پارێزگارێ دهۆکێ راگەهاند، ئەو کەسێ ل دهۆکێ توشی کۆرۆنا بێ کەرەنتین دەربازی دهۆکێ بوویە و پیگیری رینمایێن ساخلەمیێ نەکریە.
فەرهاد ئەمین ئەترۆشی پارێزگارێ دهۆکێ راگەهاند، ئەو کەسێ توشی ڤایرۆسێ کۆرۆنایێ بووی ل پارێزگەها دهۆکێ نەهاتیە کەرەنتینەکرن، پێگیری ب رێنمایێن ساخلەمیێ نەکرنە و پێدڤیە کەسێ توشبووى و یێن ریک ژى دایێ بێ کەرەنتینە بهێتە دهۆکێ، بهێنە سزادان.
ئەڤە ژى پشتى وێ یەکێ هات کو وەزارەتا ساخلەمیا حکومەتا هەرێمێ ڕاگەهاند، “د بەردەوامیا پشکنین و لیگەڕیانێ دا لدیف گۆمانلێکریان، یەکەم توشبوویێ ڤایرۆسێ کۆرۆنایا نوو (COVID-19) ل باژاڕێ دهۆکێ هاتە دەستنیشانکرن کو زەلامەکێ تەمەن ٥٠ سالییە و ل ولاتێ ئەڵمانیا ڤەگەڕیایە”.
دەربارەی ڤێ یەکێ ساخلەمیا دهۆکێ ئەو وەلاتیێ توشبووی پێشتر د کەرەنتینەیێ دا بوویە و پشتی پشکنینێ دەرکەفتیە هەلگرێ وی ڤایرۆسی بوویە.
