خەلکێ ھەرێما کوردستانێ د دژوارترین روژانێن خودا دژیت چ ژلایێ دەرونی ڤە ژلایێ ئابووری ڤە ژبۆ رووبرووبونا مەترسیدار ترین ڤایروس کو لسەرانسەری جیھانێ شەرێ مروڤان دگەل دەست پێکریە، ل ھەرێما کوردستانێ ژی ژبۆ رووبروبوونا ڤێ چەندێ حکومەت ب ھەمی سازیێن خوڤە مژولی دەرکرنا بەیاننامان و کونگرەیێن رۆژنامەڤانی و دیارکرنا رێکارێن خۆپاراستنێ و گرتن و داخستنا جھان و ئەڤ ھەموو ڕێکارە ژی تا ڕادەیەکی کەتینە د بیاڤێ جھئینانێ.
لێ ھێشا حکومەتێ ھزر د دەرۆنێ تاکێ کوردی دا نەکریە کو د چ ڕوشەکێ دا دژیت و چاوا روژگارێن خۆ دەرباز دکەت زێدەباری شەرێ ھاولاتیان دگەل ڤایروسی دا د نھا دا بێ پلانیا حکومەتێ ژی ڤایرۆسەکێ کوشندە ترە رووبروو خەلکێ وەلاتێ مەدبیت ئەوژی پاشخست و نەدانا موچەی مەھا ١٢ یا سالا دەرباسبوویە کو نھا د مەھا ٣ یا سالا ٢٠٢٠ داینە ھە روژ ب بھانەیەکا نە رەوا پاش دئێخیت تاگەھشتی رادێ راگرتنا بەلاڤکرنا موچەی ڤێ چەندێ ژی کاریگەریەکا گەلەکا نێگەتیف لسەر دەرونێ خەلکێ دوستکریە ژبەرکو دڤێت د ڤێ ڕەوشێ دا خەلک یێ ب پارە بیت ژبو باشتر روبروی نەخوشیێ ببن لێ حکومەتا بێ پلان خەلکێ بێ پارە دھێلیت دناڤ مالێن وان دا.
لڤێرە ب ئەشکەرا بۆ خەلکێ ھەرێما کوردستانێ زەلال دکەم کو ئەگەر حکومەت ب بەرنامە و زانین سەرەدەریێ دگەل ڕەوشێ دا نەکەت و رێکارێن پێتڤی نە گرتیەبەر ژبۆ دابینکرنا موچەیێ ماموستا و فەرمانبەران ئەڤە د پاشەرۆژێ دا دێ دانا موچەی خرابتر ژ سالانێن دەربازبووی لێ ھێت کو نەک بتنێ ببیتە چارێکا موچەی بەلکو ھەر نەھێت بەلاڤکرن یان ژی ببیتە ھەر چەند مەھا چارێکا موچەی.
ئەز پشتراستم بەشێ ھەرەزۆرێ خەلکێ کوردستانێ ئامادە نیە زێدەتر باجا نەزانین و فەشەلا حکومرانیا ٢٨ سالێن دەربازبووی بدەت، ژبەر وێ چەندێ ب چ رەنگەکێ ناھێتە قەبیلکرن و ئێدی خەلک مافێن خۆ دخازن و رێ نادەن ب زێدەتر بتالان برنا داھاتێ ھاوەلاتیان و بچیتە بەریکا چەند کاربەدەستان و پرانیا خەلکێ ل نانی بگەرن.
