حەز دکەم ل چەند تشتان ھەوە ئاگەھدار بکەم، لگوری پێزانینان رەوشەکا نەخواستی و خراب د بەردەمێ مە دایە و ھیڤی خوازم وسا ژی دەرنەکەڤت چنکی ئەم ھەمی دێ زەرەر مەندبین، لێ خراب نینە ئەگەر ئەم گەلەک ئاگەھدار بین. چەند بشێین دەست ب پارەی بگرین و خەرجی یێن خۆ کێم بکەین ژبەرکو رەوشا پێدانا مووچەی د چەند ڕۆژێن داھاتی دا گەلەک خراب دبیت و قەیرانەکا مەزن دیسان عێراق و ھەرێما کوردستانێ دگرت. ئەڤ قەیرانە چ پەیوەندی ب داکەتنا بوھایێ نەفتێ ڤە نینە بەلکو د چەند ھەیڤێن بھوریدا چەندین فەزاحەتێن مەزن ل عێراڤێ ھاتینە کرن و راستەراست باندوری کریە سەر رەوشا ئابوری یا عێراق و ھەرێمێ . ھەروسا نیزیک نەبوونا ھەولێر و بەغدا و رادەست نەکرنا نەفتێ و نەرم نەبوونا وان و زێدەبوونا ئالوزییان و زێدەتر دەستڤەردانێن وەڵاتان. د دەما چەند رۆژێن بھوریدا بەغدا ھەولێر ئاگەھدار کربوو کو ھیڤیا مووچەی نەبن و ئەو مووچە کو یا ھەیڤا ١١ یا پار بوو ھاتە دابەشکرن ب زۆر ب ھەرێمێ ھاتە دان ژبەرکو بانکا ناڤدەولەتی بەرھەڤ نەبوو دینارەکی ب قەرز بدەتە عێراقێ . لبارا ڤایرۆسا کۆرۆنا ژی ئالیێن پەیوەندیدار ب حکومەتێ گوتینە ئەگەر حالەتێن توشبوونێ ب ڤایرۆسا کۆرۆنایێ زێدە ببن چ ب وان نائێتە کرن و شیان و کەرەستەیێن وسا نینن رووبرویێ ڤێ ڤایرۆسێ ببن و وەلاتیان چارەسەر بکەن ژبەر ڤێ چەندێ چەند بشێن خۆ بپارێزن و نەچنە جھێن قەلەبالغ و چەند بشێن د مالێن خودا بمینن و نەچنە دەرەڤە ئەگەر گەلەک گرنگ نەبت . مەترسیا ڤێ ڤایرۆسێ د چەند رۆژێن داھاتی دا دەردکەڤت و د گەرمایێ دا ب تەمامی ژناڤ ناچت ژبەرکو ئەڤ ڤایرۆسە زی ب زی خۆە دگوھرت و ئەگەر حالەت زێدەتر ببن حکومەت بریارا قەدەغەکرنا چوونە ژدەرڤە یا وەلاتیان دەردکەت . ھیڤی یا سەلامەتیێ و ساخلەمییەکا باش بۆ ھەمیا دخازین . سەرکەوت حمید دوسکی، سلێمانی
