دژە تیرۆرا سەر ب دەزگەهێ زانیاری ڤە، بەرسڤا سەرۆکێ حکومەتا هەرێمێ دا و راگەهاند، “ئەم ژى وەها دبینین یاسا سەروەربیت و هەمى ئەوێن کارێن لاساری و کوشتن و بەرتیلخوریێ دکەن بچنە هەمبەر یاسایێ”.
د راگەهاندنەکا دژە تیرۆرا سەر ب دەزگەهێ زانیاریا یەکێتیێ ڤە هاتیە،”پشتى راگەهاندنا دەزگەهێ زانیاری و ب درەو دەخستنا دەزگەهێ پاراستن و هەلدانا پەردەى لسەر سیناریۆیێن درۆستکریێن وى دەزگەهی، مەسرور بارزانى وەک نەریتەک ژ باب و باپیرێن وى بۆ مای، و دوور ژ هەمی پرەنسیپێن دەولەتداری بناڤێ نڤیسنگەها سەرۆکێ حکومەتێ ب نەخویندەوارانە و شەپرزە و عەشیرى بەرسڤا دەزگەهێ زانیاری دایە”.
دازانین ژى، “ئەم لهەمبەر بەرپرساتیێ بۆ ژیار و ژیان و باشترکرنا رەوشا ئابورێ هەرێما کوردستانێ و رێگریکرن ژ زنجیرەکا کریزان دی، ئەم خۆ مژوول ناکەین ب بەرسڤدانا حکومەتەکا فاشل و سەرۆکێ وێ یێ رۆژنامەڤان کوژ”.
د راگەهاندنێ دا هاتیە ژى،” مەسرور بارزانى بەحسا سەروەری و جیبیجکرنا یاسایێ دکەت، مە ژى پێ باشە یاسا سەروەر بیت و هەمی ئەوێن کارێن لاساری و کوشتن و بەرتیلخوریێ دکەن بچنە هەمبەر یاسایێ”.
ئەڤ بەرسڤدانا دەزگەهێ دژە تیرۆرا یەکێتیێ پشتى وێ یەکێ هات، سەرۆکێ حکومەتا هەرێما کوردستانێ دەربارەى دەستەسەرکرنا کەسەکێ ب تومەتا سیخوریێ، بەرسڤا دەزگەهێ زانیاری دا و راگەهاند، “لاهۆر جەنگی لبن ناڤێ دەزگەهێ زانیاری تومەتێن بێ بنەما ئاراستەى حکومەت و سەرۆکاتیا حکومەتێ کرنە
