ئەڤە چەندین ساڵە حکومەتا هەرێما کوردستانێ (نەخاسمە ژی رێڤەبەرییێن خۆجهییێن ئێک ب دووڤ ئێکێن دهۆکێ) سۆزان ددەن و دبێژن کو دێ ئاڕێشەیا هشکەڕۆی چارە کەن، لێ حکومەت هاتن و حکومەت چوون، پارێزگار هاتن و پارێزگار چوون، قائیمقام هاتن و قائیمقام چوون، باژێڕڤانی هاتن و باژێڕڤانی چوون ئەڤ ئاڕێشە وەکی خۆ ما و کەسێ خۆ لێ نەکرە خودان و هەمی زڤستانان خەلکێ ئاکنجییێ ل بەر لێڤا وی رووبارێ دبێژنێ (هشکەڕۆ) دکەڤنە بەر گەفا ئاڤڕابوونێ، وەکی هەر ساڵ هندەک خۆشخۆشکێن بێ کریار بۆ دهێنە گۆتن، ئەرێ باشە ما بەرئاقلە هەمی زڤستانان ئەڤە ب سەرێ خەلکەکی بهێت و تشت و کەل وپەلێن وان تێبچن و هەر ساڵ ناڤماڵییەکا دی بکەن، مسۆگەر هەکە ئەو پێچێبووی بانە، دا خانیێن وان ژی ل سەرێن ملان بن، وی دەمی ئەڤە ب سەری نەدهات؟!
