به‌نیا كرین و فروتن پێتێ كرن نه‌ كه‌سێن ئازاد

د.شه‌عبان مزوری
ببریارا ڤه‌كێشانا له‌شكه‌رێ خوه‌ ژ سوریا ژ لایێ سه‌روكێ ئه‌مریكا دونالد ترامپ، به‌شه‌ك مه‌زن ژ كوردێن مه‌ ڤه‌گه‌ران لێدانا ئاوازێن كه‌ڤن ( ئه‌مریكا جاردن ئه‌م فروتین، كه‌س دوستێ مه‌نینه‌، دونیا هه‌می دوژمنا مه‌یه‌ ) و گه‌له‌ك گوتنێن دیێن هاوشێوه‌. بباوه‌ریا من هه‌می تشتێ هاتبیت كرین تێ فروتن ژی. ئه‌ڤه‌ یه‌ك ژ بنه‌مایێن سه‌ره‌كیێن بازارێ نه‌، بازار پێكهاتیه‌ ژ دو ره‌نگێن كرین و فروتنا، یه‌ك وه‌ك كه‌ره‌سته‌ و دویه‌مین وه‌ك خزمه‌ت. هه‌ركه‌س كرینا تشته‌كی بكه‌ت مافێ وی هه‌یه‌ لده‌لیڤا گونجای بو وی فروتنێ پێبكه‌ت. ئه‌ڤه‌ بره‌نگكه‌ك گشتی دیتنا منه‌ لسه‌ر پرۆسێسا كرین و فروتنێ لبازارێ.
ئه‌گه‌ر بو ده‌لیڤه‌كه‌ك كورت ژی هنده‌ك كوردا بتایبه‌تی یێن خوه‌ خوانده‌ڤا و ره‌وشه‌نبیر دزانن هزرا خوه‌ كربا د رستا( ئه‌مریكا جاردن ئه‌م فروتین )، كانێ ئه‌ڤ رسته‌ رامانا وێ چیه‌، دڤیابا ئه‌گه‌ر شه‌رم هه‌با وان خوه‌ كوشت بانه‌. ته‌نها به‌نیا كرین و فروتن پێتێكرن، كه‌سێن ئازاد نایێن كرین بو بێنه‌ فروتن. كوردێن ئازاد نایێن فروتن چونكه‌ ته‌نها ملكێ خوه‌نه‌ لێ كوردێن خوه‌ فروتی مافێ بكریه‌ بكه‌یفا خوه‌ نرخی بو دانه‌ و بفروشه‌.
ئه‌م ڤه‌گه‌رن سه‌ر رۆژئاڤایێ كوردستانێ كو نهو روژه‌ڤه‌، ئه‌مریكا و هیچ وه‌لاته‌ك نكاره‌ بفروشه‌ چونكی وان خوه‌ نه‌فروتیه‌ كه‌سه‌كی. هه‌ر ژ ده‌ستپێكا ئالۆزیێن سوریا و هه‌یا به‌رخوه‌دانا كوبانێ بدوماهی هاتی خه‌لكێ مه‌ ل رۆژئاڤا بده‌ستێ خوه‌ سه‌دان سینگ ل هێزێن جودایێن دورونده‌ دان و كارین بكێمترین زیان به‌راورد لگه‌ل هه‌می سوریێ خوه‌ بپارێزن، بلا ئه‌م مێژویێ ژبیر نه‌كه‌ین شه‌رێ سه‌رێ كانیێ یه‌كه‌مین شه‌ر بو كو ته‌روریستێن قاعده‌ و چه‌په‌لێن دیێن ته‌روریستێن موسلمان ژ توركی را كه‌فتن رۆژئاڤا لێ كه‌له‌خێن وان لمه‌یدانێ مان و به‌شه‌ك ببرینداری ره‌ڤین ناڤا توركی. نمونه‌ زۆرن پێو‌ّیست ناكه‌ت لسه‌ر هه‌میا راوه‌ستین.
ل بوهارا ٢٠١٥ ئه‌مریكا ده‌ستكر بهاتنا خوه‌ بو رۆژئاڤا، هه‌ر ژ كه‌تنا ئه‌مریكا بو رۆژئاڤا هه‌یا رۆژا ئه‌ڤرو من ژده‌ڤێ هیچ كه‌سه‌كی ژ به‌رپرسێن سیاسی و له‌شكه‌ری ل رۆژئاڤا نه‌ بهیستیه‌ كو گوتنه‌ك ژی كربیت لسه‌ر په‌یمانه‌كێ، لهه‌ڤهاتنه‌كێ لگه‌ل ئه‌مریكا یانژی لایه‌نه‌ك دن. هه‌رده‌ما پرس لسه‌ر ڤی بابه‌تی هاتیه‌ هه‌می به‌رپرسێن رۆژئاڤا گوتنه‌ ( ئه‌مریكا مه‌ داخواز نه‌كریه‌ و ده‌ما هاتی پرس بمه‌ نه‌كریه‌، لێ ژبه‌ر ئارمانجا هاوبه‌ش كو ئه‌وژی جه‌نگێ دژی ته‌رورێ یه‌ مه‌ هه‌ماهه‌نگیه‌ك بهه‌ڤرا هه‌یه)‌. چه‌ند رۆژ دچون پتر ئه‌مریكا لسه‌ر رۆژئاڤا دئاخفت و په‌سنێن هه‌م جورێ رێڤه‌به‌ریا وان ددان و هه‌م په‌سنێن مێرخاسیا شه‌رڤانێن وان ددا. هه‌رده‌ما ئه‌مریكا داخویانیه‌ك دابیت لسه‌ر سوریا، به‌رپرسێن رۆژئاڤا گوتنه‌ ئه‌ڤه‌ بریارا وانه‌ و ئه‌م ته‌نها پێگیریێ ب بریارێن خوه‌ دكین.
هه‌لبه‌ت هه‌بونا ئه‌مریكا ل رۆژئاڤا ڤان چوار سالێن داوی بارسڤكیه‌ك بو بو خه‌لكێ مه‌ لشه‌رێ وی دژی هێزێن دخواستن وارێ وان داگیركه‌ن و مالێ وان تالانكه‌ن. هه‌رده‌ما ئه‌مریكا ده‌ركه‌ڤیت بدیتنا من دڤێت ئه‌م هه‌می كوردێن وه‌لاتپه‌روه‌ر سوپاسیا ئه‌مریكا بكه‌ین وه‌ك سه‌ركرده‌ و وه‌ك گه‌ل ژبو وێ هاریكاریا ئه‌ڤه‌ چه‌ند ساله‌ ژبو مه‌دكه‌ن دهه‌می ئاسته‌كیدا. چه‌وا من دگوت عه‌فرین دبیت بكه‌ڤیت و بێت داگیركرن لێ بێ به‌رخوه‌دان نایێت چولكرن وه‌سا هه‌می رۆژئاڤا دبه‌ بێته‌ داگیركرن لێ كه‌س ئالا سپی ناراكه‌ت، به‌رخوه‌دان ژیانه‌ و ته‌نها ژیانا ئازاد ژینه‌.

‎لدور Malame

Check Also

كێشه‌ نه‌ كورده‌، كوردبونه

شه‌عبان مزوری هه‌ر مروڤه‌ك لسه‌ر رویێ زه‌مینی هه‌لگرێ هنده‌ك ناسنامایه‌، واته‌ مروڤ تێ ناسین لناڤا …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.