نێرین

ژینگەهـ ئەو تێگەهە ئەوێ بو وی جهی دهێتە بکارئینان ئەوێ زیندەوەر تێدا ژیانێ دکەن

، دناڤا وێدا ئاڤ ، روژ ، خاک و خوارن گرنگن بو بەردەوامیا ژیانا زیندەوەرا ، پاک راگرتنا هەر ئێک ژفانە بەرزترین ئەرکێ مروڤایەتی دهێت هژمارتن ، ژبەرکو هندی ئەڤ ژینگەهە پاڤژ و جوان بهێت راگرتن دێ ب مروڤا را بەخشیت ژیانەکا ساخ و ساخلەم ، لەوما ئەرکەکێ زور گرنگە ل سەر هێز و شیانا تاک ب تاکێن هەر جڤاکەکی بو پاراستنا ڤێ ژینگەهێ ، ب تایبەت ئەم بێژین وەلاتێ مە ئانکو کوردستانا دایک ، دیارە کو بهارا وەلاتێ مە ل دەما هاتنا جەژنا نەتەوەی یا کوردا ، ب گول و گولزار و دیمەنێن سەرنچ راکێش دهێتە باوەشا مە و جوانترین دیمەنا پێشکێشی مە دکەت ، ئەگەر ئەم بهایێ ڤێ ژینگەهێ بزانین دێ شەڤ و روژێن خوە کەین ئێک ژ بو وێ ئەم ڤی واری ب پاقژی راگرین ، ئەو دیاریێن ئەڤ ژینگەهە پێشکێشی مە دکەت ، باوەرناکەم ب چ بهایێن پارە و زێرا بهێن دەست خستن ، وەک هندەک میناکا بێژین کانیێن ئاڤێن زەلال و شرین ، دیمەنێن ب چ رێکا نەهێن وەسفکرن ، ئوکسجینەکا ئێکجار ساخ و ساخلەم ، ب دەهان گیایێن ب بەلگ و کولیلک و رەهـێن خوە ڤە تەڤ دەرمان . ژ بو ژ نەدەست دانا ڤان بهایا ، پێویستە تاک ب تاک هەست ب بەرپرسیاریێ بکەت

جهێ خوە و یێ بەرامبەری خوە ژی ب پاک و خاوێن راگریت ، هزر بکەت ئەڤرۆ ئەو ل وێرێ یە سبا ئێکێ دی ، یان بێژین نە پاراستنا وێ وەک ئەو شتومەکێن ژ پیشەسازیا پتروکیمیاوی دهێن بەرهەمهێنان میناک پلاستیک ب گشتی ، هەر ئێک ژ مە وان دهاڤێتە دناڤ ڤێ ژینگەهێدا ، دڤێت ئەم بزانین لەوانەیە بو چار سەد سالا ئەم وێ ژینگەهێ د کوژین د بینە ئەگەرێ کوشتنا ئێک و دوو ، بێ کو مە ئاگەهـ ژ خوە هەبیت

وەک بێژین ئەڤ ئێشێن هندە زور وەک شێرپەنج ، جەلتا ژ نشکەکێ ڤە ، ئێشێن دلی و گەلەک ئێشێن دی یێن نە چاڤەرێ کری . ئەم بێژین چارە چی یە ؟ تەنها رێگە چارەیا ڤێ کێشێ هشیاریا تاکێ جڤاکی یە ژ بەرکو تاکێ هشیار جڤاکەک هشیار ئاڤا دکەت. ژ بو ژینگەهەک پاک و پاقژ هەر ئێک ژ مە ژ لایێ خوە هەست ب مروڤ بونێ بکەت و بزانیت دەما ئەم ژینگەهێ پیس دکەین ئەم رێکێ خوەش دکەین بو تێکدانا ژیانا خوە

پێکڤە بێژین بەلێ بو ژینگەهەکا خاوێن

پتر به‌رچاڤ بكه‌

وەڵامێک بنووسە

Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close