ لگه‌ل نه‌ته‌وێن دراوسێ؟
ئه‌ڤ پرسه‌ هه‌ر ژده‌مێ گه‌نجیا خوه‌ هه‌یا رۆژا ئه‌ڤرو رۆژانه‌ به‌شه‌ك ژ جه‌نگا من لگه‌ل ژیانێ بویه‌. بوچی؟؟؟ چه‌وا؟؟؟؟ ما دیبیت؟؟؟؟ ئه‌ڤه‌ راستیه‌ یان دره‌وه‌ وه‌ك پرانیا ژیانا مه‌؟؟؟؟؟؟
گوتنا قه‌نجی لكارمانجی نابیت جڤاتا كوردی بباوه‌ریا من خسته‌ت كێشه‌ك ده‌رونی دا. ژ ئالیه‌كیڤه‌ كه‌سێن پێچێبوی هه‌می بئه‌ركێ خوه‌ نارابن هه‌بمه‌ر كه‌سێن ده‌سته‌نگ یانژی كه‌سێن پێویستی بهاریكاریێ هه‌ی، چونكی بدیتنا پرانیا مالداران مروڤێن ده‌ست كورت نه‌ هه‌ژی هندێنه‌ قه‌نجی لگه‌ل بكه‌ی و ژ لایه‌ك دنڤه‌ كه‌سێن پێویستی بهاریكاریێ هه‌ی بچاڤێ كه‌سێن ساویلكه‌ و نه‌فام ته‌ماشه‌ی وان كه‌سێن مالدار كریه‌ یێن قه‌نجی بوانرا كری. خواندنه‌ك بوڤێ په‌یوه‌ندیا نه‌ ته‌ندوروستا جڤاكی لناڤبه‌را كه‌سێ ده‌ست ته‌نگ و كه‌سێ پێچێبوی بخوازی نه‌خوازی ره‌نگه‌ك بێباوه‌ری، حه‌سودی، چاڤپێ نه‌رابون، نه‌ڤیان و خیانه‌ت لناڤ جڤاكێ دكه‌ته‌ كاره‌ك ئاسایێ.
بباوه‌ریا من بخوه‌ هه‌ر ئه‌ڤه‌یه‌ ناڤه‌روكا ره‌وشا هه‌رده‌می كورد خستینێ. وه‌ك زانایه‌ مالبات ژ مالا دوروست دبن، ئویجاخ ژ بنه‌ مالا، گوند ژ ئویجاخا، باژاروك ژ گوندا، باژار ژ باژاروكا و وه‌لات ژ باژاران پێكتێن. چاڤدێریه‌ك بوژدان هه‌ركه‌س بكه‌ لده‌ور و دورێن خوه‌ دیمه‌نه‌ك نه‌ خواستی و تراجیدی لێ دهه‌مان ده‌مێدا راستی تێ به‌رچاڤ كو ئه‌وژی پرانیا تێكه‌لیێن جڤاتیێن كوردا لسه‌ر بنه‌ماك دره‌و دوروست بونه‌. دره‌و كرن لگه‌ل خوه‌ به‌ری لگه‌ل كه‌سه‌ك دن. هه‌ر مروڤێ دره‌وێ دكه‌ زانایه‌ كو ئه‌و بخوه‌ به‌ری كه‌سێن دن دزانه‌ دره‌وه‌. تراجیدیا هه‌را مه‌زنا كه‌سێ كورد بباوه‌ریا من ئه‌وه‌ كو دخوازه‌ ده‌رباسبویا خوه‌ ژبیر بكه. بو نمونه‌‌ ئه‌گه‌ر كه‌سه‌كی ژیانا خوه‌ بستیخواری ده‌رباسكربه‌ و پاشان ره‌وشا ویا ئاباوری به‌ره‌ف باشی بهێت گوهارتن ناخوزیت بمینیت وه‌ك هه‌ی، دێ هه‌ولده‌ت كه‌ساتیه‌ك نو ژخوه‌را بئافرینیت و یه‌كه‌مین گاڤ تێكدانا تێكه‌لیایه‌ بتایبه‌تی لگه‌ل وان كه‌سێن هاریكاریا وی كرین ده‌ما ده‌سته‌نگیێ، جونكه‌ بو وی دیتنا وان بیرهاتنا مێژویا ده‌سته‌نگیا ویه‌، به‌ره‌ڤاژی ڤێ چه‌ندێ دیتنا وان كه‌سێن هاریكاری بكه‌سێ ده‌سته‌نگ راكری پێویستبو ببا هانده‌ره‌ك مه‌زن بو وی كه‌سێ ئه‌ڤرۆ ره‌وشا ئابوریا باشبووی ژبو هاریكاریا كه‌سێن پێتڤی هاریكاریێ‌.
ئه‌ڤ بێ ره‌وشتی و بێ سوزیه‌ دیار دبه‌ هه‌یا دئاستێ كه‌سێن خوه‌ بو سه‌رده‌مه‌كی وه‌ك پێشه‌نگێن جڤاكێ ناسكریه‌ و دپلێن به‌رز و به‌رچاڤ دا بوینه‌ د قویناغێن جودایێن سه‌رهه‌لدان و به‌رخوه‌دانێن كوردا ل هه‌رێمێن جودایێن كوردستانێ. جاشاتی بو نه‌یارا هیچ ده‌ما نه‌هاتیه‌ شه‌رمزاركرن بشێوه‌كی كو ئه‌ڤ نه‌ریتا هوسا چه‌وت بنبربیت، خه‌نجه‌ر لپشتا هه‌ڤدودان كاره‌ك ئاساییه‌، سیخوری بو نه‌یارا پیشه‌یه‌…..هتد ژ كارێن چه‌په‌ل.
مه‌ زۆر نمونه‌ هه‌نه‌ كو چه‌وا هه‌ڤالێن هه‌رێن نێزیك لده‌رفه‌تێن ته‌نگاڤ پشت ل هه‌ڤالێ خوه‌ كریه‌ یانژی هه‌می شكه‌ستنێن خوه‌ خواستینه‌ بخنه‌ پالملێ كه‌سه‌كی كو هه‌یا رۆژا به‌ریهنگی بو وان فه‌یله‌سۆف بویه‌. چاكترین نمونه‌ ئاشبه‌تالیا په‌ده‌كا عیراقێ لسالا ١٩٧٥ لباشورێ كوردستانێ، هه‌ر پشتی ده‌مه‌ك كورد پرانیا ئه‌ندامێن سه‌ركردا په‌ده‌كێ وی زه‌مانی هه‌می تاوان خسته‌ پال مه‌لا موسته‌فا بارزانی و گوتنا نه‌ شرین و كرێت نه‌ما لسه‌ر نه‌گوتین و نڤیسین. هه‌مان كه‌سان پشتی نێزیك ٢٠ سالا په‌نابرن بو كورێ مه‌لا موسته‌فای وه‌ك هه‌ڤالێن بابێ وی، باشه‌ مروڤ بڤی ره‌نگی بێ ره‌وشت و سڤك لناڤ گه‌لێن دن هه‌نه‌، ئه‌ڤ دیمه‌نه‌ لناڤ كیژان نه‌ته‌وێن دن هه‌یه‌؟. ئه‌ز دخوازم خه‌لكێ مه‌ هه‌ڤالێن سه‌ددام حوسه‌ین ل دادگه‌هێ بینن به‌رچاڤێن خوه‌، هه‌می هه‌ڤالێن سه‌ددام لدادگه‌هێ سه‌ددام بسه‌روك بناڤ دكر، براستی هه‌ڤالینی وه‌ك وانه‌، نه‌گرنگه‌ بسه‌ركه‌ڤی یان بشكێی لێ گرنگه‌ پشت لهه‌ڤالێ خوه نه‌كه‌ی و به‌شێ خوه‌ ژخه‌لاتی یان تاوانێ وه‌رگری.
به‌شه‌ك دن ژڤێ كاره‌ساتێ ئه‌وه‌ كو تاكه‌كه‌سێ كورد هه‌رده‌م هه‌ولدایه‌ خوه‌ لگه‌ل ره‌وشێ بگونجینیت و هه‌لگرێ په‌یاما كێ ده‌یكامه‌ ماركر ئه‌و بابێ مه‌یه‌، ئانكو خوه‌دی خوه‌ندنه‌ك، پرۆژه‌ك و بیروكه‌ك نه‌بویه‌. هه‌رده‌م هزر ته‌نگ بویه‌، دویربون نه‌بویه‌، ئه‌ڤرو بقه‌تیێت هه‌یا سوبه‌ خوه‌دێ كه‌ریمه‌، دونیا ره‌ڤو رویه‌ هه‌ركه‌سێ ده‌عوه‌ت لخوه‌یه‌. بكورتی دیمه‌نه‌ك قه‌ره‌چێت ئاكنجی تینه‌ به‌رچاڤێت مروڤی. كورد شانازیێ دكه‌ت كو پرانیا كوردا بێ شه‌ر بوینه‌ موسلمان، ئه‌ز باوه‌ر دكه‌م كورد دڤێت شانازیێ بكه‌ن كو هه‌می ده‌ما پرانیا وان بوینه‌ هه‌رتشته‌ك بێ شه‌ر، ته‌نیا نه‌بوینه‌ كورد. لێ براستی ئه‌ڤه‌ جهێ شانازیێ یه‌ یانژی جهێ سه‌رشوریێ یه‌؟
بوچی پرانیا مروڤایه‌تیێ بیره‌وه‌ریا دكه‌ت؟
مه‌ چه‌ند جوره‌ بیره‌وه‌ری هه‌نه‌، یه‌ك ژوان بیره‌وه‌ریێن خوه‌شن و یه‌ك ژوان بیره‌وه‌ریێن نه‌ دلخوازن یانژی نه‌خوه‌شن. نه‌ هه‌می بیره‌وه‌ریێن خوه‌ش وه‌ك هه‌ڤن و نه‌هه‌می بیره‌وه‌ریێن نه‌خوه‌ش وه‌ك هه‌ڤن له‌وما ئه‌م هه‌می بیره‌وه‌ریا ناكه‌ین. بباوه‌ریا من ده‌ما هه‌ر تاكه‌كه‌سه‌ك یان كۆمه‌له‌ك مروڤ بیره‌وه‌ریه‌ك خوه‌ش دكه‌ن مه‌به‌ستا وان كو ئه‌و خوه‌شی دوباره‌ و به‌لاڤبن، ده‌ما بیره‌وه‌ریا تشتێن نه‌خوه‌ش و نه‌دلخواز دكه‌ن مه‌به‌ستا وان ئه‌و نه‌دلخوازی و نه‌خوه‌شی دوباره‌ نه‌بن و بنبر بن.

‎لدور مالا مه‌

Check Also

كاره‌با هه‌رێما كوردستانا عیراقێ لناڤبه‌را چاره‌سه‌ری و نه‌خواستنا چاره‌سه‌ریێ

د.شه‌عبان مزوری ڤان رۆژان دیسان بئه‌گه‌را بوها بونا نرخێ كاره‌با ماتورا جاره‌ك دن بابه‌تێ كاره‌با …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.