نێرین

نەوروز نوى روژ ئان روژا نوى

نەوروز نوى روژ ئان روژا نوي ئەفسانەيە ئان جەژنا نەتەوەيي یا کوردانە ؟

گەلەك چيروك و گوتنێت جوداجودا لسەر ئەفسانەيا نەوروزێ يێت هاتين گوتن ، و گەلەك هەلبەستڤانێت بناڤ و دەنگ و مام ناوەند جودا جودا هەر ئێکی برەنگەگی هەلبەست یێت ب نەوروزێ ڤەهاندین ،

و هەر هوزانڤانەکی ژی لدیڤ شیانێت خوەو ب پەیڤێت نازك دەربرین یا دلسوزیا خوەیا نەتەوەیی کری بوێ مەرەمێ کو نەوروز بو جارا ئێکێ ب قارەمانی و زەندو باسك و مێرخاسیا کەسەکێ کورد بناڤێ کاوەیێ ئاسنگەر یاد دیروکێدا هاتی تومارکرن و نەوروز ب کوردا تێت ناسکرن

و هەروەسا گەلەك هونەمەندو ستران بێژێت کورد ژی ئەو هەلبەست یێت کرین ستران و لاڤژە ، و بدەنگێت خوەو ئاوزازێت جودا جودا یێت گوتین ۰ ئەز ژ بهایێ جەژنا نەوروزێ ، و لێ خودان دەرکەفتنا گەلێ کورد کێم ناکم ، بەلێ لدیف پێزانین و خاندنا من ژبەری گەلێ کورد ل جەژنا نەوروزێ خودان دەرکەڤت ،

و خوەب سەردا بسەپینت وەك چەژنەکا نەتەوەیی و پێگیریا نەتەوەیی پێ بێتن کرن ژبەری گەلێ کورد لڤێ هەلکەفتێ خودان دەرکەڤت دیتنا ژحەمیا دروستر ئەفسانەيا نەوروزێ ژبەری هەر تشتەکی پەيوەندي ياب دياردەيا فەلەکيڤە هەيي وەکي : بدوماهي هاتنا سروسەرمايێ و بشکفتنا دارو گل و گيايي ،

و ل پرانيا وەلاتێت ئاري دەم ژمێرێت شەڤ و روژا ل نەوروزێ نێزیکی ئێك و دوو دبن ئان هندي ئێك لێ تێن٠ هەروسا ل زەمانێ مەجوسيا ژي ئەڤ ئەڤسانە هەبی و هێمايێ ئاگر پەرێسيێ بي لدەف وان٠ گەلێ کورد ژی ژسەرهاتیا نەوروزێ بێ باهر نابینم بەلێ حەتا نوکە گروڤەیەك (بەلگە)یەکێ دروست بدەست نەکەڤتیە کو بێتن سەر راستکرن ئایا گەلێ کورد بئەرێنی ئان بنەرێنی پەیوەندی ب هەلکەفتا نەوروزێڤە هەیە ؟

چنکو هندەك ژێدەر دبێژن زوحاك بخوە کوردبی ، و ، هندەك ژێدەر دبێژن زوحاك فارس بی ، و هندەك ژی دبێژن زوحاك بهێزەکا مەزنڤە ژوەلاتەکێ دیتر هاتبی وەلاتێ فارسا (ئیران)ێ ئانکو زوحاك نەکوردەو نەفارسەژی

۰ وەك من لسەری ئیشارەت پێدای ئەز ژ بهایێ نەوروزێ وەك جەژنا نەتەوەیی یا گەلێ کورد کێم ناکم هەرچەندەژی مە بەلگەیێ سەر راستکەر نینە بەلێ بدویر نابینم کو سەرهاتی و بویەرا نەوروزێ هندەك چەقێت دیتر ژی ژێ چوبن و رویدانەکا دیتر ژی برێکخستن و ئامانج هاتبن پەیرەو کرن ،

و رێکخستی یێ وێ ئارمانجێ شەڤا 21 ئادارێ کربت ژڤان بو ئەنجامدانا قارەمانیێ و هلکرنا ئاگری ژی کربت نیشان بو دەستپێکرنا کاری و هنگافتنا ئارمانجێ لسەر ستەمکاری ،

و کەسەکی بناڤێ کاوەيێ ئاسنگەر چی کورد بت ، ئان ژ مللەتەکێ دی یێ ئاری بت ئەو ستەمکار کربت ئارمانج و ل شەڤا نەوروزێ کارێ خوە ئەنجام دابت ، و بسەر زوڵمێدا بسەرکەتبت ۰ بهەرحال ئەفسانەيا نەوروزێ وەکی کەلەمەکێ بئێش ، و ژان و دەردەسەري دچاڤ و مێشك و جەرگێ دوژمنێت گەلێ کوردا یاهاتی چاندن ،

و دڤێ بيرەوەريێدا گەلێ کورد شيايە دەربرينێ ژ هەستێ خوەيێ نەتەوەيي بکت بەرامبەر دوژمنێت خوەو ب شيان و هێز خول ڤێ بيرەوەريێ کريە خودان ،

و ب درێژيا (2720) سالا ئەڤ روژە بناڤێ جەژنا نەتەوەيي يا گەلێ کورد یا هاتی پاراستن سەرای زيندانیکرن و ئەشکەنجەدانا خورت و خەلکێ کوردستانێ ب ئەگەرێ گرێدانا وان ب جەژنا نەوروزێڤەو گەلێ کورد شیایە بناڤێ جەژنا نەوروزێ وەك جەژنەکا نەتەوەیی ژلایێ مەعنەویڤە روی بوی بەرهنگاری دوژمنێنت خوە ببت ، و ئەز بخوەژي ئێکم دوەختێ خوەدا ژچەندين گەنجێت خەلکێ دەڤەرا باتيفا ل دوماهیا سالێت حەفتیاو دەستپێکا سالێت هەشتيا مە ئەفسانەيا نەوروزێ ب جەژنا نەتەوەيي يا گەلێ کورد ساخ دکرو توشي زيندانکرن و ئەشکەنجەدانێ دبين بدەستێت دەزگاو رەشەکێت ئەمنا بەعسيێت ژناڤ چۆيي

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close