نێرین

ئەز دخوازم ل سەر مژارا لێگەرینا ژنا ژ بۆ ئازادییێ بنڤیسینم. ھێلان چیا


دەما مرۆڤ ل سەر چافکانیا لێگەرینێ ھزر دکەتن، گەلەک مژار ب بیرا مرۆڤی تێن. گەر مرۆڤ بێ لێگەرین بیتن، وەکی کو ئاڤا د جھێ خوەدا سەکنی و نا لڤیتن، ب وێ سەکناندنێ قرێژ دبیتن. دەما ئاڤ قرێژ بوو ژی، ژ قرێژبوونێ زوھا دبیت و تو کەس نکارە خوە نێزیکی وێ ئاڤێ بکەتن. ئەڤ تێ وێ واتەیێ کو ھەرکەس ژ وێ ئاڤێ نەفرەت دکەتن. گەر مرۆڤ خوەدی لێگەرین بە، وەکی کو ئاڤێ زەلال دبە. ئەو دەم بێ ھەژمار وێ ئاڤ ب لڤیتن و وێ ھەرکەس بخوازە خوە نێزیکی وێ ئاڤێ بکەتن و وێ ئاڤێ بەردەت ل بەر بەخچێ گولا. ب وێ ئاڤا زەلال ڤە، ئەو گول مەزن ببن و بێھنا وێ خوە ل ھەردەرێ بەلاڤ بکە و خوەشکبونێ دەتە ژیانێ، ئەو خوەشکبون ژی ژبوو ھەر مرۆڤەکی پێویستە. لێگەرین ژ بۆ مرۆڤ تشتەکێ ھەری باشە، لێگەرین دھێلە کو مرۆڤ خوەدی ئارمانجێن مەزن بە، گەر لێگەرێنا مرۆڤ نەبە نکاریت بگەھیت ئارمانجێن خوە، مرۆڤ د ناڤا ژیانێ دە ب لێگەرین و ئارمانجێن خوە ڤە دمەشە و سەرکەفتن دگرە دەست. لێگەرین دھێلە کو مرۆڤ خوە ناسبکە و رەنگێ ژیانا مرۆڤ ژی تێ گوھەرین. ئەو خوەشکبوون و لێگەرین ژ بۆ مرۆڤ دبە مافێ ژیان و تێکۆشینێ. لێگەرین ژ مرۆڤی را مەزن ددە ھزراندن و دھێلیت کو بگەھە راستیا ژیانێ. ئەڤ ژی ب خوە رە زانستیەکە دەردخە ھۆلێ. دەما مرۆڤ رەوشا ژنا دیرۆکێ دمەیزینە، رەوش و راستیا کو ژن د ناڤ دە ژیان کری، مرۆڤ گەلەک مێشکێ خوە ددێ ھزراندن. گەلۆ ژن چما کەت رەوشەکێ ب ڤی رەنگی؟ و ژ ھەر تشتی ھات قوت کرن؟ ژن چما بێ لێگەرین ما؟ ژبەر ڤێ ژی لێگەرینا دیروکێ ئەو قاس گرنگە کو ژن تێبگەھە کو ئازادیا ژنێ نە ئەو قاس ئاسانە، ژبەرکو دیروکەک پێنچ ھزار سالیە، ژن ژ ھەموو ئالیان ڤە بویە کولەیا ھەموو رێسا و رێگەز/پرەنسیپێن گلوبالیزمێ، ھن کەسان وسا دایە خویاکرن کو چاخا ١٩ ئەمین کولەکرن ب داوی ھاتیە، لێ ئەم دبێژن نا ھینا پر تێکوشین و خەبات مایە کو راستیا کولەکرن و ئازادیێ بێتە فێمکرن و خەتا کولەکرنێ د سیستەمێن گلوبالیزمێ دە بێنە قوت کرن. ژبەر ڤێ یەکێ لێگەرینا ژنێ دڤێ ب وێرەکی و تێکوشین بە ھەیا بگەھە راستیا ئازادیێ د ناڤەروک و ھەبوینا جڤاک و ژینگەھێ ب گشتی دە تایبەت ژی لسەر خاکا مێزوپوتامیایێ دە. ژبەرکو ئەڤ خاک خاکا ژنێن ئازاد و پێشکەفتی بوو، دیروک وسا ددە نیشان دان کو پێتریا خوەداوەندان لسەر ڤێ خاکێ بوون و ژیان کریە ب تایبەت خوەداوەندێن ژن و تەڤی پر شارستانیەتان.. ئەرستۆ تەلەس دبێژیتن “د ژن دە تشتەکێ کێم ھەیە.” ئەرستۆ تەلەس چما نرخاندنەکا ب ڤی ئاوایی دکە؟  د راستیێ دە ھێزا ژنێ ژ یا زەلام پێترە. لێ ژ بۆ کو باوەری ژ ژن رە نەھاتییە دایین و ھەرتم بێ باوەری نێزیکێ ژنێ دبن، ھێز و دەرفەتێن کو ژن د ژیانێ دە دەردخە ھۆلێ نابینن. گەلەک فەیلەسوفێن دن ژی ب ھەمان رەنگی ژ ژنێ رە نێزیک دبە و ھەردەم د نرخاندنێن خوە دە ژنێ بچووک دبینن. ب تایبەت د ھووندرێ جڤاکا کورد دە نێزیکبوونەکی ب ڤی رەنگی ھەیە. ژنێ د ناڤ رەوشەکی بێدەرفەتیێ دە دھێلن، ژ بۆ وێ ژی ژن بێ لێگەرین دمینە. لێ مخابن کو ئەردەنگەریا کوردان ب ھەموو رەنگان کەت ژێر داگیرکەریێ مەژی و زێھنیەتا ژن و مێرێن کورد تەڤی رەوشەنبیر و میر و ئول..داگیرکرن ئەگەر تو مللەتەکی مینا مللەتێ کورد ژنێن ئازاد نەبونە، ئەڤ رەوش دشبھە چاوا کو مرۆڤ پێشیا ئاڤاکێ بگرە و نەھێلە ئەو ئاڤ د رێیا خوە دە بمەشە، د ڤێ بنگەھێ دە پر نێزیکبوونێن وسا ژی د ناڤا تاریتیا دیرۆکێ دە ھاتە ژیان کرن. ژن ھەردەم د ناڤا چار دیواران دە مایە و تەنێ ب خەباتێن د ھووندرێ مالێ دە مژوول بوویە، و خزمەتکرنا زاروک و مێر دە ھەم خوە ژبوو وی جوان دکە و ھەم ژی خوە دئێشینە بێ کار دکە بێ لێگەرین…ئەڤ رەوش ژ بۆ ژنێ وەکە چارەنووسەکی ھاتیە سپاندن. وەکە کو تو بلبلەکی بکەیە د ناڤا قەفەسێ و تووجار جیھانێ نەبینە، ژ ژیانێ قوت ببە و ب ڤێ ژی بێ لێگەرین بمینە. بەلکوو ژن پر بچووک د ھات دیتن، لەورە پێشیا ژنێ نە ھاتبا گرتن، وێ دەمێ ژن پر پێشبکەتانا و مینا دیروکێ ئەرکێ پەروەردە و خوەدی کرنێ ڤە مژول ببانە . نێزیکبونێ جڤاکێ دھشت کو ژن وسا خوە ب ناسە و بکەتبانا ناڤا لێگەرینێن مەزن دە و ژینگەھ تەڤاھی پاراستبا ئاژەل ئاخ و گیا… ل ھەمبەر ھەر جووران نێزیکاتیێن وسا ژی د ناڤا دیرۆکێ دە پر ژنێن قەھرەمان دەرکەتن پێش. ژنەکێ ب ناڤێ ژاندارک ھەبو، ب خوە ژ فرەنسایێ بوو، ئەو ژنەکە پر ب ھێز و مەزن بوو، جھێ خوە د ناڤا ئارتێشا فرەنسایێ دە دگرت، ل ھەمبەری ئارتێشا ئینگلتەرە ب قەھەرەمانتییەکە مەزن ڤە د شەرێ خوە دە سەرکەفتن گرت دەستێ خوە، لێگەرینا وێیا ژ بۆ وەلات و گەلێ خوە پر مەزن بوو، ژ بۆ وێ ژی خوە وەکە ژنەک ب ھێز نیشاندا و ب ڤێ رەنگی بەژداری شەر بوو. وەکە لەھەنگەکە، وەکە سەمبۆلا گرێدانیا گەل و وەکە ژنێ کو د خوازە ژ بۆ وەلات خوە فەدا بکە، د شەرێ خوە دە سەرکەفتن گرت دەستێ خوە دەرکەتە پێش. بەلێ ژ بەر کو مژارا مە لێگەرینا ژنا ژ بۆ ئازادییێ بو، من خوەست ب ئاوایەکە کورت ڤێ راستیا کو ھاتی ژیان کرن بنرخینم. سەدەمێن بنگەھین کو ھشتە ژن ژ لێگەرینا خوە دوور بکەڤە چ بوو؟ دەما کو مرۆڤ رۆژا مە ئیرۆ دمەیزینە، ھەولەکە کو ژن ددە پر مەزنە، لێگەرێنا کو ژن ژ بۆ ئازادییێ ژیان دکە و د ڤێ بنگەھێ دە تێبکۆشە، ب ھێز و ڤینا خوەیا ئازاد ڤە بەژداری تێکۆشینێ ببە، ژ بۆ مە واتەیەکە پر مەزن ددە ئافراندن، ئەڤ پێشڤەچوون و سەرکەفتنا کو گرتیە دەست نیشان دکە. ژن نھا د ناڤا لێگەرینەکە پر مەزن دە دژی، ل ھەمبەر ئاستەنگان ڤان نێزیکاتیان دکەڤە ناڤا تێکۆشینێ و ژ بۆ خوە گەھاندنا ئازادیێ مەرجەکێ بنگەھێ ژیانێ دبینە.  ژن د رۆژا مەیا ئیرۆ دە وان زاگۆن و رێگەزان و ژیانەکی ب ڤێ رەنگی ناپەژرینە.  ب ڤێ رەنگێ ب ڤێ شێواز و ھزراندنێ وێ ھەردەم د رێیا ئازادیێ دە بمەشە و لێگەرینا خوە مەزن بکە. ژن گەھشتیە ئاستەکی وسا کو ب زانەبوونا خوە ڤە ل ھەر دەڤەرێ مەشا خوە بدۆمینە. ھەر رۆژێن کو دەرباس دبە ھێ پێتر ژن دکەڤە ناڤا لێگەرینێن مەزن. ب ڤێ رەنگێ ژن ب جۆش دبە، خرۆش دبە و ھەردەم ھێڤیەکە پر مەزن ڤە ژیان دکە. د رۆژا ئیرۆ دە، مرۆڤ ھەر چار پارچێن کوردستانێ دنێرە، تەڤلیبونا ژن ژ خەباتێرە و لێگەرینێ وێیا ژ بۆ ئازادییێ و مەشا وێیا بەر ب وەلاتەکی ئازاد و وەکھەڤ، گەش دبە. ژن ئێدی گەھشتیە وی ئاستێ کو ب ئاوایەکە ئازاد بکاربە بەژتاریا خوە ژ ھەموو خەباتان رە چێبکە. ب ڤێ ڤە مافێ ژیانێ ژ خوە رە بگرێ و تەڤبگەرە. ھەر رۆژ کو دەرباس دبێ ژن داخوازێن خوەیێن ئازادییێ بلێڤ دکەن. ژن ناخوازە ب کەڤنەشۆپی و نەخوەشیێن خوە ڤە بکەڤە ناڤا ژیانێ. داخوازا وێیا ھەری مەزن ئەوە کو؛ ھەر مرۆڤ ب ئاوایەکی ئازاد و ب ھەوردۆرەکە ئاشتیێ دە بژی. ئێدی ژن ناخوازە تو کەس ئێشان بکشینن و رۆندکێن چاڤێن مرۆڤان نەلڤن. ب ھەست و رامانێن خوە ڤە ژن دبێژە کو پێویستە ھەر مرۆڤ ئازاد بژین. ژن وێ ھەردەم بکەڤێ ناڤا لێگەرینێن مەزن و مەشا بەر ب ئازادییێ ڤە بدۆمینە. ژن ب تێکۆشینا خوە ڤە لێگەرینێن خوە مەزن دکە و دەرفەتێن خوە ژ بۆ ژیانێ دئافرینە.. ب رامان و ھەستێن خوە ڤە تێدکۆشە و دەنگێ خوە ل ھەر ھەوردۆرێ جیھانێ بەلاڤ دکە، د ھووندۆرێ کوردستانێ دە ل گۆر ئێش و ژانێ کو ژیایە، د ناڤا لێگەرینێن مەزن دە خوە پێش دخە. دەما کو ئەم ژ ژنەکە رە دپەیڤن، لێگەرینێن خوەیێ ئازادییێ بلێڤ دکە. د ڤێ بنگەھێ دە ئەم دکارن بێژن کو لێگەرینا ژنان گەھشتییە ئاستەکێ پر مەزن. پێویستە ژن ب لێگەرین و ئارمانجێن خوە ڤە ھێش پێتر تێبکۆشە و رێگەز و خوەزایا خوەیا ئازاد ل ھەر دەرێ بەلاڤبکە. ئانجاخ د ڤێ بنگەھێ دە ژن دکارە تێکۆشینا خوە مەزن بکە و ب ڤێ ڤە بگەھە سەرکەفتنێ. ب خواندن و دیتن و بھیستن دکارە بەردەوامیێ ب دەن لێگەرینێن زانستی ب باوەری و وێرەکی و ژیری نە ب رێیا کولەکرنا سیستەمێن گلوبالیزمێ خوە بدەتن ژیانکرن و وسا بدەت خویاکرن کو ئەڤ ئازادی ئازادیا ژنێ یە، نەخێر دڤێ ژن ل پێشیا ھەر خەباتەکی خەباتا لێڤەگرینا دیروکا خوەیا وندا بکە و ببینە کا ئازادی چ بو؟ ئەخلاق و پولیتیکێن ئەتیک و ئەستاتیکی ل با ژنێ چ بوون، ژبەر ڤێ ھەیا ژن دیروکا خوە ناس نەکە نکارە بگەھە راستیا خوە و ئازادیا جەوھەریا ژن بوونا خوە. پێویستە ھەر ژنەکێ بکەڤێ ناڤ ھەولدانێن مەزن، ژ بۆ ئازادی و روومەتیا مرۆڤ و ژ بۆ لێگەرینێن خوەیێ بنگەھین، ھەول و کەدا خوە مەزن بکە. ژن وێ ب تەڤلیبوونا خوە و ھەولدانێن خوەیا ژ بۆ ئازادییێ بگەھینە قۆناغا ھەری بلند. د ھەر تشتی دە باوەری ژ بۆ مرۆڤ پێویستە، د ھەر تشتی دە ئیرادە و لێگەرین دھێلە کو مرۆڤ ھێ مەزنتر و ئازادتر ببە. باوەرییا ژن د رۆژا مەیا ئیرۆ دە پر مەزنە و د ناڤا تێکۆشینێ دە ھێزا بنگەھینا کو ژنێ ددە مەشاندنە. ژن ب جۆشەکێ پر مەزن د ناڤا لێگەرینا ئازادییێ دە جھێ خوە دگرە. ب تێکۆشینا خوە ڤە باوەرییا ئازادییێ ھەردەم د دلێ خوە دە ددە ژیان کرن. تێکۆشین ژ بۆ لێگەرینا ئازادیێ بنگەھەکێ سەرەکییە. مرۆڤ بێ تێکۆشین نکارە بگەھە ئارمانجێن خوە و رێگەز و رامانێ خوە نکارە بژی، ژ بۆ وێ ژی تشتێ ھەری ب رومەت لێگەرین و تێکۆشینە. د ڤێ بنگەھێ دە د ناڤا خەباتا ئازادیێ دە جھ گرتن و ھەتا داوی تێکۆشین مەشاندن، ژ مرۆڤ را ھەستەکێ مەزن ددە ژیان کرن. ژن وێ ب لێگەرینا خوەیا ئازادیێ و تێکۆشینا خوە ڤە بدێ گەھیتە سەرکەفتنێ. پێویستە ژن تووجار بێ لێگەرین نەمینە و ھەردەم د خەتا ئازادیێ دە بمەشە. لێگەرین د ناڤا خەباتا ئازادیێ دە بنگەھەکە مەزنە و ژ بۆ ھەر مرۆڤ و ب تایبەتی ژی ژ بۆ ژنێ پێویستیەکە یەکەمینە.

پتر به‌رچاڤ بكه‌

وەڵامێک بنووسە

Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close