نێرین

کەنگی نەوروز دێ بیتە جەژنا راستەقینەیا کوردا؟

سەگڤان ئەرتیسی

دهوك دیارە دناڤا زوربەیا مللەتێن ئاری یان بێژین ئەو مللەتێن دکەڤن ناڤەراستا روژئاڤایێ ئاسیا ڤێ جەژنێ پیروز دکەن ، هەر مللەتەک ل گورەی دیتنێن خوە یێن دیروکی و جڤاکی برێڤە دبەن

وەک ل دەف هندەک ژ وان مللەتا ژ بو داوی هاتنا سەخت و دژواریا وەرزێ زستانێ و دەست پێکا وەرزێ بهارێ یە . لێ یا گرنگ ئەوە مللەتێ کورد بگشتی چەوا پێشوازیا ڤێ جەژنێ بکەت ؟ دیارە کو کورد مللەتەک ل ژێر دەستێ داگیرکەریێ دا د نالیت ب جوگرافی و مێژوو و زمان و کەلتور یان بێژین ب هەمی هەبوونا خوەڤە کەتیە ژێر مەترسیا ژناڤ چوونێ ، ژبەر وێ یا ل سەر مللێ کورد بگشتی ئەوە بکەڤن دناڤ ناڤەروکا ڤێ نەڤروزێ ، ئەوژی ب هشیارکرنا تاک و جڤاکی

ژ بو وێ پێناسەیا بن دەستی و ئازادیێ بزانن تاکو بن دەستی یا داگیرکەرا ب هیچ ئاوایەکی قەبویل نەکەن و بەرەف تاما ئازادی و سەرخوەبونێ ڤە بچن ، هەلبەتە ئەڤ چەندە ب ئاسانی نائێت بەرچاڤکرن ، لێ پێویستە سازیێن سیاسی ئابوری جڤاکی بگشتی بکەڤن سەر خەت و مللەتی ژ خەو راکەن ، ئانکو جڤاک ب گشتی هایدارێ رەوشا سیاسی ئابوری و جڤاکی ب بیت ،

ئەو رەوش هەمی ب بن پرس ، ئەو پرس ژی مێشکێ وانا ب ئازرینن ، بو وان ب بن پرسیار ، ئەرێ بوچی ئەڤ مللەتێن دەردور ب بن سەروەر سەر سەرێ مە و هەمی هەبوونا مە ژ خوەرا حەلال بکەن ؟ ئەرێ ئەگەر کورد ل سەر سەرێ وان ب بن سەروەر ئەو مللەت دێ قەبویل کەن ؟

ئەرێ ئەگەر ئەو قەبویل نەکەن ؟ ئەرێ پا بوچی ئەم وانا قەبویل دکەین ؟

ئەرێ داهاتێ جوگرافیا مە ل کیرێ دهێت مەزاختن ؟ ئەرێ ئەو خزمەتگوزاریێن ل باژێرێن وان دهێن کرنێ هەمان ل وارگەهێ مەژی تێن کرنێ ؟ ئەرێ بوچی هەمی پێشکەتنێن ژیانێ ل وارگەهێ وان هەنە و ل وارگەهێ مە تونە نە ؟ هەروەسا ئەرێ بوچی جڤاکێ وان ژ لایێ زمان رەفتار تەکنولوژیا هتد… د پلا هەرە بەرزدا ژیانێ دکەن ؟ هەروەسا مللەتێ مە بوچی د پاشکەتنێ دایە ؟

ئەڤ پرسە و گەلەک پرسێن دن پێویستە بکەڤن د هزرا تاک ب تاکێ کورد تاکو خیرەتا هەبوونێ خوە دناڤا ئیرادا واندا زیندی بکەت . یا مە دڤێت بگەهینین ، نەوروز چەکەکێ هەرە بهێزە د دەستێ مللەتێ کورد دا ، ژ بو خوە رزگارکرنێ ژ بن دەستیێ ، ژ بەر وێ ئەگەر کورد ب شارەزای و زیرەکانە ڤێ هێزێ بخوینن ، ئەز باوەرم دێ شێن د دەمەک نێزیک دا ، دێ تاکێ ڤی مللەتی ژ تاریاتیێ هشیارکەن و خاک و وەلاتی ژی رزگار کەن ژ بن دەستێ داگیەران ، ئاها دەما ئەڤە هاتن کرنێ ل وی دەمی ئەز دشێم بێژم نەوروز جەژنا راستەقینەیا کوردانە

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close