ئەڤرو ژ سبە باشترە

د.شه‌عبان مزوری
٢٦\٠٩\٢٠١١
هەرچەندە ئەڤە بسالانە گەلەک رەوشەنبیر، زانا، بسپور و نڤیسکار ددەلیڤێن جودادا ئاگاداری داینە سەرکردایەتیا پدکێ و ینکێ وەک ‌هێزێن دەستهەلاتدار ل باشورێ کوردستانێ دەربارەی سیاسەتا چەوتا ل گەل بەغدا لێ مخابن ڤان هەردو هێزا ج پویتە ب راهنەمایێن ڤان کەسا نەدا. ئەز بپێویست نزانم دڤێ نڤیسینا خوەدا لسەر هندی راوەستم کانێ بوچی ئەڤ هەردو هێزە ڤێ رەفتارێ لگەل رەوشەنبیرێن مە دکەن، لێ تشتێ بومە گەلەکا زەلال ئەوە کو پرانیا کەسێن هەیا ئەڤرو ل بەغدا کارکرین کەسێن هەرێن نە بسپور و نەزان بوون، ئەڤێن زاناژی مخابن هەمی تشتەک گوری هندەک پارا و بەرژەوەندیێن کەساتی کرن.
ئەم دبینین ڤی دوماهیێ جارەک دن ناڤبەرا دەستهەلاتا بەغدا و هەرێمێ شەرە دەڤی دەستپێکریە، وەک هەمی جارەکێ دەستهەلاتا هەرێمێ دڤێت ل خەلکی تێکدەت، ئەگەرا ناکوکیا ب باوەریا من ب راستی نابێژیت. ژ سەروکێ هەرێما هەیا دگەهیتە بەرپرسێن پایەدارێن بچویک د پدکێ و ینکێ دا باسا مادێ ١٤٠ دکەن، باسا تەکرەویێ دکەن، ب هێزێن نەفەرمی دکەن لێ باسا ئەگەرا سەرەکیا ڤێ ناکۆکیێ ناکەن کو ئەوژی گرێبەستێن نەفتێ نە. د سەرەدانا خوەدا بو پارێزگەها سولێمانیێ و دەڤەرێن گرێدای ئیدارا ینکێ سەروکێ هەرێمێ مەسعود بارزانی د هەمی دیتنێن لوێ دەڤەرێ سازکرین بکورتی یان بدرێژی لسەر ڤێ چەندێ ئاخفت.
بو هەرکەسەکێ پیچەک دیڤچوونا پەیوەندیێن هەرێمی لگەل بەغدا کربیت ئاشکرا دبیت کو دەستهەلاتدارێن کورد هەردەما باسا پارا یان نەفتی هاتیە کرن گەفێن خوە کێشانی ژ پرۆسێسا سیاسی ل بەرپرسێن بەغدا کرینە، ئەڤ جارەژی وەک جارێن بەرێ یە. بەری دەمەکی یاسا نەفت و گازا ل عیراقێ دەرچو کو نە لگۆر بەژەوەندیا بەرپرسێن هەرێمێ یە بباوەریا من لەوما ڤێ شەرە دەڤێ دەستپێکر. وەک من نڤیسی ل سەری بەرپرسێن هەرێمێ باسا ڤێ چەندێ ناکەن.
ژ خالێن بالکێش بومن دەما سەروکێ هەرێمی باسا رەوشا هیزێن لەشکەری یێن عیراقێ کری، مەسعود بارزانی د بێژیت لەشکەرێ عیراقێ بچەندا جارا پتر ژمارا خوەیا راستە، چەندا فورقێن لەشکەری هاتینە دوروست کرن لبن ناڤێن جودادا، یا هەرا بالکێش دەما گۆتی ئەو فورقێن لەشکەری یێن کوردا سەنگەک دناڤدا هەی بزانا بوون بەرپرسێن بەغدا ناهێلن بچەکێن گران بێنە چەکدار کرن، جەنابێ سەروکێ هەرێمێ ما ئەڤ پێزانینە تازە گەهشتینە جەنابێ تە. یا ئەز دزانم سەرلەشکەرێ عیراقێ ژ پارتی وەیە، هەروەسا ئەوەی دوروست کرنا لەشکەرێ عیراقێ پشتی نەما رژێما بەعس ئەو کەس سەرلەشکەرە، لڤێرە جەنابێ وە گازندێ ژکێ دکەت. ماکێ بەرپرسێن بەغدا داناینە، وە. ماکی دکاریت وان بگهوریت هون. باشە ما گوننەهە هندەک کەس بێنە گوهارتن یانژی لێپرسین لگەل بێتە کرن کانێ تاوانا کێ بویە ئەم گەهشتینە ڤێ رەوشێ. من بخوە د پرانیا دەرفەتێن بۆمن هەلکەفتین چ ل هەرێمێ بیت یان ل دەرڤەی هەرێمێ بیت باسێ ڤێ مەترسیێ کریە، هەروەسا وەک من ئاماژە پێکری لسەری گەلەک کەسان هەولدا هشیاریێ بدەت وەیێن دەستهەلاتێ لێ موخابن دەستهەلاتدارێن مە دگوت ئەم هەفپەیمانێن ستراتیجیێن ئەمریکاینە و بەغدا بێی مە نکاریت چبکەت. ئەڤرو دەرکەفت کو چراستی بو ڤی تشتی نەبو. چونکی ئەم دزانین هوکمەتا ناڤەندی بەردەوام چەک دکری، ژ چەکێن سڤک هەیا فروکێن لەشکەری، کو چ چەکەک ژوان نەددانە لەشکەرێ کوردی.
جارەک دن وەک هەردەم مادێ ١٤٠ کەفتە رۆژەڤێ، بناڤێ داکوکی کرن ژ دەڤەرێن ڤەقەتیای ( وەک دەستهەلاتدارێن مە بناڤ دکەن)، بوچی هەیا نوكە ڤەقەتیای مان بەرسڤا وێژی نینە، وەک ئەم دزانین لیستا دەستهەلاتێ هەیا ئەڤرو که‌فتی یه‌ هەلبژارتنا لبن درویشمێ ڤەگەراندنا هەرێمێن ڤەقەتیای و هەیا ئەڤرو هەر ڤەقەتیای ماینە، پرس گەلۆ هەیا کەنگی ئەڤە دی نانی خوە بڤان هەرێما خون. سەروکێ هەرێمێ هەیا ئەڤرو باسا نەهێلانا دو ئیدارا دکەت ژ لایەکێ دن دبێژیت پەیمانا ستراتیجی ل ناڤبەرا پدکێ و ینکێ کەس نەشێت خراب کەت. باشه‌ پرسا بومە هەمیا ماکیە ئەگەرا بەردەوام بونا ڤێ رەوشێ، مانێ هەر هوینن ئانکو پدکە و ینکە. ماکێ رێ لوە گرتیە یان ئاستەنگ بو وە دوروست کرینە.
لڤێ رەوشا ئەم تێدا مە چ ئەلترناتیڤ هەنە، ژ خوەندنا من بو بوچونا دەستهەلاتداریا کورد خویا دبیت کو چ فێرنەبوینە ژ سەربورێن بوری. بەرپرسێن مە بشانازی دگوت مە مالکی کرە سەروک وەزیر، باشە گەلۆ بومە گۆهارتنا کەسا گرنگە یانژی سیستەما دەستهەلاتداریێ؟ پرسا دن نێزیک بونا مە ل گەل لیستا عیراقیە پتر ژ دوژمنداریا مالکی و هەڤالێن وی دێ بومە جئینیت؟ باشە ما ‌‌ژ سالح موطلەگ و نجێفی خرابتر ئەڤرو هەنە ژبو کوردا ل عیراقێ. وەسا دیارە دەستهەلاتدارێن مە ژبیرکرن کو لژێر ترورا نجێفی و برایێ وی ب ١٠ هەزار کوردا ژ باژارێ میسل هاتن دەرخستن و هەروەسا ب هەزارا هاتن کوشتن، سالح موطلەگ و کەڤنە شوفینیێن عەرەب ب هەمی شیانا خوە و ئاشکرا شەرێ گەلێ کورد کریە ل کەرکوک.
چارە هەنە ژبو ڤێ رەوشێ لێ بەری هەمی تشتەکی دڤێت:
١/ دەستهەلاتداریا کورد ل سەر هەمی ئاستەکی شکەستنا خوە راگەهینیت.
٢/ هەلبژارتنێن تازە یێن پەرلەمانی و سەروکاتیا هەرێمی بێنە کرن دناڤ ٦ هەیڤادا.
٣/ لپال هەلبژارتنا رێفێرەندوم بێتە کرن لسەر مانا باشورێ کوردستانێ دناڤ دەولەتا عیراقێ دا.
٤/ سەروک کومارێ عیراقێ دەست ژ کاربکێشیت.
٥/ لیستا کوردستانی ژ حوکمەتا مالکی دەرکەڤیت.
٦/ دڤێ ناڤبەرێدا دڤێت هەمی رەنگێ دان و ستاندنا لگەل بەغدا بدوماهی بێت. دڤێت برەنگەکێ فەرمی دەستهەلاتدارێن ئەڤرو ڤێ یەکی راگەهینن.
گوتنەک روسا هەیە دبێژن درەنگ باشترە ژ چنە، لەوما ئەژی دبێژم بەرێز سەروکێ هەرێمێ ئەڤرو باشترە ژ سوباهی، هەرچەند زویتربیت، هەرچەند کێمتر دێ ژ دەستدەین؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

‎لدور مالا مه‌

Check Also

شولكه‌رێ خوه‌به‌ خوه‌شتڤیێ خه‌لكێ… رۆژئاڤا

د. شه‌عبان مزوری من دڤێت ژ هندێ ده‌ست پێبكه‌م كو رۆژئاڤا نه‌ ئوتوپیایه‌ و بڤی …


هه‌ر بابه‌ته‌كێ به‌لاڤكری ده‌ربڕینێ ژ بۆچونا نڤێسه‌رێ بابه‌تی دكه‌ت و ماڵامه‌ ئینفو ژێ به‌رپرسیار نینه‌.